ತಿಂಗಳಿಗೆ 15 ಸಾವಿರ ಸಂಬಳ: ಭೇಟಿ ನೀಡಿ ಎಸ್‌ಬಿಐ ಅಂಗಳ

First Published 29, May 2018, 2:16 PM IST
Earn 15 thousand per month with SBI youth fellowship
Highlights

ಸರ್ಕಾರಿ ಸ್ವಾಮ್ಯದ ಭಾರತೀಯ ಸ್ಟೇಟ್ ಬ್ಯಾಂಕ್ ಯುವಕರಿಗಾಗಿ ಭರ್ಜರಿ ಆಫರ್ ನೀಡಿದೆ. ಎಸ್.ಬಿ.ಐ ಯೂತ್ ಫಾರ್ ಇಂಡಿಯಾ ಫೆಲೋಶಿಪ್  ಅಡಿ ತಿಂಗಳಿಗೆ 15 ಸಾವಿರ ರೂ. ಸಂಬಳದ ಯೋಜನೆ ಘೋಷಿಸಿದೆ.

ನವದೆಹಲಿ (ಮೇ 29): ಸರ್ಕಾರಿ ಸ್ವಾಮ್ಯದ ಭಾರತೀಯ ಸ್ಟೇಟ್ ಬ್ಯಾಂಕ್ ಯುವಕರಿಗಾಗಿ ಭರ್ಜರಿ ಆಫರ್ ನೀಡಿದೆ. ಎಸ್.ಬಿ.ಐ ಯೂತ್ ಫಾರ್ ಇಂಡಿಯಾ ಫೆಲೋಶಿಪ್  ಅಡಿ ತಿಂಗಳಿಗೆ 15 ಸಾವಿರ ರೂ. ಸಂಬಳದ ಯೋಜನೆ ಘೋಷಿಸಿದೆ.

ಈ ಪ್ರಕಾರ 13 ತಿಂಗಳ ಫೆಲೋಷಿಪ್ ಪ್ರೋಗ್ರಾಮ್ ನ್ನು ಯುವಕರು ಪೂರ್ಣಗೊಳಿಸಬೇಕಾಗುತ್ತದೆ. ಗ್ರಾಮೀಣ ಭಾಗದಲ್ಲಿ ಬಡ ಮಕ್ಕಳಿಗೆ ಶಿಕ್ಷಣ ನೀಡುವುದು, ಸ್ವಚ್ಛತೆಯ ಕುರಿತು ಜಾಗೃತಯಿ ಅಭಿಯಾನ ಹಮ್ಮಿಕೊಳ್ಳುವುದು ಹೀಗೆ ಹಲವು ಸಾಮಾಜಿಕ ಕಾರ್ಯಗಳನ್ನು ಮಾಡಬೇಕಾಗುತ್ತದೆ. ಈ ಕಾರ್ಯದಲ್ಲಿ ಖಾಸಗಿ ಎನ್ ಜಿಓ ಕೂಡ ಎಸ್ ಬಿಐ ಗೆ ಸಾಥ್ ನೀಡಲಿದೆ.

21 ರಿಂದ 32 ವರ್ಷ ವಯಸ್ಸಿನ ಯುವಕರು ಈ ಯೋಜನೆಗೆ ಅರ್ಹರಾಗಿದ್ದು, ಕಳೆದ ಮಾರ್ಚ್ ನಿಂದಲೇ ಅರ್ಜಿ ಆಹ್ವಾನಿಸಲಾಗಿತ್ತು. ಇದೀಗ ಜೂನ್ 5 ರ ವರೆಗೆ ಅರ್ಜಿ ಸಲ್ಲಿಕೆ ದಿನಾಂಕ ಮುಂದೂಡಲಾಗಿದ್ದು, ತಿಂಗಳಿಗೆ 15 ಸಾವಿರ ರೂ. ಸಂಬಳದ ಜೊತೆಗೆ ಸಾರಿಗೆ ವೆಚ್ಛವಾಗಿ 1 ಸಾವಿರ ರೂ. ಹೆಚ್ಚಿಗೆ ನೀಡಲಾಗುವುದು ಎಂದು ಎಸ್ ಬಿಐ ತಿಳಿಸಿದೆ.

ಆಸಕ್ತರು www.youthforindia.org ಈ ವೆಬ್ ಸೈಟ್ ಗೆ ಭೇಟಿ ನೀಡಿ ಹೆಚ್ಚಿನ ಮಾಹಿತಿ ಪಡೆಯಬಹುದಾಗಿದೆ.

loader