ಬಾಹ್ಯಾಕಾಶದಲ್ಲಿ ಶಾಶ್ವತ ವಸತಿ ನಿರ್ಮಿಸುವ ಪ್ರಯತ್ನದ ಭಾಗವಾಗಿ ಇಸ್ರೋ, ಚಂದ್ರನ ಮೇಲೆ ಟೆಂಟ್‌ ರೀತಿಯ ಪುಟ್ಟಮನೆ(ಇಗ್ಲೂ)ಗಳನ್ನು ನಿರ್ಮಿಸುವ ಯೋಜನೆಯ ಬಗ್ಗೆ ಚಿಂತಿಸಿದೆ.
ನವದೆಹಲಿ: ಬಾಹ್ಯಾಕಾಶದಲ್ಲಿ ಶಾಶ್ವತ ವಸತಿ ನಿರ್ಮಿಸುವ ಪ್ರಯತ್ನದ ಭಾಗವಾಗಿ ಇಸ್ರೋ, ಚಂದ್ರನ ಮೇಲೆ ಟೆಂಟ್ ರೀತಿಯ ಪುಟ್ಟಮನೆ(ಇಗ್ಲೂ)ಗಳನ್ನು ನಿರ್ಮಿಸುವ ಯೋಜನೆಯ ಬಗ್ಗೆ ಚಿಂತಿಸಿದೆ.
Add Asianetnews Kannada as a Preferred Source
ಕೆನಡಾದ ಕೇಂದ್ರ ಅರ್ಕಾಟಿಕ್ ಮತ್ತು ಗ್ರೀನ್ಲ್ಯಾಂಡ್ನ ಥುಲೆ ಪ್ರದೇಶದ ಜನರು ಸಾಂಪ್ರದಾಯಿಕವಾಗಿ ವಾಸಿಸಲು ಬಳಸುವ ಇಗ್ಲೂ ಮಾದರಿಯ ಮನೆಗಳನ್ನು ಚಂದ್ರನದಲ್ಲಿ ನಿರ್ಮಿಸಿ, ಬಾಹ್ಯಾಕಾಶ ಯಾನಿಗಳಿಗೆ ಬಾಹ್ಯಾಕಾಶದಲ್ಲಿ ಅವುಗಳನ್ನು ಶಾಶ್ವತ ಔಟ್ಪೋಸ್ಟ್ ಆಗಿ ಬಳಸಲು ಉದ್ದೇಶಿಸಲಾಗಿದೆ.
ಈ ಸಂಬಂಧ ಇಸ್ರೋ ಈಗಾಗಲೇ ಐದು ಮಾದರಿಗಳನ್ನು ವಿನ್ಯಾಸಗೊಳಿಸಿದ್ದು, ಇದನ್ನು ಜಾರಿಗೊಳಿಸುವುದಕ್ಕೂ ಮುನ್ನ ಕಠಿಣ ಪರಿಶೀಲನೆಗೊಳಪಡಿಸಲಿದೆ. ಚಂದ್ರನ ಮೇಲ್ಮೈ ಮೇಲೆ ಸಂಶೋಧನೆ ನಡೆಸುವವರು ಹೆಚ್ಚು ಕಾರ್ಯ ನಿರ್ವಹಿಸಲು ಮತ್ತು ಸುರಕ್ಷತೆಯ ದೃಷ್ಟಿಯಿಂದ ಈ ವಸತಿಗಳನ್ನು ನಿರ್ಮಿಸಲಾಗುತ್ತಿದೆ. ಇದೇ ರೀತಿ ಅಮೆರಿಕದ ಬಾಹ್ಯಾಕಾಶ ಸಂಸ್ಥೆ ನಾಸಾ ಕೂಡ ಇಂಥದ್ದೇ ಯೋಜನೆ ರೂಪಿಸುವ ಬಗ್ಗೆ ಸಿದ್ಧತೆ ನಡೆಸುತ್ತಿದೆ.
