ಎಲಾನ್ ಮಸ್ಕ್ ಕಾರು ಬಾಹ್ಯಾಕಾಶದಲ್ಲಿ ಪತ್ತೆ
ಎಲಾನ್ ಮಸ್ಕ್ ನೇತೃತ್ವದ ಅಮೆರಿಕದ ಖಾಸಗಿ ಬಾಹ್ಯಾಕಾಶ ಸಂಸ್ಥೆ ಸ್ಪೇಸ್ಎಕ್ಸ್ ಇತ್ತೀಚೆಗೆ ಶಕ್ತಿಶಾಲಿ ರಾಕೆಟ್ ಒಂದನ್ನು ಯಶಸ್ವಿಯಾಗಿ ಉಡ್ಡಯನ ಮಾಡಿತ್ತು.
ವಾಷಿಂಗ್ಟನ್: ಎಲಾನ್ ಮಸ್ಕ್ ನೇತೃತ್ವದ ಅಮೆರಿಕದ ಖಾಸಗಿ ಬಾಹ್ಯಾಕಾಶ ಸಂಸ್ಥೆ ಸ್ಪೇಸ್ಎಕ್ಸ್ ಇತ್ತೀಚೆಗೆ ಶಕ್ತಿಶಾಲಿ ರಾಕೆಟ್ ಒಂದನ್ನು ಯಶಸ್ವಿಯಾಗಿ ಉಡ್ಡಯನ ಮಾಡಿತ್ತು.
ಇದರ ಜೊತೆಯಲ್ಲಿ ಅವರದ್ದೇ ಆದ ಟೆಸ್ಲಾ ಕಂಪನಿಯ ಕಾರೊಂದನ್ನು ಪ್ರಾಯೋಗಿಕವಾಗಿ ಹಾರಿಬಿಡಲಾಗಿತ್ತು. ಈ ಕುರಿತು ಚಿತ್ರಗಳನ್ನು ಕೂಡಾ ಮಸ್ಕ್ ಬಿಡುಗಡೆ ಮಾಡಿದ್ದರು. ಆದರೆ ಕೆಲವೆಡೆ, ಇದೊಂದು ಸುಳ್ಳು ಪ್ರಚಾರದ ತಂತ್ರ. ಸ್ಟುಡಿಯೋದಲ್ಲೇ ತಂತ್ರಜ್ಞಾನದ ಮೂಲಕ ಬಾಹ್ಯಾಕಾಶದ ಚಿತ್ರಣ ಸೃಷ್ಟಿಮಾಡಿ ಕಾರನ್ನು ತೋರಿಸಲಾಗಿದೆ ಎಂದೆಲ್ಲಾ ಹೇಳಲಾಗಿತ್ತು.
ಆದರೆ ಈ ಊಹೆ ತಪ್ಪು. ನಿಜವಾಗಿಯೂ ಕಾರನ್ನು ಉಡ್ಡಯನ ಮಾಡಲಾಗಿದೆ ಎಂಬುದು ಇದೀಗ ಸಾಬೀತಾಗಿದೆ. ಅರಿಜೋನಾದ ಟೆನಾಗ್ರಾ ವೀಕ್ಷಣಾಲಯದ ರೊಬೊಟೀಕೃತ ಟೆಲಿಸ್ಕೋಪ್ನಲ್ಲಿ ವೀಕ್ಷಿಸಿದಾಗ ಆಕಾಶದಲ್ಲಿ ಕಾರು ಚಲಿಸುತ್ತಿರುವುದು ಕಂಡು ಬಂದಿದೆ.