ಎಚ್ಐವಿ ಪೀಡಿತರಿಗೂ ಸಮಾನ ಹಕ್ಕು ಕಲ್ಪಿಸುವ ಕಾಯ್ದೆ
ಕೇಂದ್ರ ಆರೋಗ್ಯ ಸಚಿವಾಲಯ ಎಚ್ಐವಿ ಮತ್ತು ಏಡ್ಸ್ ಕಾಯ್ದೆಯ ಜಾರಿಯ ಗೆಜೆಟ್ ಸುತ್ತೋಲೆ ಪ್ರಕಟಿಸಿದೆ. ಇದರಿಂದ ಎಚ್ಐವಿ, ಏಡ್ಸ್ ಪೀಡಿತರಿಗೂ ಚಿಕಿತ್ಸೆ, ಶಿಕ್ಷಣ ಸಂಸ್ಥೆಗಳಲ್ಲಿ ಪ್ರವೇಶ ಮತ್ತು ಉದ್ಯೋಗಗಳಲ್ಲಿ ಸಮಾನ ಹಕ್ಕು ದೊರೆಯಲಿದೆ.
ನವದೆಹಲಿ: ಎಚ್ಐವಿ, ಏಡ್ಸ್ ಪೀಡಿತರಿಗೂ ಚಿಕಿತ್ಸೆ, ಶಿಕ್ಷಣ ಸಂಸ್ಥೆಗಳಲ್ಲಿ ಪ್ರವೇಶ ಮತ್ತು ಉದ್ಯೋಗಗಳಲ್ಲಿ ಸಮಾನ ಹಕ್ಕುಗಳನ್ನು ಒದಗಿಸುವ ಕಾನೂನು ಅಧಿಕೃತವಾಗಿ ಜಾರಿಗೆ ಬಂದಿದೆ.
ಕೇಂದ್ರ ಆರೋಗ್ಯ ಸಚಿವಾಲಯ ಸೋಮವಾರ ಈ ಕುರಿತ ಎಚ್ಐವಿ ಮತ್ತು ಏಡ್ಸ್ ಕಾಯ್ದೆಯ ಜಾರಿಯ ಗೆಜೆಟ್ ಸುತ್ತೋಲೆ ಪ್ರಕಟಿಸಿದೆ. ಏ.20ರಂದು ಕಾಯ್ದೆಗೆ ರಾಷ್ಟ್ರಪತಿಯವರ ಅನುಮೋದನೆ ಸಿಕ್ಕಿತ್ತು.
ಏಡ್ಸ್ ಪೀಡಿತರಿಗೆ ಆರೋಗ್ಯ ಸೇವೆ, ಉದ್ಯೋಗ, ಮನೆ, ಖಾಸಗಿ ಶಿಕ್ಷಣ ಸಂಸ್ಥೆಗಳಲ್ಲಿ ಪ್ರವೇಶ ನಿರಾಕರಣೆ ಮಾಡುವುದನ್ನು ಈ ಕಾಯ್ದೆಯಲ್ಲಿ ನಿಷೇಧಿಸಲಾಗಿದೆ.