Tecno Pova 5G: 6000mAh ಬ್ಯಾಟರಿಯೊಂದಿಗೆ ಟೆಕ್ನೋದ ಮೊದಲ 5G ಸ್ಮಾರ್ಟ್‌ಫೋನ್ ಬಿಡುಗಡೆ!
91mobiles ವರದಿಯ ಪ್ರಕಾರ Tecno POVA 5G ಸ್ಮಾರ್ಟ್‌ಫೋನ್ ಅನ್ನು ಬಿಡುಗಡೆ ಮಾಡಲು ತಯಾರಿ ನಡೆಸುತ್ತಿದೆ. 2022 ರ ಜನವರಿಯಲ್ಲಿ ಫೋನ್ ಅನ್ನು ದೇಶದಲ್ಲಿ ಬಿಡುಗಡೆ ಮಾಡಲಾಗುವುದು ಎಂದು ಹೇಳಲಾಗುತ್ತಿದೆ.
Tech Desk: ಟೆಕ್ನೋ ಇತ್ತೀಚೆಗೆ ನೈಜೀರಿಯಾದಲ್ಲಿ ತನ್ನ ಮೊದಲ 5G ಸ್ಮಾರ್ಟ್‌ಫೋನ್ ಅನ್ನು ಬಿಡುಗಡೆ ಮಾಡಿದೆ. ಇದನ್ನು Tecno POVA 5G ಎಂದು ಕರೆಯಲಾಗುತ್ತದೆ. ಸಾಧನವು ಆಕ್ಟಾ-ಕೋರ್ ಮೀಡಿಯಾ ಟೆಕ್ ಡೈಮೆನ್ಸಿಟಿ 900 ಪ್ರೊಸೆಸರ್‌ನಿಂದ ಚಾಲಿತವಾಗಿದೆ ಮತ್ತು 120Hz ರಿಫ್ರೆಶ್ ದರದೊಂದಿಗೆ 6.95-ಇಂಚಿನ ಡಿಸ್ಪ್ಲೇಯೊಂದಿಗೆ ಬರುತ್ತದೆ. Tecno POVA 5G ಭಾರತಕ್ಕೆ ಬರಲು ಈಗ ಸಿದ್ಧವಾಗಿದೆ ಎಂದು ವರದಿಗಳು ಹೇಳಿವೆ. 91mobiles ನ ವರದಿಯು Tecno POVA 5G ಭಾರತದಲ್ಲಿ ಜನವರಿ 2022 ರಲ್ಲಿ ಬಿಡುಗಡೆಯಾಗಲಿದೆ ಎಂದು ಹೇಳಿದೆ. ಟೆಕ್ನೋ POVA 5G ಅನ್ನು ಜನವರಿಯಲ್ಲಿ ಭಾರತದಲ್ಲಿ ಬಿಡುಗಡೆಯನ್ನು ನಾವು ನಿರೀಕ್ಷಿಸಬಹುದು.
Tecno Pova 5G ಬೆಲೆ
Tecno Pova 5G ಬೆಲೆಯನ್ನು ನೈಜೀರಿಯಾದಲ್ಲಿ NGN 129,000 (ಸುಮಾರು ರೂ. 23,500) ಗೆ ನಿಗದಿಪಡಿಸಲಾಗಿದೆ ಎಂದು PhoneCorridor ವರದಿ ಮಾಡಿದೆ. ಫೋನ್ ಒಂದೇ 8GB + 128GB ಸಂಗ್ರಹಣೆಯ ರೂಪಾಂತರದಲ್ಲಿ ಬರುತ್ತದೆ ಎಂದು ಹೇಳಲಾಗುತಿದೆ. Dazzle Black, Polar Silver, ಮತ್ತು Power Blue ಬಣ್ಣದ ಆಯ್ಕೆಗಳಲ್ಲಿ ಫೋನ್ ಖರೀದಿಗೆ ಲಭ್ಯವಿರಲಿದೆ. ಪ್ರತ್ಯೇಕವಾಗಿ, Gizmochina ವರದಿಯು $289 (ಸುಮಾರು ರೂ. 21,600) ಬೆಲೆಯೊಂದಿಗೆ ಹ್ಯಾಂಡ್‌ಸೆಟ್ ಅನ್ನು ಪರಿಚಯಿಸಲಾಗಿದೆ ಎಂದು ಹೇಳುತ್ತದೆ.
Tecno Pova ನ 4G ರೂಪಾಂತರವು ಈ ವರ್ಷದ ನವೆಂಬರ್‌ನಲ್ಲಿ ಭಾರತಕ್ಕೆ ಆಗಮಿಸಿದ್ದು ಇದರ ಬೆಲೆ ರೂ. 4GB + 64GB ಸ್ಟೋರೇಜ್ ರೂಪಾಂತರಕ್ಕಾಗಿ ₹9,999 ಹಾಗೂ ಸ್ಮಾರ್ಟ್‌ಫೋನ್‌ನ 6GB + 128GB ಸಂಗ್ರಹಣೆಯ ರೂಪಾಂತರಕ್ಕಾಗಿ ₹11,999. ಇದು Dazzle Black, Magic Blue, ಮತ್ತು Speed Purple ಮೂರು ವಿಭಿನ್ನ ಬಣ್ಣಗಳ ಆಯ್ಕೆ ನೀಡುತ್ತದೆ .
Tecno Pova 5G specifications
PhoneCoridor ವರದಿಯ ಪ್ರಕಾರ Tecno Pova 5G Android 11-ಆಧಾರಿತ HiOS 8.0 ನಲ್ಲಿ ಕಾರ್ಯನಿರ್ವಹಿಸುತ್ತದೆ. ಇತ್ತೀಚಿನ Pova-ಸರಣಿಯ ಸ್ಮಾರ್ಟ್‌ಫೋನ್ 6.95-ಇಂಚಿನ HD+ (1,080x2,460 ಪಿಕ್ಸೆಲ್‌ಗಳು) ಡಿಸ್‌ಪ್ಲೇಯನ್ನು 120Hz ರಿಫ್ರೆಶ್ ರೇಟ್ ಹೊಂದಿದೆ ಎಂದು ಹೇಳಲಾಗುತ್ತದೆ. Tecno Pova 5G 8GB RAM ಮತ್ತು 128GB ಆನ್‌ಬೋರ್ಡ್ ಸಂಗ್ರಹಣೆಯೊಂದಿಗೆ ಮೀಡಿಯಾ ಟೆಕ್ ಡೈಮೆನ್ಸಿಟಿ 900 SoC ನೊಂದಿಗೆ ಚಾಲಿತವಾಗಲಿದೆ ಎಂದು ಹೇಳಲಾಗುತ್ತಿದೆ.
ಇನ್ನು ಕ್ಯಾಮೆರಾ ವಿಭಾಗ ಗಮನಿಸುವುದಾದರೆ Tecno Pova 5G ಕ್ವಾಡ್-ಎಲ್ಇಡಿ ಫ್ಲ್ಯಾಷ್ ಜೊತೆಗೆ ಟ್ರಿಪಲ್ ಹಿಂಬದಿಯ ಕ್ಯಾಮೆರಾ ವ್ಯವಸ್ಥೆಯನ್ನು ಹೊಂದಿದೆ ಎಂದು ವರದಿಯಾಗಿದೆ. 50-ಮೆಗಾಪಿಕ್ಸೆಲ್ ಪ್ರಾಥಮಿಕ ಕ್ಯಾಮರಾ ಜತೆಗೆ 13-ಮೆಗಾಪಿಕ್ಸೆಲ್ ಸೆಕೆಂಡರಿ ಸೆನ್ಸಾರ್ ಮತ್ತು 2-ಮೆಗಾಪಿಕ್ಸೆಲ್ ಶೂಟರ್ ಅನ್ನು ಒಳಗೊಂಡಿರುತ್ತದೆ. ಸೆಲ್ಫಿಗಳಿಗಾಗಿ 16-ಮೆಗಾಪಿಕ್ಸೆಲ್ ಮುಂಭಾಗದ ಕ್ಯಾಮೆರಾವನ್ನು ಡ್ಯುಯಲ್-LED ಫ್ಲ್ಯಾಷ್ ನೀಡಲಾಗಿದೆ ಎಂದು ತಿಳಿದು ಬಂದಿದೆ. ಹೊಸ ಟೆಕ್ನೋ ಹ್ಯಾಂಡ್‌ಸೆಟ್ ಸೈಡ್-ಮೌಂಟೆಡ್ ಫಿಂಗರ್‌ಪ್ರಿಂಟ್ ಸೆನ್ಸರ್ ಸಹ ಹೊಂದಿದೆ ಎಂದು ವರದಿಯಾಗಿದೆ.
ಕನೆಕ್ಟಿವಿಟಿ ಆಯ್ಕೆಗಳಲ್ಲಿ DTS ಸ್ಪೀಕರ್‌ಗಳು, ಬ್ಲೂಟೂತ್ v5.2, GPS/ A-GPS, Wi-Fi 802.11 b/g/n, USB Type-C ಪೋರ್ಟ್, FM ರೇಡಿಯೋ ಮತ್ತು 3.5mm ಹೆಡ್‌ಫೋನ್ ಜ್ಯಾಕ್ ಸೇರಿವೆ. Tecno ನ ಮೊದಲ 5G ಮೊಬೈಲ್ Tecno Pova 5G, 6,000mAh ಬ್ಯಾಟರಿ ಮತ್ತು 18W ವೇಗದ ಚಾರ್ಜಿಂಗ್ ಬೆಂಬಲದೊಂದಿಗೆ ಬರುತ್ತದೆ ಎಂದು ವರದಿಯಾಗಿದೆ.
ಇದನ್ನೂ ಓದಿ:
1) Xiaomi Foldable Smartphone: ಶಾಓಮಿಯ ಹೊಸ ಫ್ಲಿಪ್‌ ಸ್ಟೈಲ್ ಸ್ಮಾರ್ಟ್‌ಫೋನ್ ವಿನ್ಯಾಸ ಲೀಕ್!
2) Password Safety: ಇಂಟರ್ನೆಟ್ ಬ್ರೌಸರ್‌ಗಳಲ್ಲಿ ನಿಮ್ಮ ಪಾಸ್‌ವರ್ಡ್‌ ಸೇವ್‌ ಮಾಡುವುದು ಎಷ್ಟು ಸೇಫ್?
3) Moto Edge X30: ಮೊಟೊರೊಲಾ ಹೊಸ ಫ್ಲ್ಯಾಗ್‌ಶಿಪ್ ಸ್ಮಾರ್ಟ್‌ಫೋನ್ ಭಾರತದಲ್ಲಿ ಜನವರಿಯಲ್ಲಿ ಬಿಡುಗಡೆ?
