ಹಿಟ್ಲರ್, ಮುಸುಲೋನಿ ಜೊತೆ ಮೋದಿ ಹೆಸರು: ಡಿಗ್ಗಿ ನಿಮ್ಗೆ ಬೇಕಿತ್ತಾ ಗುರು?
ವಿವಾದಾತ್ಮಕ ಟ್ವೀಟ್ ಮಾಡಿ ಬೈಸಿಕೊಂಡ ದಿಗ್ವಿಜಯ್ ಸಿಂಗ್| ಹಿಟ್ಲರ್, ಮುಸುಲೋನಿ ಜೊತೆ ಪ್ರಧಾನಿ ಮೋದಿ ಹೆಸರು ತಳಕು| ನ್ಯೂಜಿಲ್ಯಾಂಡ್ ದಾಳಿ ಖಂಡಿಸುವ ನೆಪದಲ್ಲಿ ಮೋದಿ ಕಾಲೆಳೆದ ಕಾಂಗ್ರೆಸ್ ನಾಯಕ| ‘ಜಗತ್ತಿಗೆ ಹಿಟ್ಲರ್, ಮುಸುಲೋನಿ, ಮೋದಿ ಅವರಂತ ನಾಯಕ ಬೇಕಿಲ್ಲ’|
ನವದೆಹಲಿ(ಮಾ.16): ನ್ಯೂಜಿಲ್ಯಾಂಡ್ ಮಸೀದಿ ದಾಳಿಯನ್ನು ಖಂಡಿಸುವ ನೆಪದಲ್ಲಿ ಕಾಂಗ್ರೆಸ್ ಹಿರಿಯ ಮುಖಂಡ ದಿಗ್ವಿಜಯ್ ಸಿಂಗ್, ಅನವಶ್ಯಕವಾಗಿ ಪ್ರಧಾನಿ ನರೇಂದ್ರ ಮೋದಿ ಅವರ ಹೆಸರನ್ನು ಎಳೆದು ತಂದಿದ್ದಾರೆ.
ವಿಶ್ವ ಶಾಂತಿಗೆ ಬುದ್ಧ, ಮಹಾವೀರ, ಮಾರ್ಟಿನ್ ಲೂಥರ್ ಕಿಂಗ್, ಮಹಾತ್ಮಾ ಗಾಂಧಿ ಅವರಂತ ನಾಯಕರು ಬೇಕೆ ಹೊರತು, ಹಿಟ್ಲರ್, ಮುಸುಲೋನಿ, ಅಥವಾ ನರೇಂದ್ರ ಮೋದಿ ಅವರಂತ ನಾಯಕರಲ್ಲ ಎಂದು ದಿಗ್ವಿಜಯ್ ಸಿಂಗ್ ಟ್ವೀಟ್ ಮಾಡಿದ್ದಾರೆ.
I totally agree with Rahul ji. World needs the Doctrine of Love Peace and Compassion promoted by Sanatan Dharm Gautam Budha and Mahavir and not that of Hatred and Violence. We need Mahatma Gandhis Martin Luther Kings and not Hitlers Mussolinis and Modis. https://t.co/Q9Ay0Ro5Tj
— digvijaya singh (@digvijaya_28) March 16, 2019
ನ್ಯೂಜಿಲ್ಯಾಂಡ್ ನಲ್ಲಿ ನಡೆದ ಉಗ್ರರ ದಾಳಿಯಲ್ಲಿ 49 ಮಂದಿ ಸಾವನ್ನಪ್ಪಿದ್ದನ್ನು ಖಂಡಿಸಿ ಎಐಸಿಸಿ ಅಧ್ಯಕ್ಷ ರಾಹುಲ್ ಗಾಂಧಿ ಟ್ವೀಟ್ ಮಾಡಿದ್ದರು. ಇದನ್ನು ಬೆಂಬಲಿಸಿ ದಿಗ್ವಿಜಯ್ ಕೂಡ ಟ್ವೀಟ್ ಮಾಡಿದ್ದು, ಮೋದಿ ಅವರನ್ನು ಹಿಟ್ಲರ್ ಮತ್ತು ಮುಸುಲೋನಿಗೆ ಹೋಲಿಸಿದ್ದಾರೆ.
