ಗುಹೆಯಿಂದ ಮೇಲೆದ್ದ ಫುಟ್ಬಾಲ್ ತಂಡ: ಫಲಿಸಿತು ಪ್ರಾರ್ಥನೆ!

First Published 10, Jul 2018, 5:27 PM IST
11th Boy Seen Carried Out Of Thai Cave On Stretcher
Highlights

ಥೈಲ್ಯಾಂಡ್ ಗುಹೆಯಲ್ಲಿ ಫುಟ್ಬಾಲ್ ತಂಡ

11 ಬಾಲಕರು ಸುರಕ್ಷಿತವಾಗಿ ಹೊರಗೆ

ಉಳಿದಿರುವುದು ಕೋಚ್ ಮತ್ತೋರ್ವ ಬಾಲಕ ಮಾತ್ರ

ಇಂದೇ ಕಾರ್ಯಾಚರಣೆ ಮುಗಿಯುವ ಸಾಧ್ಯತೆ

ಬ್ಯಾಂಕಾಕ್(ಜು.10): ಥೈಲ್ಯಾಂಡ್​ ಗುಹೆಯಲ್ಲಿ ಸಿಲುಕಿರುವ ಬಾಲಕರ ಫುಟ್ಬಾಲ್ ತಂಡದ ಸುರಕ್ಷತೆಗೆ ಇಡೀ ವಿಶ್ವವೇ ಪ್ರಾರ್ಥನೆ ಮಾಡುತ್ತಿತ್ತು. ಇದೀಗ ಈ ಪ್ರಾರ್ಥನೆ ಫಲಿಸಿದ್ದು, ಗುಹೆಯಲ್ಲಿ ಎಲ್ಲ 12 ಬಾಲಕರು ಮತ್ತು ಕೋಚ್ ಅವರನ್ನು ರಕ್ಷಣಾ ತಂಡ ಮೇಲೆ ತರುವಲ್ಲಿ ಯಶಸ್ವಿಯಾಗಿದೆ. ಅಬ್ಬರದ ಮಳೆಯ ನಡುವೆಯೂ ಸಾಹಸೀ ರಕ್ಷಣಾ ಕಾರ್ಯಾಚರಣೆಗೆ ಜಯ ಸಿಕ್ಕಿದೆ.

ಕಳೆದ ಭಾನುವಾರ ನಡೆದ ಕಾರ್ಯಾಚರಣೆಯಲ್ಲಿ 4, ಸೋಮವಾರ 4 ಮತ್ತು ಇಂದಿನ ಕಾರ್ಯಾಚರಣೆಯಲ್ಲಿ4 ಬಾಲಕರು ಮತ್ತು ಕೋಚ್ ಅವರನ್ನು ತರುವಲ್ಲಿ ರಕ್ಷಣಾ ಸಿಬ್ಬಂದಿ ಯಶಸ್ವಿಯಾಗಿದ್ದಾರೆ. ಈ ಮೂಲಕ ಕಳೆದ ಎರಡು ವಾರಗಳಿಂದ  ಇಡೀ ಜಗತ್ತು ಉಸಿರು ಬಿಗಿ ಹಿಡಿದು ಕಾಯುತ್ತಿದ್ದ ಸಿಹಿ ಸುದ್ದಿ ಕೊನೆಗೂ ಬಂದಂತಾಗಿದೆ. 

ಥೈಲ್ಯಾಂಡ್​ನ ಚಿಯಾಂಗ್​ ರಾಯ್​ ಬಳಿಯ ಗುಹೆಯಲ್ಲಿ ಕೋಚ್ ಸಮೇತ 12 ಬಾಲಕರು ಗುಹೆಯೊಳಗೆ ಸಿಲುಕಿಕೊಂಡಿದ್ದರು. ಜೀವದ ಹಂಗನ್ನೂ ತೊರೆದು ಡೈವರ್​ಗಳ ತಂಡ ಜ್ಯೂನಿಯರ್​ ಫುಟ್ಬಾಲ್ ತಂಡವನ್ನು ರಕ್ಷಿಸಲು ನಿರಂತರ ಕಾರ್ಯಾಚರಣೆ ಮಾಡಿ ಫುಟ್ಇಬಾಲ್ಡೀ ತಂಡವನ್ನು ಹೊರತರುವಲ್ಲಿ ಯಶಸ್ವಿಯಾಗಿದ್ದಾರೆ.