ಬೆಡ್ ಕಾಫಿ ಆರೋಗ್ಯಕ್ಕೆ ಕುತ್ತು...ಬೇಕಾ ಈ ಆಪತ್ತು?

https://static.asianetnews.com/images/authors/56bf5dcb-7868-50e0-b2d0-38391a34809d.jpg
First Published 28, Dec 2018, 3:48 PM IST
Reason why bed coffee is bad for Health
Highlights

ಕಾಫೀ.....ಪತಿರಾಯ ಬೆಳಗಾದ ಕೂಡಲೇ ಕೂಗೋದು ಕಾಮನ್. ಶ್ರೀ ಸಾಮಾನ್ಯನ ಜೀವನದಲ್ಲಿ ಪತಿಗೆ ಮಾತ್ರ ಇರುತ್ತೆ ಈ ಅವಕಾಶ. ಆದರೆ, ಕ್ಷಣ ಮಾತ್ರ ಮಜಾ ಕೊಡೋ ಈ ಅಭ್ಯಾಸ ನಿಜಕ್ಕೂ ಒಳ್ಳೆಯದಾ?  

ಹಲವರಿಗೆ ದಿನದ ಆರಂಭವಾಗುವುದು ಹಾಸಿಗೆ ಮೇಲೆ ಕಾಫಿ - ಟೀ ಜೊತೆ ನ್ಯೂಸ್ ಪೇಪರ್ ಇದ್ದರೆ ಮಾತ್ರ. ಹಲವರ ಮನೆಯಲ್ಲಿ ಈ ಪದ್ಧತಿ ಇದೆ. ಬ್ರಷ್ ಮಾಡದೇ ಹಾಗೂ ಖಾಲಿ ಹೊಟ್ಟೆಯಲ್ಲಿ ಕಾಫಿ, ಟೀ ಸೇವನೆ ಆರೋಗ್ಯಕ್ಕೆ ಒಳ್ಳೆಯದಲ್ಲ ಎಂಬುವುದು ಗೊತ್ತಿದ್ದರೂ ಹಾಸಿಗೆಯಲ್ಲಿಯೇ ಕಾಫಿ, ಟೀ ಕುಡಿಯುವುದನ್ನು ರೂಢಿಸಿಕೊಂಡಿರುತ್ತಾರೆ. 

ಈ ಅಭ್ಯಾಸದಿಂದ ಅನಾರೋಗ್ಯ ಕಟ್ಟಿಟ್ಟ ಬುತ್ತಿ ಎಂಬುದನ್ನು ಹಲವು ಸಂಶೋಧನೆಗಳೂ ಸಾಬೀತು ಪಡಿಸಿವೆ.

  • ಖಾಲಿ ಹೊಟ್ಟೆಯಲ್ಲಿ ಟೀ ಸೇವಿಸಿದರೆ ದೈನಂದಿನ ಚಟುವಟಿಕೆ ಮೇಲೆ ಅಡ್ಡ ಪರಿಣಾಮ ಬೀರುತ್ತದೆ. ಇದರಿಂದ ದಿನವಿಡೀ ಆಯಾಸ ಹಾಗೂ ಹೊಟ್ಟೆ ಸಮಸ್ಯೆ ಕಾಡುತ್ತದೆ. 
  • 8 ಗಂಟೆ ವಿಶ್ರಾಂತಿ ನಂತರ ದೇಹಕ್ಕೆ ನೀರಿನ ಅಗತ್ಯವಿರುತ್ತದೆ. ನೀರಿನ ಬದಲು ಟೀ ಸೇವಿಸಿದರೆ ಅದು ದೇಹವನ್ನು ಮತ್ತಷ್ಟು ಡೀಹೈಡ್ರೇಟ್ ಮಾಡುತ್ತದೆ. ಇದು ಮಾಂಸ ಖಂಡದ ನೋವಿಗೂ ಕಾರಣವಾಗಬಲ್ಲದು. 
  • ಟೀನಲ್ಲಿ ಸಕ್ಕರೆ ಮತ್ತು ಆಸಿಡಿಕ್ ಅಂಶ ಹೆಚ್ಚಿರುತ್ತದೆ. ಅದರಿಂದ ಬೆಳಗ್ಗೆ ಸೇವಿಸಿದರೆ ಹಲ್ಲುಗಳು ಹಳದಿ ಅಥವಾ ಕಂದು ಬಣ್ಣಕ್ಕೆ ತಿರುಗುತ್ತದೆ. 
  • ಕಾಫಿಯಲ್ಲಿ ಕೆಫೀನ್ ಅಂಶ ಹೆಚ್ಚಿರುವುದರಿಂದ ತಲೆ ನೋವು, ತಲೆ ಸುತ್ತಿಗೂ ಕಾರಣವಾಗಬಲ್ಲದು. 

ಆರೋಗ್ಯ ತಜ್ಞರ ಪ್ರಕಾರ ಟೀ, ಹಾಲು ಅಥವಾ ಕಾಫಿ ಬದಲು ಜೀನು ನೀರು, ಮಜ್ಜಿಗೆ , ಜೀರಿಗೆ ನೀರು ಅಥವಾ ನಿಂಬೆ ಹಣ್ಣಿನ ನೀರು ಕುಡಿಯಬೇಕು. 

loader