Asianet Suvarna News Asianet Suvarna News

ಕಗ್ಗಂಟಾದ ವಿಸ್ತರಣೆಯಿಂದ 8 ಸಚಿವರಿಗೆ ಖಾತೆ ಹಂಚಿಕೆ ಇಲ್ಲ

ಕರ್ನಾಟಕದಲ್ಲಿ ಖಾತೆ ಹಂಚಿಕೆ ವಿಚಾರ ಕಗ್ಗಂಟಾಗಿದ್ದು, ಈ ನಿಟ್ಟಿನಲ್ಲಿ ಕಾಂಗ್ರೆಸ್ ಉಸ್ತುವಾರಿ ವೇಣುಗೋಪಾಲ್ ಬೆಂಗಳೂರಿಗೆ ಆಗಮಿಸಲಿದ್ದಾರೆ. ಇದೇ ವಿಚಾರವಾಗಿ ಕಾಂಗ್ರೆಸ್ ಮುಖಂಡರೊಂದಿಗೆ ಸಭೆ ನಡೆಸಲಿದ್ದಾರೆ.

Karnataka Cabinet Expansion Portfolio Allocation May be Delayed for 8 Ministers
Author
Bengaluru, First Published Dec 24, 2018, 7:44 AM IST

ಕಗ್ಗಂಟಾದ ವಿಸ್ತರಣೆಯಿಂದ 8 ಸಚಿವರಿಗೆ ಖಾತೆ ಹಂಚಿಕೆ ಇಲ್ಲ

 ಬೆಂಗ​ಳೂರು :  ಕಗ್ಗಂಟಾ​ಗಿ​ರುವ ಖಾತೆ ಹಂಚಿಕೆಯ ಸಮಸ್ಯೆಯನ್ನು ಬಗೆ​ಹ​ರಿ​ಸಲು ಕಾಂಗ್ರೆಸ್‌ ರಾಜ್ಯ ಉಸ್ತು​ವಾರಿ ಕೆ.ಸಿ.ವೇಣು​ಗೋಪಾಲ್‌ ಸೋಮ​ವಾರ ರಾತ್ರಿ ಬೆಂಗ​ಳೂ​ರಿಗೆ ಆಗ​ಮಿ​ಸುವ ನಿರೀ​ಕ್ಷೆ​ಯಿದ್ದು, ಅಲ್ಲಿ​ಯ​ವ​ರೆಗೂ ಎಂಟು ಮಂದಿ ನೂತನ ಸಚಿ​ವ​ರಿಗೆ ಖಾತೆ ಹಂಚಿಕೆ ನಡೆ​ಯು​ವು​ದಿಲ್ಲ ಎಂದು ಕಾಂಗ್ರೆ​ಸ್‌ನ ಉನ್ನತ ಮೂಲ​ಗಳು ತಿಳಿ​ಸಿ​ವೆ.

ಎರಡು ಹಾಗೂ ಎರ​ಡಕ್ಕೂ ಹೆಚ್ಚು ಪ್ರಮುಖ ಖಾತೆ​ಗ​ಳನ್ನು ಹೊಂದಿ​ರುವ ಪ್ರಭಾ​ವಿ​ ಸಚಿ​ವರು ತಮ್ಮ ಪ್ರಮುಖ ಖಾತೆ​ಗ​ಳನ್ನು ಬಿಟ್ಟು​ಕೊ​ಡಲು ಒಪ್ಪ​ದಿ​ರು​ವು​ದ​ರಿಂದ ಖಾತೆ ಹಂಚಿಕೆ ಕಗ್ಗಂಟು ನಿರ್ಮಾ​ಣ​ವಾ​ಗಿ​ದೆ. ರಾಜ್ಯ ಉಸ್ತು​ವಾರಿ ಕೆ.ಸಿ.ವೇಣು​ಗೋ​ಪಾಲ್‌, ಶಾಸ​ಕಾಂಗ ಪಕ್ಷದ ನಾಯಕ ಸಿದ್ದ​ರಾ​ಮಯ್ಯ ಹಾಗೂ ಉಪ ಮುಖ್ಯ​ಮಂತ್ರಿ ಡಾ. ಜಿ.ಪರ​ಮೇ​ಶ್ವರ್‌ ನಡುವೆ ಸಭೆ ನಡೆದ ನಂತ​ರವೇ ಈ ಕಗ್ಗಂಟು ಬಗೆ​ಹ​ರಿ​ಯ​ಬೇ​ಕಿದೆ. ಸೋಮ​ವಾ​ರ ರಾತ್ರಿ ಅಥವಾ ಮಂಗ​ಳ​ವಾರ ಬೆಳಗ್ಗೆ ಇಂತ​ಹ​ದೊಂದು ಸಭೆ ನಡೆ​ಯುವ ಸಾಧ್ಯ​ತೆ​ಯಿದ್ದು, ಅಲ್ಲಿ​ಯ​ವ​ರೆಗೂ ಖಾತೆ ಹಂಚಿಕೆ ನಡೆ​ಯುವ ಸಾಧ್ಯ​ತೆ​ಯಿಲ್ಲ ಎಂದು ತಿಳಿ​ದು​ಬಂದಿ​ದೆ.

ಸಚಿವ ಸಂಪು​ಟಕ್ಕೆ ಹೊಸ​ದಾಗಿ ಎಂಟು ಸಚಿ​ವರು ಸೇರ್ಪ​ಡೆ​ಯಾ​ಗಿ​ರು​ವು​ದ​ರಿಂದ ಕಾಂಗ್ರೆಸ್‌ನ ಹಾಲಿ ಸಚಿವರು ಹೊಂದಿ​ರುವ ಹೆಚ್ಚು​ವರಿ ಖಾತೆ​ಗಳ ಪುನರ್‌ ಹಂಚಿಕೆ ನಡೆ​ಯ​ಬೇಕು. ಕಾಂಗ್ರೆ​ಸ್‌ನ ಸಚಿ​ವರ ಬಳಿ ಇರುವ ಹೆಚ್ಚು​ವರಿ ಖಾತೆ​ಗಳ ಸಂಖ್ಯೆ 12 ಇದೆ. ಇದನ್ನು 8 ಸಚಿ​ವ​ರಿಗೆ ಹಂಚ​ಬೇ​ಕಿದೆ. ಆದರೆ, ಒಂದ​ಕ್ಕಿಂತ ಹೆಚ್ಚು ಪ್ರಮುಖ ಖಾತೆ ಹೊಂದಿ​ರುವ ಕೆಲ ಪ್ರಭಾವಿ ಸಚಿ​ವರು ತಮ್ಮ ಹೆಚ್ಚು​ವರಿ ಖಾತೆ​ಯನ್ನು ಬಿಟ್ಟು​ಕೊ​ಡಲು ಒಪ್ಪು​ತ್ತಿಲ್ಲ. ಈ ಸಚಿ​ವ​ರನ್ನು ಒಪ್ಪಿ​ಸುವ ಅಥವಾ ಪರ್ಯಾಯ ಮಾರ್ಗ ಕಂಡು​ಕೊ​ಳ್ಳ​ಬೇ​ಕಾದ ಅನಿ​ವಾ​ರ್ಯತೆ ಇದೆ. ಈ ಹಿನ್ನೆ​ಲೆ​ಯಲ್ಲಿ ವೇಣು​ಗೋ​ಪಾಲ್‌ ನಗ​ರಕ್ಕೆ ಸೋಮ​ವಾರ ಸಂಜೆ ಆಗ​ಮಿ​ಸ​ಲಿ​ದ್ದಾರೆ ಎಂದು ತಿಳಿದು ಬಂದಿ​ದೆ.

ಇದೇ ವೇಳೆ ಅವರು ಕಾಂಗ್ರೆ​ಸ್‌ನ ಅತೃಪ್ತ ಶಾಸ​ಕ​ರನ್ನು ಭೇಟಿ ಮಾಡಿ ಅವರ ಅಸ​ಮಾ​ಧಾನ ಪರಿ​ಹ​ರಿ​ಸುವ ಪ್ರಯ​ತ್ನ​ವನ್ನು ನಡೆ​ಸ​ಲಿ​ದ್ದಾರೆ ಎಂದು ಮೂಲ​ಗಳು ಹೇಳಿ​ವೆ.

Follow Us:
Download App:
  • android
  • ios