ಕರ್ನಾಟಕದಲ್ಲಿ ಅರಣ್ಯ ವಿಸ್ತಾರ: 1101 ಚದರ ಕಿ.ಮೀ. ಏರಿಕೆ
ಕಾಡು ಕಡಿಮೆಯಾಗುತ್ತಿದೆ, ಕಾಂಕ್ರೀಟ್ ಕಾಡು ಹೆಚ್ಚಾಗುತ್ತಿದೆ, ಇದರಿಂದ ತಾಪಮಾನ ಏರುತ್ತಿದೆ ಎಂಬ ದೂರು ಸರ್ವೇಸಾಮಾನ್ಯ. ಆದರೆ ಇದಕ್ಕೆ ತದ್ವಿರುದ್ಧವಾದ ವರದಿಯೊಂದು ಬಂದಿದೆ. ಕಳೆದ ಎರಡು ವರ್ಷಗಳಲ್ಲಿ ದೇಶದಲ್ಲಿ ಅರಣ್ಯ ಪ್ರಮಾಣ 6778 ಚದರ ಕಿ.ಮೀ.ಯಷ್ಟುಹೆಚ್ಚಾಗಿದೆ.
ಡೆಹ್ರಾಡೂನ್: ಕಾಡು ಕಡಿಮೆಯಾಗುತ್ತಿದೆ, ಕಾಂಕ್ರೀಟ್ ಕಾಡು ಹೆಚ್ಚಾಗುತ್ತಿದೆ, ಇದರಿಂದ ತಾಪಮಾನ ಏರುತ್ತಿದೆ ಎಂಬ ದೂರು ಸರ್ವೇಸಾಮಾನ್ಯ. ಆದರೆ ಇದಕ್ಕೆ ತದ್ವಿರುದ್ಧವಾದ ವರದಿಯೊಂದು ಬಂದಿದೆ. ಕಳೆದ ಎರಡು ವರ್ಷಗಳಲ್ಲಿ ದೇಶದಲ್ಲಿ ಅರಣ್ಯ ಪ್ರಮಾಣ 6778 ಚದರ ಕಿ.ಮೀ.ಯಷ್ಟುಹೆಚ್ಚಾಗಿದೆ.
ಈ ಏರಿಕೆಗೆ ಕರ್ನಾಟಕ ಎರಡನೇ ಅತಿದೊಡ್ಡ ಕೊಡುಗೆ ನೀಡಿದೆ. ಕರ್ನಾಟಕದಲ್ಲಿ 1101 ಚದರ ಕಿ.ಮೀ.ಯಷ್ಟುಅರಣ್ಯ ವಿಸ್ತಾರಗೊಂಡಿದ್ದರೆ, ದೇಶದಲ್ಲೇ ಅತಿ ಹೆಚ್ಚು ಆಂಧ್ರಪ್ರದೇಶದಲ್ಲಿ 2141 ಚದರ ಕಿ.ಮೀ.ಯಷ್ಟುಅರಣ್ಯ ಹೆಚ್ಚಾಗಿದೆ. ಕೇರಳದಲ್ಲಿ 1043 ಚದರ ಕಿ.ಮೀ.ಯಷ್ಟುಅರಣ್ಯ ವಿಸ್ತೀರ್ಣವಾಗಿದೆ.
ಭಾರತೀಯ ಅರಣ್ಯ ಸಮೀಕ್ಷೆ (ಎಫ್ಎಸ್ಐ)ಯಲ್ಲಿ ಈ ಅಂಶ ತಿಳಿದುಬಂದಿದೆ. ಸದ್ಯ ದೇಶಾದ್ಯಂತ 8,02,088 ಚದರ ಕಿ.ಮೀ. ಅರಣ್ಯವಿದ್ದು, ಇದು ಒಟ್ಟು ಭೌಗೋಳಿಕ ವಿಸ್ತೀರ್ಣದ ಶೇ.24.39ರಷ್ಟಾಗಿದೆ. 15 ರಾಜ್ಯಗಳು ಹಾಗೂ ಕೇಂದ್ರಾಡಳಿತ ಪ್ರದೇಶಗಳಲ್ಲಿ ಒಟ್ಟು ಭೌಗೋಳಿಕ ವಿಸ್ತೀರ್ಣದ ಶೇ.33ಕ್ಕಿಂತ ಅಧಿಕ ಅರಣ್ಯವಿದೆ ಎಂದು ಎಫ್ಎಸ್ಐ ಮಹಾನಿರ್ದೇಶಕ ಸೈಬಲ್ ದಾಸ್ಗುಪ್ತಾ ತಿಳಿಸಿದ್ದಾರೆ.