ಅಕ್ಕಸಾಲಿಗನ ಕೈಚಳಕ: ಚಿನ್ನದಲ್ಲಿ ಅರಳಿದ ಹಂಪಿ ರಥ
ಹಂಪಿಯ ವಿಜಯ ವಿಠ್ಠಲ ದೇಗುಲದ ಸನ್ನಿಧಿಯಲ್ಲಿರುವ ಐತಿಹಾಸಿಕ ಪ್ರಸಿದ್ಧ ರಥವನ್ನು ಈಗ ಕಾರವಾರದಲ್ಲಿ ಕಾಣಬಹುದು.
 )
Followಕಾರವಾರ, ಅ,.11: ಹಂಪಿಯ ವಿಜಯ ವಿಠ್ಠಲ ದೇಗುಲದ ಸನ್ನಿಧಿಯಲ್ಲಿರುವ ಐತಿಹಾಸಿಕ ಪ್ರಸಿದ್ಧ ರಥವನ್ನು ಈಗ ಕಾರವಾರದಲ್ಲಿ ಕಾಣಬಹುದು. ಇದು ಅಂತಿಂಥ ರಥವಲ್ಲ. ಚಿನ್ನದಲ್ಲಿ ಮಾಡಿದ ಚಿತ್ತಾಕರ್ಷಕ ರಥ.
ಹೌದು.. ಇಲ್ಲಿನ ಕಡವಾಡದ ಅಕ್ಕಸಾಲಿಗ ಮಿಲಿಂದ ಅಣ್ವೇಕರ್‌ ಪ್ರತಿವರ್ಷವೂ ಒಂದಿಲ್ಲೊಂದು ಕಲಾಕೃತಿ ಸೃಷ್ಟಿಸುವ ಹವ್ಯಾಸ ಬೆಳೆಸಿಕೊಂಡಿದ್ದಾರೆ. ಈ ಬಾರಿ .36 ಸಾವಿರ ಮೌಲ್ಯದ 12 ಗ್ರಾಂ ಬಂಗಾರದಿಂದ 1 ಇಂಚು ಎತ್ತರದ ಹಂಪಿ ರಥವನ್ನು ತಯಾರಿಸಿದ್ದಾರೆ.
ಮುಂಭಾಗದಲ್ಲಿ ರಥದ ಒಳಗೆ ಆಸೀನನಾದ ವಿರೂಪಾಕ್ಷ, ಸುತ್ತಲೂ ಕಂಬಗಳು, ರಥಕ್ಕೆ ಚಾವಣಿ, 4 ಚಕ್ರದ ರಥವನ್ನು ಎಳೆಯುತ್ತಿರುವ 2 ಆನೆಗಳನ್ನು ಕಾಣಬಹುದು. ರಥದಲ್ಲಿನ ಕಂಬ, ಚಾವಣಿ, ಆನೆಗಳ ಮೇಲೆ ಇರುವ ಸೂಕ್ಷ್ಮ ಕೆತ್ತನೆಗಳು ಚಿತ್ತಾಕರ್ಷಕವಾಗಿದೆ. ಬಿಡುವಿನ ವೇಳೆ ರಥ ತಯಾರಿಕೆ ಮಾಡುತ್ತಿದ್ದು, 1 ತಿಂಗಳಲ್ಲಿ ನಿರ್ಮಾಣವಾಗಿದೆ.
