Asianet Suvarna News Asianet Suvarna News

5 ಸಾವಿರ ರು.ಗಾಗಿ ಪರದಾಡಿದ್ದರಂತೆ ಏರ್ಟೆಲ್ ಮಾಲೀಕ ಮಿತ್ತಲ್

ಇಂದು ಸಾವಿರಾರು ಕೋಟಿ ರು. ವಹಿವಾಟು ಹೊಂದಿರುವ ಏರ್ಟೆಲ್ ಮಾಲೀಕ ಸುನೀಲ್ ಮಿತ್ತಲ್, ಈ ಹಿಂದೆ ತಾವೊಮ್ಮೆ 5 ಸಾವಿರ ರು. ಹೊಂದಿಸಲಾಗದೇ ಪರದಾಡಿದ ಪ್ರಸಂಗವನ್ನು ವಿವರಿಸಿದ್ದಾರೆ.

Airtel Sunil mittal was in Financial Crisis For The Rs 5000 once

ನವದೆಹಲಿ (ಡಿ.18): ಇಂದು ಸಾವಿರಾರು ಕೋಟಿ ರು. ವಹಿವಾಟು ಹೊಂದಿರುವ ಏರ್ಟೆಲ್ ಮಾಲೀಕ ಸುನೀಲ್ ಮಿತ್ತಲ್, ಈ ಹಿಂದೆ ತಾವೊಮ್ಮೆ 5 ಸಾವಿರ ರು. ಹೊಂದಿಸಲಾಗದೇ ಪರದಾಡಿದ ಪ್ರಸಂಗವನ್ನು ವಿವರಿಸಿದ್ದಾರೆ.

ಸಮಾರಂಭ ವೊಂದರಲ್ಲಿ ಮಾತನಾಡಿದ ಅವರು, `ಅದು 80ರ ದಶಕ. ಆಗ ನಾನು ಸೈಕಲ್ ಬಿಡಿಭಾಗಗಳ ವ್ಯವಹಾರ ಮಾಡುತ್ತಿದ್ದೆ. ಒಮ್ಮೆ ನನಗೆ 5 ಸಾವಿರ ರು. ಜರೂರಾಗಿ ಬೇಕಾಯಿತು. ಕೈಲಿ ನಯಾ ಪೈಸೆ ಇರಲಿಲ್ಲ. ಹೇಗೆ ಹಣ ಹೊಂದಿಸಬೇಕು ಎಂದು ಚಿಂತಾಕ್ರಾಂತನಾದೆ' ಎಂದು ಹೇಳಿದರು. `ಆಗ ನನಗೆ 5 ಸಾವಿರ ರು. ಕೊಡಲು ಯಾರೂ ಮುಂದೆ ಬರುತ್ತಿರಲಿಲ್ಲ.

 ಏಕೆಂದರೆ ನನ್ನ ಪರಿಸ್ಥಿತಿಯೇ ಹಾಗಿತ್ತು. ಆದಾಗ್ಯೂ ಉದ್ಯಮಿ ಬ್ರಿಜ್ಮೋಹನ್ಲಾಲ್ ಮುಂಜಾಲ್ ಅವರ ಬಳಿ ಹೋದೆ. `ಅಂಕಲ್ ನನಗೆ 5 ಸಾವಿರ ರು. ಬೇಕು' ಎಂದು ಕೇಳಿದೆ. ಸಹೃದಯಿಯಾಗಿದ್ದ ಮುಂಜಾಲ್ ನನ್ನ ನೋವನ್ನು ಅರ್ಥ ಮಾಡಿಕೊಂಡು 5 ಸಾವಿರ ರು. ಚೆಕ್ ಕೊಟ್ಟರು. ಬಳಿಕ `ಇದನ್ನೇ ಚಾಳಿ ಮಾಡಿಕೊಳ್ಳಬೇಡ' ಎಂದು ಬುದ್ಧಿವಾದವನ್ನೂ ಹೇಳಿದರು.

ಇದು ನನ್ನ ಹೃದಯಕ್ಕೆ ನಾಟಿತು. ಆ ಬಳಿಕ ನಾನು ಹಿಂದಿರುಗಿ ನೋಡಲಿಲ್ಲ. ಕಷ್ಟಪಟ್ಟು ಮುಂದೆ ಬಂದೆ. ಯಾವತ್ತೂ ಆರ್ಥಿಕ ಮುಗ್ಗಟ್ಟು ಉಂಟಾಗದಂತೆ ನೋಡಿಕೊಂಡೆ' ಎಂದು ಹೇಳಿದರು.

Follow Us:
Download App:
  • android
  • ios