ಕೇಂದ್ರ ಸರ್ಕಾರದ ಬಹುನಿರೀಕ್ಷಿತ ಜಿಎಸ್ಟಿ ಜು.1ರಿಂದ ದೇಶಾದ್ಯಂತ ಜಾರಿಗೆ ಬರಲಿದೆ. ರಾಷ್ಟ್ರಾದ್ಯಂತ ಏಕರೂಪ ತೆರಿಗೆ ವ್ಯವಸ್ಥೆ ಜಾರಿಗೆ ಬರಲಿದೆ. ಆದರೆ ಚಿನ್ನದ ಬೆಲೆ ಏರಿಕೆಯಾಗಲಿದೆ. ಎಷ್ಟು ತೆರಿಗೆ ಜಾಸ್ತಿಯಾಗಲಿದೆ ಅನ್ನೋ ಡೀಟೆಲ್ಸ್ ಇಲ್ಲಿದೆ ನೋಡಿ.
ಬೆಂಗಳೂರು (ಜೂ.21): ಕೇಂದ್ರ ಸರ್ಕಾರದ ಬಹುನಿರೀಕ್ಷಿತ ಜಿಎಸ್ಟಿ ಜು.1ರಿಂದ ದೇಶಾದ್ಯಂತ ಜಾರಿಗೆ ಬರಲಿದೆ. ರಾಷ್ಟ್ರಾದ್ಯಂತ ಏಕರೂಪ ತೆರಿಗೆ ವ್ಯವಸ್ಥೆ ಜಾರಿಗೆ ಬರಲಿದೆ. ಆದರೆ ಚಿನ್ನದ ಬೆಲೆ ಏರಿಕೆಯಾಗಲಿದೆ. ಎಷ್ಟು ತೆರಿಗೆ ಜಾಸ್ತಿಯಾಗಲಿದೆ ಅನ್ನೋ ಡೀಟೆಲ್ಸ್ ಇಲ್ಲಿದೆ ನೋಡಿ.
ಜುಲೈ 1 ರಿಂದ ಚಿನ್ನಾಭರಣ ತುಟ್ಟಿ
ಜುಲೈ 1 ರಿಂದ ಸರಕು ಮತ್ತು ಸೇವಾ ತೆರಿಗೆ (ಜಿಎಸ್ಟಿ) ಜಾರಿಯಾಗೋದು ಖಾತ್ರಿಯಾಗಿದೆ. ಅದರ ಬೆನ್ನಲ್ಲೆ ಚಿನ್ನಾಭರಣ ದರ ಕೂಡ ಗಗನಕ್ಕೇರಲಿದೆ. ಸದ್ಯ, ಚಿನ್ನಕ್ಕೆ ಶೇ.2 ರಷ್ಟು ತೆರಿಗೆ ಇದ್ದು, ಇದೀಗ ಜಿಎಸ್ಟಿಯಲ್ಲಿ ಶೇ. 3 ರಷ್ಟು ತೆರಿಗೆ ದರ ನಿಗದಿ ಮಾಡಲಾಗಿದೆ. ಅಂದರೆ ಹಾಲಿ ಇರುವ ದರಕ್ಕಿಂತ ಶೇ.1 ರಷ್ಟು ಹೆಚ್ಚು. ಇದರಿಂದ ಸಹಜವಾಗಿಯೇ ಬೆಲೆಯಲ್ಲಿ ಏರಿಕೆ ಕಾಣಲಿದೆ. ಪ್ರತಿ ಗ್ರಾಂಗೆ ಅಂದಾಜು 30 ರಿಂದ 70ರವರೆಗೂ ಬೆಲೆ ಏರಿಕೆಯಾಗುವ ನಿರೀಕ್ಷೆ ಇದೆ ಅಂತಾರೆ ಜ್ಯುವೆಲ್ಲರಿ ಮಾಲಿಕರು.
ಜಿಎಸ್ಟಿ ಹೆಚ್ಚಳದಿಂದ ಬೆಲೆ ಏರಿಕೆ ಆಗಿದೆ ಎನ್ನುವುದು ಗ್ರಾಹಕರಿಗೆ ತಕ್ಷಣಕ್ಕೆ ಮನವರಿಕೆ ಆಗುವುದಿಲ್ಲ. ಹೀಗಾಗಿ ಕನಿಷ್ಠ ಮೂರು ತಿಂಗಳವರೆಗೆ ಚಿನ್ನಾಭರಣ ಖರೀದಿ ಮಂದಗತಿಯಲ್ಲಿ ಸಾಗಲಿದೆ. ಅಲ್ಲದೆ ವರ್ತಕರಿಗೆ ಅರಿವು ಮೂಡಿಸುವ ಕಾರ್ಯಕ್ರಮಗಳನ್ನು ಹಮ್ಮಿಕೊಳ್ಳಲಾಗುತ್ತಿದೆ. ಗ್ರಾಹಕರಿಗಂತೂ ಹೊರೆಯಾಗೊದು ಖಂಡಿತ ಅಂತಾರೆ ಆರ್ಥಿಕ ತಜ್ಙ.
ಇನ್ನು ಸಣ್ಣ ಪ್ರಮಾಣದಲ್ಲಿ ವಹಿವಾಟು ನಡೆಸುವ ವರ್ತಕರಿಗೆ ನೆರವಾಗಲು ಅಧಿಗಂ ಎಂಬ ತಂತ್ರಾಂಶ ಅಭಿವೃದ್ಧಿಪಡಿಸಲಾಗಿದೆ. ಇದರ ಬೆಲೆ 5 ಸಾವಿರಕ್ಕೆ ನಿಗದಿಪಡಿಸಲಾಗಿದೆ. ಈ ತಂತ್ರಾಂಶದ ಮೂಲಕ ಎಲ್ಲಾ ಮಾಹಿತಿ ಲಭ್ಯವಾಗಲಿದೆ. ಒಟ್ಟಿನಲ್ಲಿ ಚಿನ್ನಾಭರಣದ ದರ ಏರಿಕೆಯಾದ್ರೆ, ಇನ್ನುಳಿದ ಪದಾರ್ಥಗಳ ದರ ಕುಸಿಯಲಿದೆ.
