ತವರಿನ ಕನವರಿಕೆ : ಗರ್ಭಿಣಿ ಆತ್ಮಹತ್ಯೆಗೆ ಶರಣು
- ತವರಿನ ಕನವರಿಕೆ - ಗರ್ಭಿಣಿ ಆತ್ಮಹತ್ಯೆಗೆ ಶರಣು
- ಶಿವಮೊಗ್ಗ ಜಿಲ್ಲೆ ಹೊಳಲೂರು ಗ್ರಾಮದಲ್ಲಿ ಘಟನೆ
- ಲಾಕ್‌ಡೌನ್‌ ಹಿನ್ನೆಲೆ ದೂರದ ಬೆಳಗಾವಿಗೆ ತೆರಳಲಾಗದೆ ನೊಂದು ಆತ್ಮಹತ್ಯೆ
Followಶಿವಮೊಗ್ಗ (ಜೂ.12): ಲಾಕ್‌ಡೌನ್‌ನಿಂದಾಗಿ ತವರು ಮನೆಗೆ ಹೋಗಲು ಸಾಧ್ಯವಾಗದೆ ಮನನೊಂದ ಗೃಹಿಣಿಯೊಬ್ಬರು ಮನೆಯಲ್ಲಿಯೇ ನೇಣುಬಿಗಿದುಕೊಂಡು ಆತ್ಮಹತ್ಯೆಗೆ ಶರಣಾಗಿದ್ದಾಳೆ.
ಶಿವಮೊಗ್ಗ ತಾಲೂಕಿನ ಹೊಳಲೂರು ಗ್ರಾಮದಲ್ಲಿ ಶುಕ್ರವಾರ ಈ ದುರ್ಘಟನೆ ನಡೆದಿದೆ.
ಭೀಮವ್ವ (22) ಮೃತ ಮಹಿಳೆ. ಬೆಳಗಾವಿ ಜಿಲ್ಲೆ ಗೋಕಾಕ್ ತಾಲೂಕಿನ ಭೀಮವ್ವ ಮತ್ತು ಗೋಕಾಕ್‌ನಲ್ಲಿ ಕೆಲಸ ಮಾಡುತ್ತಿದ್ದ ಹೊಳಲೂರಿನ ಪವನ ಪರಸ್ಪರ ಪ್ರೀತಿಸಿ 10 ತಿಂಗಳ ಹಿಂದೆ ಮದುವೆಯಾಗಿದ್ದರು.
ಹಾಸನ: ಕೊರೋನಾ ಬಂದಿದ್ದಕ್ಕೆ ನದಿಗೆ ಹಾರಿ ಆತ್ಮಹತ್ಯೆ ..
ಮದುವೆಯಾಗಿ ಇಲ್ಲಿಗೆ ಬಂದ ಬಳಿಕ ತವರಿಗೆ ಹೋಗಲಾಗಿರಲಿಲ್ಲ. ಭೀಮವ್ವ 4 ತಿಂಗಳ ಗರ್ಭಿಣಿಯಾಗಿದ್ದರು. ತವರಿಗೆ ಹೋಗಬೇಕೆಂದು ಆಕೆ ಪದೇ ಪದೇ ಕನವರಿಸುತ್ತಿದ್ದಳು.
ಆದರೆ ಲಾಕ್‌ಡೌನ್‌ ಕಾರಣದಿಂದಾಗಿ ಬಸ್ ಸಂಚಾರ ಇಲ್ಲದೆ ಸಾಧ್ಯವಾಗಿರಲಿಲ್ಲ. ಭೀಮವ್ವ ಹಠ ಹಿಡಿದಿದ್ದರಿಂದ ಪವನ್ ಮನ ಒಲಿಸಿದರೂ ಕೇಳದೆ ಬಸ್ ಇದ್ದದಿದ್ದರೆ ಬೈಕ್‌ನಲ್ಲಿಯೇ ಕರೆದೊಯ್ಯುವಂತೆ ಒತ್ತಾಯಿಸಿದ್ದರು.
ಈ ವಿಷಯವಾಗಿ ಚಿಕ್ಕದಾಗಿ ಇಬ್ಬರ ನಡುವೆ ಜಗಳವಾಗಿದೆ ಎನ್ನಲಾಗಿದೆ. ಆದರೆ ಶುಕ್ರವಾರ ಭೀಮವ್ವ ಮನೆಯಲ್ಲಿಯೇ ನೇಣುಬಿಗಿದುಕೊಂಡು ಆತ್ಮಹತ್ಯೆಗೆ ಶರಣಾಗಿದ್ದಾಳೆ. ಗ್ರಾಮಾಂತರ ಪೊಲೀಸರು ಸ್ಥಳಕ್ಕೆ ಭೇಟಿ ನೀಡಿ ಪ್ರಕರಣ ದಾಖಲಿಸಿದ್ದಾರೆ.
