ನೆಮ್ಮದಿಯ ನಿದ್ರೆಗೆ ಇಲ್ಲಿವೆ ಬೆಸ್ಟ್ 12 ಸೂತ್ರಗಳು
ಈಗೀಗ ಮಕ್ಕಳು, ದೊಡ್ಡವರಾದಿಯಾಗಿ ಎಲ್ಲರಿಗೂ ನಿದ್ರೆಯದ್ದೇ ಸಮಸ್ಯೆ. ಹಲವರು ನಿದ್ರೆ ಮಾತ್ರೆಗೆ ಅಡಿಕ್ಟ್ ಸಹ ಆಗುತ್ತಾರೆ. ಆದರೆ, ಕೆಲವು ಪದ್ಧತಿಯನ್ನು ಜೀವನದಲ್ಲಿ ಅಳವಡಿಸಿಕೊಂಡರೆ ನೆಮ್ಮದಿಯಾಗಿ ನಿದ್ರಿಸಬಹುದು. ಹೇಗೆ?
 )
Followಕೆಲವರಿಗೆ ಹಾಸಿಗೆ ಮೇಲೆ ತಲೆಯಿಟ್ಟರೆ ಸಾಕು, ಕೂಡಲೇ ನಿದ್ದೆ ಬರುತ್ತದೆ. ಇನ್ನು ಕೆಲವರಿಗೆ ಎಷ್ಟು ಸಲ ಮಗ್ಗುಲು ಬದಲಿಸಿದರೂ ನಿದ್ದೆ ಹತ್ತಿರವೂ ಸುಳಿಯೋಲ್ಲ. ಬದಲಾದ ಜೀವನ ಶೈಲಿಯೇ ಇದಕ್ಕೆ ಕಾರಣ. ಆದರೆ, ಈ ಜೀವನ ಕ್ರಮವನ್ನು ಬದಲಾಯಿಸಿಕೊಂಡರೆ ಕುಂಭಕರ್ಣನಂತೆ ನಿದ್ದೆ ಬರೋದು ಖಂಡಿತಾ. ಅದಕ್ಕೇನು ಮಾಡಬೇಕು?
- ಪ್ರತಿದಿನ ಒಂದೇ ಸಮಯಕ್ಕೆ ಸರಿಯಾಗಿ ಮಲಗಿ, ಏಳುವದುನ್ನು ರೂಢಿಸಿಕೊಳ್ಳಿ.
- ರಜೆ ಇದ್ದಾಗ ಲೇಟ್ ಮಲಗಿ, ಲೇಟ್ ಏಳಬೇಡಿ.
- ಸಾತ್ವಿಕ ಆಹಾರವನ್ನು ನಿಯಮಿತ ಅಂತರದಲ್ಲಿ ಸೇವಿಸುವುದರಿಂದ ಜೀರ್ಣಕ್ರಿಯೆ ಉತ್ತಮಗೊಳ್ಳುತ್ತದೆ. ಆಗ ನಿದ್ರೆಯೂ ಬರುತ್ತದೆ.
- ಮನಸಿಗೆ ಮುದ ನೀಡುವಂಥ ಹದವಾದ ಪರಿಮಳ ಸೂಸುವ ಸುಗಂಧ ದ್ರವ್ಯ ಅಥವಾ ಎಸೆನ್ಷಿಯಲ್ ಆಯಿಲ್ ಹಚ್ಚಿಕೊಳ್ಳಿ.
- ರಾತ್ರಿ ಟೀವಿ, ಮೊಬೈಲ್ ಫೋನ್, ಲ್ಯಾಪ್ ಟಾಪ್ ಮೊದಲಾದ ಇಲೆಕ್ಟ್ರಾನಿಕ್ ವಸ್ತುಗಳಿಂದ ದೂರವಿರಿ.
- ಬೆಳಗ್ಗಿನ ಸಮಯದಲ್ಲಿ ಸೂರ್ಯನಿಗೆ ಹೆಚ್ಚಾಗಿ ಮೈಯೊಡ್ಡಿ. ಇದರಿಂದ ಆಯಾಸವಾಗಿ ಬೇಗ ನಿದ್ರೆ ಬರುತ್ತದೆ.
- ರಾತ್ರಿ ಹೊತ್ತು ಆಫೀಸ್ ಕೆಲಸ ಮಾಡಬೇಡಿ. ಇದರಿಂದ ಟೆನ್ಷನ್ ಹೆಚ್ಚಾಗಿ ನಿದ್ದೆ ಬಾರದಿರಬಹುದು.
- ಸಂಜೆ ಯೋಗ, ವಾಕಿಂಗ್, ವ್ಯಾಯಾಮದಿಂಥ ಅಭ್ಯಾಸಗಳನ್ನು ರೂಢಿಸಿಕೊಳ್ಳಿ.
- ರಾತ್ರಿ ಊಟವಾದ ಮೇಲೆ ಸ್ವಲ್ಪ ವಾಕ್ ಮಾಡುವುದೂ ನಿದ್ರೆಗೆ ಬೆಸ್ಟ್ ಮದ್ದು.
- ಮಲಗುವ ಜಾಗ ಕತ್ತಲಿರಲಿ.
- ಕೆಫೆನ್ ಯುಕ್ತ ಆಹಾರ, ಪಾನೀಯ ಸೇವಿಸಬೇಡಿ. ರಾತ್ರಿ ಹೆಚ್ಚು ಊಟ ಮಾಡಬೇಡಿ, ಡ್ರಿಂಕ್ಸ್ ಅಂತೂ ಬೇಡವೇ ಬೇಡ, ಸಕ್ಕರೆ ಅಂಶವಿರುವಂತಹ ಆಹಾರದಿಂದ ದೂರವಿರಿ.
- ಮಲಗುವ ಬೆಡ್ ಹಾಗೂ ದಿಂಬು ಆರಾಮದಾಯಕವಾಗಿರುವಂತೆ ನೋಡಿಕೊಳ್ಳಿ. ಸ್ವಲ್ಪ ಅಡೆ ತಡೆ ಇದ್ದರೂ ನಿದ್ರೆಗೆ ಕುತ್ತು ಗ್ಯಾರಂಟಿ.
- ರಾತ್ರಿ ಮಲಗುವ ಮುನ್ನ ಬಿಸಿ ಬಿಸಿ ಹಾಲು ಕುಡಿಯುವುದೂ ಒಳ್ಳೆಯ ಅಭ್ಯಾಸ.
ಸೆಕ್ಸ್ ಆದ್ಮೇಲ್ ನಿದ್ರೆ:ಸತ್ಯ ಮಿಥ್ಯಗಳನೇನು?
