ಡಿಕೆಶಿ ಇಮೇಜ್ ಡ್ಯಾಮೇಜ್: ಆಪ್ತನಿಗೆ ರಮೇಶ್ ಹರಿಹಾಯ್ದಿದ್ದು ಹೀಗೆ!
ಹೈಕಮಾಂಡ್ ಮಟ್ಟದಲ್ಲಿ ಡಿಕೆಶಿ ಇಮೇಜ್ ಡ್ಯಾಮೇಜ್?! ಡಿಸಿಎಂ, ಕೆಪಿಸಿಸಿ ಅಧ್ಯಕ್ಷ ಡಿಕೆಶಿ ವಿರುದ್ಧ ಗರಂ! ರಮೇಶ್ ಜೊತೆ ಮಾತುಕತೆಗೆ ಮುಂದಾದ ಡಿಕೆಶಿ! ಡಿಕೆಶಿ ಆಪ್ತನಿಗೆ ರಮೇಶ್ ಫೋನ್ ನಲ್ಲಿ ತಪರಾಕಿ
ಬೆಂಗಳೂರು(ಸೆ.13): ಕಾಂಗ್ರೆಸ್ ಹೈಕಮಾಂಡ್ ಮಟ್ಟದಲ್ಲಿ ಡಿಕೆಶಿ ಇಮೇಜ್ಗೆ ಡ್ಯಾಮೇಜ್ ಆಗಿದೆ ಎಂಬ ಮಾತುಗಳು ಕೇಳಿ ಬರುತ್ತಿವೆ. ಡಿಕೆಶಿ ರಾಜಕಾರಣದಿಂದ ಇಷ್ಟೆಲ್ಲ ಆಗ್ತಿದೆ ಎಂದು ಹೈಕಮಾಂಡ್ಗೆ ಡಿಸಿಎಂ ಮತ್ತು ಕೆಪಿಸಿಸಿ ಅಧ್ಯಕ್ಷ ದಿನೇಶ್ ಗೂಂಡುರಾವ್ ದೂರು ನೀಡಿದ್ದಾರೆ.
ಈ ಹಿನ್ನೆಲೆಯಲ್ಲಿ ರಮೇಶ್ ಜಾರಕಿಹೊಳಿ ಜೊತೆ ಡಿ.ಕೆ. ಶಿವಕುಮಾರ್ ಮಾತುಕತೆಗೆ ಮುಂದಾಗಿದ್ದಾರೆ ಎನ್ನಲಾಗಿದೆ. ಇಬ್ಬರನ್ನು ಮನೆಗೆ ಕರೆಸಿಕೊಂಡು ಎಲ್ಲಾ ಸರಿಹೋಗಿದೆ ಎಂದು ಡ್ಯಾಮೇಜ್ ಕಂಟ್ರೋಲ್ ಮಾಡಲು ಡಿಕೆಶಿ ಪ್ರಯತ್ನ ನಡೆಸಿದ್ದಾರೆ ಎನ್ನಲಾಗಿದೆ.
ಆದರೆ ಸಚಿವ ಡಿ.ಕೆ.ಶಿವಕುಮಾರ್ ಪ್ಲಾನ್ಗೆ ರಮೇಶ್ ಜಾರಕಿಹೊಳಿ ಸಾಥ್ ನೀಡಿಲ್ಲ ಎನ್ನಲಾಗಿದ್ದು, ನಾನೇಕೆ ಡಿ.ಕೆ.ಶಿವಕುಮಾರ್ ಮನೆಗೆ ಹೋಗಲಿ ಎಂದು ರಮೇಶ್ ಜಾರಕಿಹೊಳಿ ಹರಿಹಾಯ್ದಿದ್ದಾರೆ.
ಸಮಸ್ಯೆ ಯಾರಿಂದ ಆಗಿದೆಯೋ ಅವರೇ ನಮ್ಮ ಮನೆಗೆ ಬರಲಿ ಎಂದು ರಮೇಶ್ ಹೇಳಿದ್ದಾರೆ. ರಮೇಶ್ ಜಾರಕಿಹೊಳಿ ಮತ್ತು ಡಿಕೆಶಿ ಆಪ್ತನ ಜೊತೆ ನಡೆದ ಸಂಭಾಷಣೆ ಕೂಡ ಬಹಿರಂಗಗೊಂಡಿದೆ.
