ರಾಯಚೂರು, (ಸೆ.05):  ಚಿನ್ನದನಾಡು ಲಿಂಗಸುಗೂರಿನಲ್ಲಿ ವಿಘ್ನನಿವಾರಕ ಹಿಂದು-ಮುಸ್ಲಿಮರ ಸಾಮರಸ್ಯ ಮೂಡಿಸಿದ್ದಾನೆ. ಇತ್ತೀಚೆಗೆ ನಡೆದ ಹಿಂದು-ಮುಸ್ಲಿಂ ಕಹಿ ಘಟನೆ ಮರೆತು ರಾಮ-ರಹೀಮರ ಸಂಘ ಕಟ್ಟಿಕೊಂಡು ಗಣೇಶನನ್ನ ಪ್ರತಿಷ್ಠಾಪಿಸಿ ಭಾವೈಕ್ಯತೆ ಮೆರೆದಿದ್ದಾರೆ.

ಬೆಳಗಾವಿ : ದೇವಾಲಯ ಶುಚಿಗೊಳಿಸಿದ ಮುಸ್ಲಿಂ ಸಮುದಾಯ - ನೆರೆ ಸಂತ್ರಸ್ತರಿಗೆ ನೆರವು

ಲಿಂಗಸೂರಿನ ಇಂದಿರಾ ಪಾರ್ಕ್ ನಲ್ಲಿ ರಾಮ-ರಹೀಮ ಯುವಕ ಮಂಡಳಿ ಗೆಳೆಯರು ಗಣೇಶ ಮೂರ್ತಿಯನ್ನು ಪ್ರತಿಷ್ಠಾಪನೆ ಮಾಡಿದ್ದು, ಎಲ್ಲರ ಮೆಚ್ಚುಗೆಗೆ ಕಾರಣವಾಗಿದೆ

ಯಾಕಂದ್ರೆ ಮೊನ್ನೆ ಅಷ್ಟೇ ತಾಲೂಕಿನಲ್ಲಿ ಹಿಂದು-ಮುಸ್ಲಿಂ ಯುವಕರ ನಡುವೆ ನಡೆದಿದ್ದ ಗಲಾಟೆ  ಸಾಮಾಜಿಕ ಜಾಲತಾಣದಲ್ಲಿ ಫುಲ್ ವೈರಲ್ ಆಗಿತ್ತು. ಇದನ್ನು ಮುಂದುವರಿಸುವುದು ಬೇಡ ಎನ್ನುವ ದೃಷ್ಟಿಯಿಂದ ಹಿಂದು-ಮುಸ್ಲಿಂ ಯುವಕರು ಸೇರಿಕೊಂಡು ರಾಮ್ ರಹೀಮ್ ಹೆಸರಿನಲ್ಲಿ ಸಂಘ ಕಟ್ಟಿಕೊಂಡು ವಿಜೃಂಭಣೆಯಿಂದ ಗಣೇಶ ಉತ್ಸವ ಆಚರಿಸಿದ್ದಾರೆ.

ಈ ಮೂಲಕ ಎಲ್ಲರೂ ಒಂದೇ ಎನ್ನುವುದನ್ನು ಸಾರಿದ್ದಾರೆ.  ಇನ್ನು ರಾಮ್-ರಹೀಮ್ ಗೆಳೆಯರ ಪ್ರತಿಷ್ಠಾಪಿಸಿದ ಗಣೇಶ ಮೂರ್ತಿ ಸ್ಥಳಕ್ಕೆ ಸಿಪಿಐ ಯಶವಂತ ಬಿಸ್ನಳ್ಳಿ ಭೇಟಿ ನೀಡಿ, ಯುವಕರ ಕಾರ್ಯವನ್ನು ಶ್ಲಾಘಿಸಿದ್ದಾರೆ.

ಒಟ್ಟಿನಲ್ಲಿ  ಹಿಂದು-ಮುಸ್ಲಿಂ ಯುವಕರಲ್ಲಿ ವಿಘ್ನನಿವಾರಕ ಸಾಮರಸ್ಯ, ಸೌಹಾರ್ದತೆ ಮೂಡಿಸಿದ್ದಾನೆ.