ಶಿವಮೊಗ್ಗ(ಆ.22): ಸೊರಬ ತಾಲೂಕಿನ ಜೋಗಳ್ಳಿ, ಎಲಿವಾಳ, ಬೆಣ್ಣಿಗೆರೆ ಮಾರ್ಗದ ಮೂಲಕ ಚಿಕ್ಕೇರಿಗೆ ತೆರಳುವ ಬಸ್‌ಗಳು ರಸ್ತೆ ಸರಿ ಇಲ್ಲ ಎಂಬ ಕಾರಣಕ್ಕೆ ಸಂಚರಿಸುತ್ತಿಲ್ಲ. ಸತತ 10 ವರ್ಷಗಳಿಂದಲೂ ದುರಸ್ಥಿ ಕಾಣದ ಈ ರಸ್ತೆ ಬರೀ ಗುಂಡಿಗಳಿಂದ ತುಂಬಿಕೊಂಡಿದೆ.

ದ್ವಿಚಕ್ರ ವಾಹನ ಸವಾರರು ವಾಹನ ನಡೆಸಲು ಹರಸಾಹಸ ಪಡಬೇಕಿದೆ. ಈ ಮಾರ್ಗದಲ್ಲಿ ಬಸ್‌ ಚಲಾಯಿಸುವುದು ಸಾದ್ಯವೇ ಇಲ್ಲ ಎಂದು ಬಸ್‌ ಚಾಲಕ, ನಿರ್ವಾಹಕರು ಕೈಚೆಲ್ಲಿದ್ದಾರೆ. ಪ್ರಸ್ತುತ ಬಸ್‌ ಸಂಪರ್ಕವಿಲ್ಲದೆ ನೂರಾರು ಮಕ್ಕಳ ವಿದ್ಯಾಭ್ಯಾಸಕ್ಕೆ ಅಡಚಣೆಯಾಗಿದೆ.

ಶಿವಮೊಗ್ಗ: ನೆರೆ ಪರಿಹಾರ, ಪುನರ್ವಸತಿ ಕಾರ್ಯ ಚುರುಕು​

ರೈತಾಪಿ ವರ್ಗದವರು ಇಲ್ಲಿ ಹೆಚ್ಚಾಗಿದ್ದು, ಅವರುಗಳಿಗೆ ದಿನನಿತ್ಯದ ಅಗತ್ಯ ಸಾಮಾನು ಸರಂಜಾಮು ತರಲು ಹಾಗೂ ಕೃಷಿ ವ್ಯವಹಾರಗಳಿಗೆ ತೀವ್ರ ತೊಂದರೆಯಾಗಿದೆ. ಕ್ಷೇತ್ರದ ಶಾಸಕ ಕುಮಾರ ಬಂಗಾರಪ್ಪ ಒಮ್ಮೆ ಈ ಮಾರ್ಗದಲ್ಲಿ ಬಂದು ಹೋಗಲಿ. ಇಲ್ಲಿನ ಸ್ಥಿತಿ ಗಮನಿಸಲಿ ಎಂದು ಗ್ರಾಮಸ್ಥರು ವಿನಂತಿಸಿದ್ದಾರೆ.

shivamogga bad road in soraba puts villagers into hardship