ಮಗುವಾಗಲ್ಲ ಅಂತ ಸಂಕಟಪಡೋ ಹೆಣ್ಮಕ್ಕಳಿಗೆ ಸಿಹಿಸುದ್ದಿ
ಫಲವತ್ತತೆ ಕಳೆದುಕೊಂಡ ಅಂಡಾಶಯದ ಜಾಗಕ್ಕೆ ಶಸ್ತ್ರಚಿಕಿತ್ಸೆ ಮೂಲಕ ಈ ತ್ರೀಡಿ ಪ್ರಿಂಟೆಡ್ ಅಂಡಾಶಯ ಸೇರಿಸಿ ಮಗು ಪಡೆಯುವ ಲೇಟೆಸ್ಟ್ ತಂತ್ರಜ್ಞಾನ ಇದು. ಮಗು ಪಡೆಯುವ ಆಶಯ ಹೊಂದಿರುವವರಿಗೆ, ಈ ತಂತ್ರಜ್ಞಾನದ ಮೂಲಕ ಗರ್ಭ ಕಟ್ಟುವಂತೆ ಮಾಡುವುದು ಸುಲಭವಾಗಲಿದೆ.
ಮಗುವಾಗಲ್ಲ ಅಂತ ಸಂಕಟಪಡೋ ಹೆಣ್ಮಕ್ಕಳಿಗೆ ಸಿಹಿಸುದ್ದಿ.
ಇನ್ನೊಂದು ಸ್ವಲ್ಪ ವರ್ಷದಲ್ಲೇ ತ್ರೀಡಿ ಪ್ರಿಂಟೆಡ್ ಅಂಡಾಶಯ ಬರಲಿದೆ. ಇದು ಅಂಡಾಕಾರದಲ್ಲಿದ್ದು, ಯಥಾವತ್ ಹೆಣ್ಣಿನ ಅಂಡಾಶಯವನ್ನೇ ಹೋಲುತ್ತದೆ. ಫಲವತ್ತತೆ ಕಳೆದುಕೊಂಡ ಅಂಡಾಶಯದ ಜಾಗಕ್ಕೆ ಶಸ್ತ್ರಚಿಕಿತ್ಸೆಯ ಮೂಲಕ ಈ ತ್ರೀಡಿ ಪ್ರಿಂಟೆಡ್ ಅಂಡಾಶಯ ಸೇರಿಸಿ ಮಗು ಪಡೆಯುವ ಲೇಟೆಸ್ಟ್ ತಂತ್ರಜ್ಞಾನ ಇದು.
ಇತ್ತೀಚೆಗೆ ಫಿನ್‌ಬರ್ಗ್ ಯುನಿವರ್ಸಿಟಿ ಇಂಟೆರೆಸ್ಟಿಂಗ್ ಪ್ರಯೋಗವೊಂದನ್ನು ಮಾಡಿತ್ತು. ಈ ಪ್ರಯೋಗ ನಡೆದದ್ದು ಇಲಿಯ ಮೇಲೆ. ಹೆಣ್ಣಿನಲ್ಲಿನ ಅಂಡಾಶಯವನ್ನು ತೆಗೆದು ಆ ಜಾಗಕ್ಕೆ ತ್ರೀಡಿ ಪ್ರಿಂಟೆಡ್ ಅಂಡಾಶಯ ಸೇರಿಸಿದರು. ಅದನ್ನು ಗಂಡಿಲಿಯೊಂದಿಗೆ ಬೆರೆಯಲು ಬಿಟ್ಟರು. ಹೆಣ್ಣಿಲಿ ಮೊದಲಿನಂತೇ ಸಂತಾನೋತ್ಪತ್ತಿ ಕ್ರಿಯೆಯಲ್ಲಿ ತೊಡಗಿದ್ದಲ್ಲದೇ ಆರೋಗ್ಯವಂತ ಮರಿಗಳಿಗೂ ಜನ್ಮನೀಡಿತು.
ಆ ಹಿನ್ನೆಲೆಯಲ್ಲಿ ತ್ರೀಡಿ ಪ್ರಿಂಟೆಡ್ ಅಂಡಾಶಯದ ಪ್ರಯೋಗದ ಮೊದಲ ಪರೀಕ್ಷಾ ಹಂತ ಯಶಸ್ವಿಯಾಗಿದೆ. ಆಧುನಿಕ ದಿನಗಳಲ್ಲಿ ಫಲಿತಗೊಳ್ಳದ ಅಂಡಾಶಯದ ತೊಂದರೆಯಿಂದ ಸಂತಾನಹೀನತೆ ಹೆಚ್ಚುತ್ತಿದೆ.
