ಆಟೋದಲ್ಲಿ ಮರೆತ ಬ್ಯಾಗ್ ಮರಳಿಸಿ ಪ್ರಮಾಣಿಕತೆ ಮೆರೆದ ಚಾಲಕ
ಆಟೋದಲ್ಲಿ ಮರೆತು ಬಿಟ್ಟು ಹೋಗಿದ್ದ ಬ್ಯಾಗನ್ನು ವಾರಸುದಾರರಿಗೆ ಮರಳಿಸಿ ಪ್ರಾಮಾಣಿಕತೆ ಮೆರೆದ ಚಾಲಕನನ್ನು ಪೊಲೀಸ್ ಆಯುಕ್ತರು ಅಭಿನಂದಿಸಿದ್ದಾರೆ.
ಬೆಂಗಳೂರು: ಆಟೋದಲ್ಲಿ ಮರೆತು ಬಿಟ್ಟು ಹೋಗಿದ್ದ ಬ್ಯಾಗನ್ನು ವಾರಸುದಾರರಿಗೆ ಮರಳಿಸಿ ಪ್ರಾಮಾಣಿಕತೆ ಮೆರೆದ ಚಾಲಕ ಐಷಕ್ ನಿಕಲ್ಸನ್ ಅವರನ್ನು ಪೊಲೀಸ್ ಆಯುಕ್ತರು ಅಭಿನಂದಿಸಿದ್ದಾರೆ.
ಹಲಸೂರು ಜಂಕ್ಷನ್ನಿಂದ ಶುಕ್ರವಾರ ಮಧ್ಯಾಹ್ನ ಎರಡು ಗಂಟೆ ಸುಮಾರಿಗೆ ಲೀಡೋ ಮಾಲ್ಗೆ ಐಷಕ್ ಆಟೋದಲ್ಲಿ ಮನೋಜ್ ಭರತ್ ವಾಲ್ ಎಂಬುವರು ಪ್ರಯಾಣಿಸುತ್ತಿದ್ದರು. ಆಗ ಮಾಲ್ ಬಳಿ ಆಟೋ ಇಳಿದು ಹೋಗುವಾಗ ತಾವು ಕುಳಿತುಕೊಂಡಿದ್ದ ಸೀಟಿನಲ್ಲೇ ಬ್ಯಾಗ್ನ್ನು ಬಿಟ್ಟು ಹೋಗಿದ್ದರು.
ಇದನ್ನು ಗಮನಿಸಿದ ಚಾಲಕ ಐಷಕ್, ತಕ್ಷಣವೇ ಆ ಬ್ಯಾಗ್ನ್ನು ಪೊಲೀಸ್ ಆಯುಕ್ತರ ಸಾರ್ವಜನಿಕ ಸಂಪರ್ಕಾಧಿಕಾರಿ ಕಚೇರಿಗೆ ತಲುಪಿಸಿದ್ದಾರೆ. ಬಳಿಕ ಎಪಿಆರ್ಓ ಕೃಷ್ಣಪ್ಪ, ಬ್ಯಾಗ್ ತೆಗೆದು ನೋಡಿದಾಗ ಅದರಲ್ಲಿ ವಿಸಿಟಿಂಗ್ ಕಾರ್ಡ್ ಪತ್ತೆಯಾಗಿದೆ. ಅದರಲ್ಲಿದ್ದ ಮೊಬೈಲ್ ನಂಬರ್ನಿಂದ ಮನೋಜ್ ಅವರನ್ನು ಸಂಪರ್ಕಿಸಿ ಬ್ಯಾಗ್ ಮರಳಿಸಿದ್ದರು. ಆಟೋ ಚಾಲಕನನ್ನು ಆಯುಕ್ತರು ಪ್ರಶಂಸಿದ್ದಾರೆ.