ವಿಹಿಂಪ, ಬಜರಂಗದಳ ಧಾರ್ಮಿಕ ಉಗ್ರವಾದಿ! ಆರ್‌ಎಸ್‌ಎಸ್‌ ರಾಷ್ಟ್ರೀಯವಾದಿ ಸಂಘಟನೆ

First Published 15, Jun 2018, 10:12 AM IST
CIA document tags VHP and Bajrang Dal as militant religious outfits
Highlights

ಮೆರಿಕದ ಗುಪ್ತಚರ ಸಂಸ್ಥೆಯಾದ ಸಿಐಎ ಹೊಸದಾಗಿ ಮುದ್ರಿಸಿರುವ ವಲ್ಡ್‌ರ್‍ ಫ್ಯಾಕ್ಟ್ಬುಕ್‌ ಎಂಬ ದಾಖಲೆಯಲ್ಲಿ ಭಾರತದ ಸಂಘ ಪರಿವಾರದ ಸಂಸ್ಥೆಗಳಾದ ವಿಶ್ವ ಹಿಂದೂ ಪರಿಷತ್‌ (ವಿಎಚ್‌ಪಿ) ಹಾಗೂ ಬಜರಂಗ ದಳಗಳನ್ನು ಧಾರ್ಮಿಕ ಭಯೋತ್ಪಾದಕ ಗುಂಪುಗಳು ಎಂದು ಹೆಸರಿಸಲಾಗಿದೆ.

ನವದೆಹಲಿ :  ಅಮೆರಿಕದ ಗುಪ್ತಚರ ಸಂಸ್ಥೆಯಾದ ಸಿಐಎ ಹೊಸದಾಗಿ ಮುದ್ರಿಸಿರುವ ವಲ್ಡ್‌ರ್‍ ಫ್ಯಾಕ್ಟ್ಬುಕ್‌ ಎಂಬ ದಾಖಲೆಯಲ್ಲಿ ಭಾರತದ ಸಂಘ ಪರಿವಾರದ ಸಂಸ್ಥೆಗಳಾದ ವಿಶ್ವ ಹಿಂದೂ ಪರಿಷತ್‌ (ವಿಎಚ್‌ಪಿ) ಹಾಗೂ ಬಜರಂಗ ದಳಗಳನ್ನು ಧಾರ್ಮಿಕ ಭಯೋತ್ಪಾದಕ ಗುಂಪುಗಳು ಎಂದು ಹೆಸರಿಸಲಾಗಿದೆ.

ಇತ್ತೀಚೆಗೆ ಈ ಪುಸ್ತಕವನ್ನು ಮುದ್ರಿಸಲಾಗಿದೆ. ಈ ವಿಷಯ ಬೆಳಕಿಗೆ ಬರುತ್ತಿದ್ದಂತೆಯೇ ಈ ಎರಡೂ ಸಂಘಟನೆಗಳು ಆಕ್ರೋಶ ವ್ಯಕ್ತಪಡಿಸಿದ್ದು, ನ್ಯಾಯಾಲಯದ ಮೊರೆ ಹೋಗುವುದಾಗಿ ಎಚ್ಚರಿಸಿವೆ. ಇನ್ನು ರಾಷ್ಟ್ರೀಯ ಸ್ವಯಂ ಸೇವಕ ಸಂಘ (ಆರ್‌ಎಸ್‌ಎಸ್‌) ಅನ್ನು ಬಿಜೆಪಿಯ ಸೈದ್ಧಾಂತಿಕ ಮಾತೃ ಸಂಸ್ಥೆ ಹಾಗೂ ರಾಷ್ಟ್ರೀಯವಾದಿ ಸಂಘಟನೆ ಎಂದು ವಿಶ್ಲೇಷಿಸಲಾಗಿದೆ.

ಬಜರಂಗದಳದ ರಾಷ್ಟ್ರೀಯ ವಕ್ತಾರ ಮನೋಜ್‌ ವರ್ಮಾ ಈ ಬಗ್ಗೆ ಪ್ರತಿಕ್ರಿಯೆ ನೀಡಿ, ಕಾನೂನು ತಜ್ಞರ ಜತೆ ಈ ಕುರಿತಂತೆ ಸಮಾಲೋಚಿಸುತ್ತಿದ್ದೇವೆ. ನಮ್ಮ ಸಂಘಟನೆಯನ್ನು ಧಾರ್ಮಿಕ ಭಯೋತ್ಪಾದಕ ಗುಂಪು ಎಂದು ಹೆಸರಿಸಿದ್ದು ಇತ್ತೀಚೆಗೆ ತಿಳಿಸಿದೆ ಎಂದರು.

ಇದೇ ಪಟ್ಟಿಯಲ್ಲಿ ಕಾಶ್ಮೀರದ ಹುರಿಯತ್‌ ಕಾನ್ಫರೆನ್ಸ್‌ ಅನ್ನು ಪ್ರತ್ಯೇಕತಾವಾದಿ ಗುಂಪು ಎಂದು ಹೆಸರಿಸಲಾಗಿದೆ. ಇನ್ನೊಂದೆಡೆ ಮೆಹಮೂದ್‌ ಮದನಿಯ ಜಮೀಯತ್‌ ಉಲೇಮಾ ಎ ಹಿಂದ್‌ ಸಂಘಟನೆಯನ್ನು ಧಾರ್ಮಿಕ ಸಂಘಟನೆ ಎಂದು ಕರೆಯಲಾಗಿದೆ.

loader