ಎಚ್-1ಬಿ ವೀಸಾ: ನಾಸ್ಕಾಂ ಜೊತೆ ಮಾತುಕತೆಗೆ ಕೇಂದ್ರ ಭರವಸೆ
ಅಮೆರಿಕಾ ಸಂಸತ್ತಿನಲ್ಲಿ ಎಚ್-1ಬಿ ವೀಸಾ ಸಂಬಂಧಿಸಿದಂತೆ ಮಂಡನೆಯಾದ ಮಸೂದೆಗೆ ಭಾರತ ಕಳವಳ ವ್ಯಕ್ತಪಡಿಸಿದೆ. ಈ ಮಸೂದೆಯಿಂದ ಅಮೆರಿಕಾದಲ್ಲಿ ಕೆಲಸ ಮಾಡುವ ಟೆಕ್ಕಿಗಳಿಗೆ ತೊಂದರೆಯಾಗಲಿದ್ದು ಸಂಸತ್ ಅಧಿವೇಶನಸ ಬಳಿಕ ನಾಸ್ಕಾಂ ಜೊತೆ ಮಾತುಕತೆ ನಡೆಸಲಾಗುವುದು ಎಂದು ಕೇಂದ್ರ ಸರ್ಕಾರ ಭರವಸೆ ನೀಡಿದೆ.
ನವದೆಹಲಿ (ಫೆ.06): ಅಮೆರಿಕಾ ಸಂಸತ್ತಿನಲ್ಲಿ ಎಚ್-1ಬಿ ವೀಸಾ ಸಂಬಂಧಿಸಿದಂತೆ ಮಂಡನೆಯಾದ ಮಸೂದೆಗೆ ಭಾರತ ಕಳವಳ ವ್ಯಕ್ತಪಡಿಸಿದೆ. ಈ ಮಸೂದೆಯಿಂದ ಅಮೆರಿಕಾದಲ್ಲಿ ಕೆಲಸ ಮಾಡುವ ಟೆಕ್ಕಿಗಳಿಗೆ ತೊಂದರೆಯಾಗಲಿದ್ದು ಸಂಸತ್ ಅಧಿವೇಶನಸ ಬಳಿಕ ನಾಸ್ಕಾಂ ಜೊತೆ ಮಾತುಕತೆ ನಡೆಸಲಾಗುವುದು ಎಂದು ಕೇಂದ್ರ ಸರ್ಕಾರ ಭರವಸೆ ನೀಡಿದೆ.
ಎಚ್-1ಬಿ ವೀಸಾ ಮಸೂದೆಯಿಂದ ಕಡಿಮೆ ವೇತನಕ್ಕೆ ದುಡಿಯುವ ಹೆಚ್ಚಿನ ಅರ್ಹತೆ ಹೊಂದಿದ ಕೆಲಸಗಾರರ ಮೇಲೆ ಆರ್ಥಿಕವಾಗಿ ಪ್ರತಿಕೂಲ ಪರಿಣಾಮ ಬೀರಲಿದೆ. ಸಂಸತ್ತಿನ ಅನುಮೋದನೆ ಸಿಗುವವರೆಗೆ ನಾವು ಕಾಯಬೇಕಾಗಬಹುದು. ಆಗ ಕೆಲವೊಂದು ಅಂಶಗಳನ್ನು ಸೇರಿಸಲಾಗುತ್ತದೆ. ಹಾಗಾಗಿ ಈ ಕೂಡಲೇ ಪ್ರತಿಕ್ರಿಯಿಸುವುದು ಅಷ್ಟು ಸೂಕ್ತವಲ್ಲ. ಎಚ್-1ಬಿ ವೀಸಾಗೆ ಸಂಬಂಧಿಸಿದಂತೆ ಬೆಳವಣಿಗೆಯ ಬಗ್ಗೆ ವಿದೇಶಾಂಗ ಸಚಿವಾಲಯವು ಗಮನವಿಡುತ್ತದೆ. ಅಲ್ಲಿನ ರಾಯಭಾರದ ಜೊತೆ ನಾವು ಸಂಪರ್ಕದಲ್ಲಿರುತ್ತೇವೆ ಎಂದು ಕೇಂದ್ರ ರಾಜ್ಯ ವಾಣಿಜ್ಯ ಹಾಗೂ ಕೈಗಾರಿಕಾ ಸಚಿವೆ ನಿರ್ಮಲಾ ಸೀತಾರಾಮನ್ ಭರವಸೆ ನೀಡಿದ್ದಾರೆ.