ನೌಕರರ ಗ್ರಾಚ್ಯುಟಿ 20 ಲಕ್ಷಕ್ಕೆ ಏರಿಕೆ

First Published 2, Jul 2018, 12:37 PM IST
Air India doubles gratuity ceiling amount of employees
Highlights

ಈ ಇಲಾಖೆಯ ನೌಕರರಿಗೆ ಇಲ್ಲಿದೆ ಭರ್ಜರಿ ಗುಡ್ ನ್ಯೂಸ್. ಇವರ ಗ್ರಾಚ್ಯುಟಿ ಮಿತಿಯನ್ನು ದ್ವಿಗುಣ ಪ್ರಮಾಣದಲ್ಲಿ ಏರಿಕೆ ಮಾಡಲಾಗಿದ್ದು, 10 ಲಕ್ಷದಿಂದ 20 ಲಕ್ಷಕ್ಕೆ ಏರಿಕೆ ಮಾಡಲಾಗಿದೆ. ಇದರ ಲಾಭವನ್ನು ಸಾವಿರಾರು ಸಂಖ್ಯೆಯ ಏರ್ ಇಂಡಿಯಾ ನೌಕರರು ಪಡೆದುಕೊಳ್ಳಲಿದ್ದಾರೆ. 

ನವದೆಹಲಿ :  ಏರ್ ಇಂಡಿಯಾವೂ ಇದೀಗ ತನ್ನ ನೌಕರರಿಗೆ ಭರ್ಜರಿ ಗುಡ್ ನ್ಯೂಸ್ ಒಂದನ್ನು ನೀಡಿದೆ. ಇದುವರೆಗೂ ಕೂಡ  10 ಲಕ್ಷವಿದ್ದ  ನೌಕರರ ಗ್ರಾಚ್ಯುಟಿ ಮಿತಿಯನ್ನು 20 ಲಕ್ಷಕ್ಕೆ ಏರಿಕೆ ಮಾಡಲಾಗಿದೆ. 

ಏರ್ ಇಂಡಿಯಾ ಸಂಸ್ಥೆಯು ಈ ಬಗ್ಗೆ ಪತ್ರ ಬರೆದಿದ್ದು, ಜೂನ್ 26 ರಂದೆ ಈ ಬಗ್ಗೆ ಸ್ಪಷ್ಟ ಪಡಿಸಿದೆ.  ಉದ್ಯೋಗಿಗಳ ಗ್ರಾಚ್ಯುಟಿ ಮಿತಿಯೀಗ ದ್ವಿಗುಣ ಪ್ರಮಾಣದಲ್ಲಿ ಏರಿಕೆ ಮಾಡಲಾಗಿದೆ ಎಂದು ತಿಳಿಸಿದೆ. ಮೇ 21 ರಂದು ಈ ಬಗ್ಗೆ ಸಭೆ ನಡೆಸಲಾಗಿದ್ದು, ಈ ಸಭೆಯಲ್ಲಿ ಈ ಬಗ್ಗೆ ಅಂಕಿತ ನೀಡಲಾಗಿದೆ. 

ಗ್ರಾಚ್ಯಟಿ ಮಿತಿ ಏರಿಕೆ ಅನುಕೂಲತೆಯನ್ನು ಒಟ್ಟು 6500 ನೌಕರರು ಪಡೆದುಕೊಳ್ಳಲಿದ್ದಾರೆ. ಈ ಹಿಂದೆ ಗ್ರಾಚ್ಯುಟಿ ಮೊತ್ತದ ಮಿತಿಯು  10 ಲಕ್ಷದಷ್ಟಿತ್ತು.  ಆದರೆ ಇನ್ನುಮುಂದೆ ಗ್ರಾಚ್ಯುಟಿ ಮೊತ್ತದ ಮಿತಿಯ ಏರಿಕೆಯಿಂದ 20 ಲಕ್ಷ ರು. ಪಡೆದುಕೊಳ್ಳಲಿದ್ದಾರೆ. 

loader