ಪಾಕ್ ಮೂಲದ ಮೂವರನ್ನು ಜಾಗತಿಕ ಉಗ್ರರ ಪಟ್ಟಿಗೆ ಸೇರಿಸಿದ ಅಮೆರಿಕ
ಪಾಕ್ ಮೂಲದ ಉಗ್ರ ಸಂಘಟನೆಗಳಾದ ಲಷ್ಕರ್ ಇ ತೋಯ್ಬಾ, ತಾಲಿಬಾನ್ ಸಂಘಟನೆಗಳಿಗೆ ಬೆಂಬಲ ನೀಡುತ್ತಿದ್ದ ಮೂವರು ಉಗ್ರರನ್ನು ಅಮೆರಿಕ ಜಾಗತಿಕ ಉಗ್ರರ ಪಟ್ಟಿಗೆ ಸೇರಿಸಿದೆ.
ವಾಷಿಂಗ್ಟನ್ : ಪಾಕ್ ಮೂಲದ ಉಗ್ರ ಸಂಘಟನೆಗಳಾದ ಲಷ್ಕರ್ ಇ ತೋಯ್ಬಾ, ತಾಲಿಬಾನ್ ಸಂಘಟನೆಗಳಿಗೆ ಬೆಂಬಲ ನೀಡುತ್ತಿದ್ದ ಮೂವರು ಉಗ್ರರನ್ನು ಅಮೆರಿಕ ಜಾಗತಿಕ ಉಗ್ರರ ಪಟ್ಟಿಗೆ ಸೇರಿಸಿದೆ.
ಅತ್ಯಂತ ಪಾತಕಿ ಉಗ್ರ ಸಂಘಟನೆಗಳಾದ ಈ ಸಂಘಟನೆಗಳಲ್ಲಿ ಕಾರ್ಯ ನಿರ್ವಹಿಸುತ್ತಿದ್ದ ಮೂವರು ಉಗ್ರರು ಕೂಡ ಸಾಕಷ್ಟು ದುಷ್ಕೃತ್ಯಗಳಲ್ಲಿ ತೊಡಗಿಸಿಕೊಂಡಿದ್ದರು.
ರಹಮಾನ್ ಜೆಬ್ ಫಕೀರ್ ಅಹ್ಮದ್, ಹಿಜಬ್ ಉಲ್ಲಾ ಅಸ್ತಮ್ ಖಾನ್, ದಿಲಾವರ್ ಖಾನ್ ನಾದಿರ್ ಖಾನ್ ಎನ್ನುವ ಮೂವರು ಉಗ್ರರನ್ನು ಜಾಗತಿಕ ಉಗ್ರರೆನ್ನಲಾಗಿದೆ.
ಈ ಮೂವರು ಉಗ್ರರೊಂದಿಗೆ ಯಾವುದೇ ರೀತಿಯಾದ ವ್ಯವಹಾರವನ್ನೂ ಕೂಡ ಯಾರೂ ನಡೆಸುವಂತಿಲ್ಲ ಎಂದು ಆದೇಶ ನೀಡಿದೆ.
Last Updated Apr 11, 2018, 1:02 PM IST
