ಆ್ಯಪಲ್ನ ಮೊದಲ ಫೋಲ್ಡಬಲ್ ಐಫೋನ್ ಐಪ್ಯಾಡ್ ಲೆವೆಲ್ ಫೀಚರ್ಗಳಿರುವ ಸ್ಮಾರ್ಟ್ಫೋನ್ ಆಗಿರಲಿದೆ ಎಂದು ಪ್ರಮುಖ ಟಿಪ್ಸ್ಟರ್ 'ಡಿಜಿಟಲ್ ಚಾಟ್ ಸ್ಟೇಷನ್' ಹೇಳಿಕೊಂಡಿದ್ದಾರೆ.
ಕ್ಯಾಲಿಫೋರ್ನಿಯಾ (ಫೆ.22): ಆ್ಯಪಲ್ನ ಮೊಟ್ಟಮೊದಲ ಮಡಚಬಹುದಾದ ಐಫೋನ್ ಬಗ್ಗೆ ಸುದ್ದಿ ಕೇಳಿ ತುಂಬಾ ದಿನಗಳಾಯಿತು. ಆ್ಯಪಲ್ ಈ ಸ್ಮಾರ್ಟ್ಫೋನ್ ತಯಾರಿಕೆಯಲ್ಲಿ ತೊಡಗಿದೆ ಎಂದು ಈ ಹಿಂದೆ ಹಲವಾರು ವರದಿಗಳು ಬಂದಿದ್ದವು. ಈಗ ಈ ಮಡಚಬಹುದಾದ ಐಫೋನ್ನ ಡಿಸ್ಪ್ಲೇ ಮಾಹಿತಿಯನ್ನು ಒಬ್ಬ ಟಿಪ್ಸ್ಟರ್ ಲೀಕ್ ಮಾಡಿದ್ದಾರೆ. ಐಪ್ಯಾಡ್ ರೀತಿಯಲ್ಲಿರುವ ಮಡಚಬಹುದಾದ ಐಫೋನ್ ಬಗ್ಗೆ ಮಾಹಿತಿ ಲಭ್ಯವಾಗಿದೆ.
ಸ್ಮಾರ್ಟ್ಫೋನ್ ಮಾರುಕಟ್ಟೆಯಲ್ಲಿ ಪ್ರಮುಖ ಪ್ರತಿಸ್ಪರ್ಧಿಯಾದ ಸ್ಯಾಮ್ಸಂಗ್ ಸೇರಿದಂತೆ ಹಲವು ಕಂಪನಿಗಳು ಮಡಚಬಹುದಾದ ಫೋನ್ಗಳೊಂದಿಗೆ ಮಾರುಕಟ್ಟೆಯಲ್ಲಿ ಮಿಂಚುತ್ತಿದ್ದರೆ, ಆ್ಯಪಲ್ ಇನ್ನೂ ಮಡಚಬಹುದಾದ ಫೋನ್ ಬಿಡುಗಡೆ ಮಾಡಿಲ್ಲ. ಹಾಗಾಗಿ ಫೋಲ್ಡಬಲ್ ಐಫೋನ್ಗಾಗಿ ಆ್ಯಪಲ್ ಪ್ರೇಮಿಗಳು ಕಾಯಲು ಆರಂಭಿಸಿ ಬಹಳ ದಿನಗಳಾಗಿವೆ. ಆ್ಯಪಲ್ನ ಇತಿಹಾಸದಲ್ಲಿಯೇ ಮೊದಲ ಫೋಲ್ಡಬಲ್ ಡಿಸ್ಪ್ಲೇ ಮಾಹಿತಿಯನ್ನು ಚೀನೀ ಸೋಶಿಯಲ್ ಮೀಡಿಯಾ ಪ್ಲಾಟ್ಫಾರ್ಮ್ ವೈಬೊದಲ್ಲಿ ಪ್ರಮುಖ ಟಿಪ್ಸ್ಟರ್ 'ಡಿಜಿಟಲ್ ಚಾಟ್ ಸ್ಟೇಷನ್' ಹಂಚಿಕೊಂಡಿದ್ದಾರೆ. 5.49 ಇಂಚಿನ ಕವರ್ ಡಿಸ್ಪ್ಲೇ ಮತ್ತು 7.74 ಇಂಚಿನ ಇನ್ನರ್ ಸ್ಕ್ರೀನ್ ಈ ಫೋಲ್ಡಬಲ್ ಐಫೋನ್ಗೆ ಇರಲಿದೆ ಎಂದು ಡಿಜಿಟಲ್ ಚಾಟ್ ಸ್ಟೇಷನ್ ಹೇಳಿಕೊಂಡಿದೆ. ಇದು ಸ್ಮಾರ್ಟ್ಫೋನ್ ಮತ್ತು ಐಪ್ಯಾಡ್ ಎರಡರ ಫೀಚರ್ಗಳನ್ನು ಬಳಕೆದಾರರಿಗೆ ನೀಡಲಿದೆ ಎಂದು ವಿವರಿಸಲಾಗಿದೆ.
iPhone 16e ಅನಾವರಣ! ಫೀಚರ್ಸ್ನಿಂದ ಕೈಗೆಟಕುವ ಬೆಲೆವರೆಗೆ, Appleನ ಹೊಸ ಪ್ರಾಡಕ್ಟ್
ಡಿಜಿಟಲ್ ಚಾಟ್ ಸ್ಟೇಷನ್ ಹೇಳುವುದು ನಿಜವಾದರೆ, ಒಪ್ಪೋ ಫೈಂಡ್ ಎನ್ ಸೀರೀಸ್, ಸ್ಯಾಮ್ಸಂಗ್ ಗ್ಯಾಲಕ್ಸಿ ಎಕ್ಸ್ ಫೋಲ್ಡ್ನಂತಹ ಫೋಲ್ಡಬಲ್ ಲೈನ್ಅಪ್ಗಳೊಂದಿಗೆ ಆ್ಯಪಲ್ ಈ ವಿಭಾಗದಲ್ಲಿ ಸ್ಪರ್ಧಿಸಬೇಕಾಗುತ್ತದೆ. ಆದರೆ ಈ ಫೋಲ್ಡಬಲ್ ಐಫೋನ್ ಯಾವಾಗ ಬಿಡುಗಡೆಯಾಗುತ್ತದೆ ಎಂಬುದು ಸ್ಪಷ್ಟವಾಗಿಲ್ಲ. ಫೋಲ್ಡಬಲ್ ಐಫೋನ್ 2026 ಅಥವಾ 2027ರಲ್ಲಿ ಬಿಡುಗಡೆಯಾಗಬಹುದು ಎಂದು ಹೇಳಲಾಗುತ್ತಿದೆ. ಅದೇ ಸಮಯದಲ್ಲಿ, ಆ್ಯಪಲ್ 2028ರಲ್ಲಿ ಐಪ್ಯಾಡ್-ಮಾದರಿಯ ಫೋಲ್ಡಬಲ್ ಅನ್ನು ಬಿಡುಗಡೆ ಮಾಡಲಿದೆ ಎಂದು ಬ್ಲೂಮ್ಬರ್ಗ್ನ ಮಾರ್ಕ್ ಗುರ್ಮನ್ ಈ ಹಿಂದೆ ವರದಿ ಮಾಡಿದ್ದರು.
Apple iPhone SE4 Launch: ಲೈವ್ ಸ್ಟ್ರೀಮ್ ನೋಡೋದು ಎಲ್ಲಿ, ಹೊಸ ಫೋನ್ನ ಬೆಲೆ ಎಷ್ಟು?
