ಬೆಂಗಳೂರು ದಕ್ಷಿಣ ಬಿಜೆಪಿ ಎಂಪಿ ತೇಜಸ್ವಿ ಸೂರ್ಯ ಉತ್ತಮ ವಾಗ್ಮಿ | ಇವರ ಇಂಗ್ಲೀಷ್ ಕೂಡಾ ಅಷ್ಟೇ ಅದ್ಭುತವಾಗಿದ್ದು ಇಂಗ್ಲೀಷ್ ಮಾಧ್ಯಮಗಳಿಗೆ ಅಚ್ಚುಮೆಚ್ಚು
ಅದೃಷ್ಟ ಅಂದರೆ 28 ವರ್ಷದ ಬೆಂಗಳೂರು ದಕ್ಷಿಣ ಸಂಸದ ತೇಜಸ್ವಿ ಸೂರ್ಯ ಅವರದ್ದು. ಗೆದ್ದು ಬಂದ 4 ದಿನದಲ್ಲೇ ದಿಲ್ಲಿಯ ಆಂಗ್ಲ ಮಾಧ್ಯಮಗಳು ತೇಜಸ್ವಿ ಬೆನ್ನುಹತ್ತಿದ್ದು, ನಿರರ್ಗಳ ಭಾಷೆ ಬಳಸುವ ಮತ್ತು ಸ್ಫುರದ್ರೂಪಿ ಆಗಿರುವ ತೇಜಸ್ವಿ ಸೂರ್ಯರನ್ನು ತಮ್ಮ ತಮ್ಮ ಸ್ಟುಡಿಯೋಗಳಿಗೆ ಚರ್ಚೆಗೆ ಒಯ್ಯಲು ಹಾತೊರೆಯುತ್ತಿವೆ.
ಸಮಗ್ರ ಸುದ್ದಿ ಮೂಲವನ್ನಾಗಿ asianet suvarna news ಅನ್ನು ಆಯ್ಕೆ ಮಾಡಿಕೊಳ್ಳಿ
ದಕ್ಷಿಣದಿಂದ ಅಸ್ಖಲಿತ ಇಂಗ್ಲಿಷ್ ಮಾತನಾಡುವ ಬಿಜೆಪಿ ವಕ್ತಾರ ಒಬ್ಬ ದಿಲ್ಲಿ ಮಾಧ್ಯಮಗಳಿಗೆ ಬೇಕಿತ್ತು. ಆ ಶೂನ್ಯವನ್ನು ತೇಜಸ್ವಿ ತುಂಬಲಿದ್ದಾರೆ. ಇಲ್ಲವಾದರೆ ಬಹುತೇಕ ದಕ್ಷಿಣದ ನಾಯಕರಿಗೆ ಹಿಂದಿ ಕೂಡ ಹರಕುಮುರುಕು, ಇಂಗ್ಲಿಷ್ ಕೂಡ ಅಷ್ಟಕಷ್ಟೇ. ತೇಜಸ್ವಿಗೆ ಆ ಸಮಸ್ಯೆಯಿಲ್ಲ. ಆದರೆ ದಿಲ್ಲಿ ಆಂಗ್ಲ ಮಾಧ್ಯಮಗಳು ಎಷ್ಟುಬೇಗ ತಲೆ ಮೇಲೆ ಮೆರೆಸುತ್ತವೆಯೋ ಅಷ್ಟೇ ಬೇಗ ಬಿಸಾಕುತ್ತವೆ. ಆ ಬಗ್ಗೆ ಗಮನ ಇರುವುದು ಒಳ್ಳೆಯದು.
- ಪ್ರಶಾಂತ್ ನಾತು, ಸುವರ್ಣ ನ್ಯೂಸ್ ದೆಹಲಿ ಪ್ರತಿನಿಧಿ
ರಾಜಕಾರಣದ ಸುದ್ದಿಗಾಗಿ ‘ಇಂಡಿಯಾ ಗೇಟ್’ ಕ್ಲಿಕ್ ಮಾಡಿ
