ಮಾಸ್ಕೋ: ರಷ್ಯಾದ ಮೇಲೆ ಉಕ್ರೇನ್ 1000ಕ್ಕೂಹೆಚ್ಚು ಡ್ರೋನ್‌ ಬಳಸಿ ನಡೆಸಿದ್ದ ಅತಿದೊಡ್ಡ ದಾಳಿಯಲ್ಲಿ ಮಾಸ್ಕೋದಲ್ಲಿ ಓರ್ವ ಭಾರತೀಯ ಸೇರಿ 4 ಜನರು ಸಾವನ್ನಪ್ಪಿದ್ದಾರೆ. ಮೂರು ಭಾರತೀಯರೂ ಸೇರಿ 12 ಜನ ಗಾಯಗೊಂಡಿದ್ದಾರೆ.

ಉಕ್ರೇನ್‌ ನಡೆಸಿದ ದಾಳಿ ಯಾವ ಮಟ್ಟಿಗೆ ಇತ್ತು ಎಂದರೆ ಮಾಸ್ಕೋದಲ್ಲಿನ ರಷ್ಯಾದ ಅತಿದೊಡ್ಡ ವಿಮಾನ ನಿಲ್ದಾಣದ ಮೇಲೂ ಡ್ರೋನ್ ಅವಶೇಷಗಳು ಬಿದ್ದಿವೆ. ಆದರೆ ಯಾವುದೇ ಹಾನಿ ಆಗಿಲ್ಲ.

ಉಕ್ರೇನಿ ಅಧ್ಯಕ್ಷ ವೊಲೊಡಿಮಿರ್ ಝೆಲೆನ್ಸ್ಕಿ ಅವರು ಡ್ರೋನ್ ದಾಳಿ ದೃಢಪಡಿಸಿದ್ದು, ‘ದಾಳಿ ಸಂಪೂರ್ಣ ಸಮರ್ಥನೀಯ. 500 ಕಿ.ಮೀ. ದೂರದಿಂದ ರಷ್ಯಾ ಪ್ರದೇಶಗಳ ಮೇಲೆ ಡ್ರೋನ್‌ ಹಾರಿಸಿದ್ದೇವೆ’ ಎಂದಿದ್ದಾರೆ. ಆದರೆ ಉಕ್ರೇನ್‌ನ ಬಹುತೇಕ ಡ್ರೋನ್‌ಗಳನ್ನು ಹೊಡೆದು ಉರುಳಿಸಿದ್ದೇವೆ ಎಂದು ರಷ್ಯಾ ಹೇಳಿದೆ.

ಇದಕ್ಕೆ ಪ್ರತಿಯಾಗಿ ರಷ್ಯಾ ಕೂಡ 287 ಡ್ರೋನ್‌ ಬಳಸಿ ಪ್ರತಿದಾಳಿ ಡನೆಸಿದೆ. ಆದರೆ 279 ಡ್ರೋನ್‌ಗಳನ್ನು ನಾಶ ಮಾಡಿದ್ದಾಗಿ ಉಕ್ರೇನ್‌ ಹೇಳಿದೆ.

ಭಾರತೀಯ ಸಾವು:

ಮಾಸ್ಕೋ ಪ್ರದೇಶದಲ್ಲಿ ನಡೆದ ಡ್ರೋನ್ ದಾಳಿಯಲ್ಲಿ ಒಬ್ಬ ಭಾರತೀಯ ಕಾರ್ಮಿಕ ಸಾವನ್ನಪ್ಪಿದ್ದು, ಇತರ ಮೂವರು ಗಾಯಗೊಂಡಿದ್ದಾರೆ ಎಂದು ಭಾರತೀಯ ರಾಯಭಾರ ಕಚೇರಿ ಭಾನುವಾರ ತಿಳಿಸಿದೆ. ಆದರೆ ಮೃತರ ಅಥವಾ ಗಾಯಗೊಂಡವರ ಗುರುತುಗಳನ್ನು ಅದು ಬಹಿರಂಗಪಡಿಸಲಿಲ್ಲ.

ಬೆಳಗಾವಿಯಲ್ಲೊಂದು ವಿಶೇಷ ಸ್ವಚ್ಛತಾ ಅಭಿಯಾನ

ಬಾಗಲಕೋಟೆಯಲ್ಲಿ ಬಿಎಸ್ ಡಬ್ಲು ಎನ್ನುವ ವಾಟ್ಸಾಪ್ ಗ್ರೂಪ್ ಒಂದು ಜಿಲ್ಲೆಯ ಸ್ವಚ್ಛತೆಗೆ ಪಣತೊಟ್ಟು ಕಾರ್ಯ ನಿರ್ವಹಿಸುತ್ತಿದೆ.&nbsp;

About the Author

ಬಾಗಲಕೋಟೆಯಲ್ಲಿ ಬಿಎಸ್ ಡಬ್ಲು ಎನ್ನುವ ವಾಟ್ಸಾಪ್ ಗ್ರೂಪ್ ಒಂದು ಜಿಲ್ಲೆಯ ಸ್ವಚ್ಛತೆಗೆ ಪಣತೊಟ್ಟು ಕಾರ್ಯ ನಿರ್ವಹಿಸುತ್ತಿದೆ.