ಕೊನೆಯ ದಿನವನ್ನು ನೆಚ್ಚಿನ ಮನೆಯಲ್ಲಿ ಕಳೆಯಲಿಲ್ಲ ಅಂಬಿ!
ಇತ್ತೀಚೆಗಷ್ಟೇ ಅಂಬರೀಶ್ ಜೆಪಿ ನಗರದ ನಿವಾಸದ ದುರಸ್ತಿ ಕಾರ್ಯಕ್ಕೆ ಮುಂದಾಗಿದ್ದರು. ಹೀಗಾಗಿ ಜೆಪಿ ನಗರದ ನಿವಾಸದ ಬದಲಾಗಿ ವಿಂಡ್ಸರ್‌ ಮ್ಯಾನರ್‌ ಬಳಿ ಇರುವ ತಮ್ಮ ಅಪಾರ್ಟ್‌ಮೆಂಟ್‌ಗೆ ವಾಸಸ್ಥಾನವನ್ನು ಬದಲಾಯಿಸಿಕೊಂಡಿದ್ದರು ಮತ್ತು ಶನಿವಾರ ಈ ಅಪಾರ್ಟ್ಮೆಂಟ್ನಲ್ಲೇ ಹೃದಯಾಘಾತದಿಂದ ಕುಸಿದು ಬಿದ್ದು ಅಸು ನೀಗಿದ್ದಾರೆ.
 )
Followಬೆಂಗಳೂರು[ನ.25]: ಜೆಪಿ ನಗರದ ನಿವಾಸ ಅಂಬರೀಶ್ ಅವರ ಫೆವರೇಟ್‌ ತಾಣ. ದುರಂತವೆಂದರೇ ಅಂಬರೀಶ್ ಅವರು ತಮ್ಮ ಅಂತಿಮ ಕ್ಷಣಗಳನ್ನು ತಮ್ಮ ನೆಚ್ಚಿನ ಮನೆಯಲ್ಲಿ ಕಳೆಯಲು ಆಗಲಿಲ್ಲ.
ಏಕೆಂದರೆ, ಇತ್ತೀಚೆಗಷ್ಟೇ ಅವರು ಜೆಪಿ ನಗರದ ನಿವಾಸದ ದುರಸ್ತಿ ಕಾರ್ಯಕ್ಕೆ ಮುಂದಾಗಿದ್ದರು. ಹೀಗಾಗಿ ಜೆಪಿ ನಗರದ ನಿವಾಸದ ಬದಲಾಗಿ ವಿಂಡ್ಸರ್‌ ಮ್ಯಾನರ್‌ ಬಳಿ ಇರುವ ತಮ್ಮ ಅಪಾರ್ಟ್‌ಮೆಂಟ್‌ಗೆ ವಾಸಸ್ಥಾನವನ್ನು ಬದಲಾಯಿಸಿಕೊಂಡಿದ್ದರು ಮತ್ತು ಶನಿವಾರ ಈ ಅಪಾರ್ಟ್ಮೆಂಟ್ನಲ್ಲೇ ಹೃದಯಾಘಾತದಿಂದ ಕುಸಿದು ಬಿದ್ದು ಅಸು ನೀಗಿದ್ದಾರೆ.
ಮನೆ ದಾಖಲೆ ಕಳೆದುಕೊಂಡಿದ್ದ ಅಂಬರೀಶ್!
ಬಹಳ ವರ್ಷಗಳಿಂದ ಜೆಪಿ ನಗರದ ನಿವಾಸದಲ್ಲಿ ವಾಸಿಸುತ್ತಿದ್ದ ಅಂಬರೀಷ್‌ ಅವರು ತಮ್ಮ ಮನೆಯ ಎಲ್ಲ ದಾಖಲೆಗಳನ್ನು ಕಳೆದುಕೊಂಡಿದ್ದರು. ಇದರಿಂದಾಗಿ ಮನೆ ದುರಸ್ತಿ ಕಾರ್ಯಕ್ಕೆ ಮುಂದಾಗಲು ಅಡಚಣೆಯಾಗಿತ್ತು.
ಹೀಗಾಗಿ, ಬೆಂಗಳೂರು ನಗರಾಭಿವೃದ್ಧಿ ಸಚಿವರಾಗಿರುವ ಡಾ. ಜಿ. ಪರಮೇಶ್ವರ್‌ ಅವರಿಗೆ ಇತ್ತೀಚೆಗೆ ದೂರವಾಣಿ ಕರೆ ಮಾಡಿದ ಮೂಲ ದಾಖಲೆ ಪ್ರತಿ ದೊರಕಿಸಿಕೊಡುವಂತೆ ಬೆಳಗ್ಗೆ 10ಕ್ಕೆ ಕರೆ ಮಾಡಿದ್ದರು. ಅಂಬರೀಷ್‌ ಮಾಡಿಕೊಂಡ ಮನವಿ ಮೇರೆಗೆ ಪರಮೇಶ್ವರ್‌ ಅವರು ಅಧಿಕಾರಿಗಳಿಗೆ ಸೂಚಿಸಿ ಕೇವಲ ಅಂದೇ ಸಂಜೆ ವೇಳೆಗೆ ದಾಖಲೆಗಳನ್ನು ಸಿದ್ಧಪಡಿಸಿಕೊಟ್ಟಿದ್ದರು.
ಹೀಗಿತ್ತು ನೋಡಿ ಅಂರೀಶ್ ನೆಚ್ಚಿನ ಮನೆ!
