ಗುಜರಾತ್ ಸಿಎಂ ಆಗ್ತಾರಾ ವಾಜುಭಾಯಿ ವಾಲಾ?

ರಾಜ್ಯಪಾಲ ವಾಜುಬಾಯಿ ವಾಲಾ ಗುಜರಾತ್​ ಮುಖ್ಯಮಂತ್ರಿಯಾಗಲಿದ್ದಾರೆ ಎಂಬ ವದಂತಿ ರಾಜ್ಯ ರಾಜಕಾರಣದಲ್ಲಿ ಹರಿದಾಡುತ್ತಿದೆ. 

ಬೆಂಗಳೂರು (ಡಿ.12): ರಾಜ್ಯಪಾಲ ವಾಜುಬಾಯಿ ವಾಲಾ ಗುಜರಾತ್​ ಮುಖ್ಯಮಂತ್ರಿಯಾಗಲಿದ್ದಾರೆ ಎಂಬ ವದಂತಿ ರಾಜ್ಯ ರಾಜಕಾರಣದಲ್ಲಿ ಹರಿದಾಡುತ್ತಿದೆ. 

ಗುಜರಾತ್​ ಚುನಾವಣೆ ಮೊದಲ ಹಂತದ ಮತದಾನ ಮುಕ್ತಾಯವಾಗಿರುವ ಬೆನ್ನಲೇ ಹೀಗೊಂದು ವದಂತಿ ಹಬ್ಬಿದೆ. ಇದೇ 18 ರಂದು ಫಲಿತಾಂಶ ಹೊರಬರಲಿದ್ದು, ಅಚ್ಚರಿ ಎಂಬಂತೆ ವಾಜುಬಾಯಿ ವಾಲಾರನ್ನು ಗುಜರಾತ್ ಮುಖ್ಯಮಂತ್ರಿಗೆ ಗದ್ದುಗೆಗೆ ಮೋದಿ ಅಮಿತ್​ ಶಾ ಜೋಡಿ ಆಯ್ಕೆ ಮಾಡುತ್ತದೆ ಎಂಬ ಗಾಳಿ ಸುದ್ದಿ ಹರಿದಾಡುತ್ತಿದೆ. ಇನ್ನು ಗುಜರಾತ್​ಗೆ ವಾಪಸ್​ ಬರಲು ಸಿದ್ಧರಾಗಿರಿ ಎಂಬ ಸಂದೇಶವೊಂದು ಪ್ರಧಾನಿ ಕಚೇರಿಯಿಂದಲೇ ರವಾನೆಯಾಗಿದೆ ಎಂಬ ಸುದ್ದಿಯೂ ಹೊರಬಂದಿದೆ. ಆದರೆ ರಾಜ್ಯ ಬಿಜೆಪಿ ಮುಖಂಡರು ಈ ಕುರಿತು ಯಾವುದೇ ಮಾಹಿತಿಯೂ ಇಲ್ಲ. ಇದೆಲ್ಲ ಗಾಳಿ ಸುದ್ದಿ ಎನ್ನುತ್ತಿದ್ದಾರೆ.