ಅನಿ​ತಾ ಕುಮಾರಸ್ವಾಮಿ ದೌರ್ಬ​ಲ್ಯ ಲಾಭ ಪಡೆದ ನಾಯ​ಕರು : ಉತ್ಸಾ​ಹ​ದಲ್ಲಿ ಕಮಲ ಪಾಳ​ಯ

ವರದಿ : ಎಂ.ಅ​ಫ್ರೋಜ್‌ ಖಾನ್‌

ರಾಮ​ನ​ಗರ (ಏ.06):  ನಗ​ರ​ಸಭೆ ಚುನಾ​ವಣೆ ಮೂಲಕ ರಾಮ​ನ​ಗರ ವಿಧಾ​ನ​ಸಭಾ ಕ್ಷೇತ್ರ​ದಲ್ಲಿ ಅಸ್ಥಿ​ರ​ಗೊ​ಳ್ಳು​ತ್ತಿ​ರುವ ಜೆಡಿ​ಎಸ್‌ ಪಕ್ಷಕ್ಕೆ ಶಕ್ತಿ ತುಂಬುವ ಪ್ರಯತ್ನ ನಡೆ​ಯು​ತ್ತಿ​ದ್ದರೆ, ಕಾಂಗ್ರೆಸ್‌ ಪಕ್ಷ​ ತನ್ನ ಶಕ್ತಿ​ಯನ್ನು ಮತ್ತ​ಷ್ಟುವೃದ್ಧಿ​ಸಿ​ಕೊ​ಳ್ಳಲು ಹಾತೋ​ರೆ​ಯು​ತ್ತಿದೆ. ಇನ್ನು ಬಿಜೆಪಿ ಖಾತೆ ತೆರೆ​ಯುವ ಉತ್ಸಾ​ಹ​ದ​ಲ್ಲಿದೆ.

ಮುಂಬ​ರುವ ಚುನಾ​ವಣೆ ದೃಷ್ಟಿ​ಯಿಂದ ಪಕ್ಷ ಸಂಘ​ಟನೆಗೆ ರಾಮ​ನ​ಗರ ನಗ​ರ​ಸಭೆ ಚುನಾ​ವಣೆ ಕಾಂಗ್ರೆಸ್‌, ಬಿಜೆಪಿ ಹಾಗೂ ಜೆಡಿ​ಎಸ್‌ ಪಕ್ಷ​ಗ​ಳಿಗೆ ಪ್ರತಿ​ಷ್ಠೆ​ ಕಣ​ವಾ​ಗಿದೆ. ಹೀಗಾ​ಗಿ ಚುನಾ​ವಣೆ ಘೋಷ​ಣೆ​ಯಾ​ಗು​ತ್ತಿ​ದ್ದಂತೆಯೇ ರಾಜ​ಕೀಯ ನಾಯ​ಕರು ನಗರ ಸಂಚಾರ ಆರಂಭಿ​ಸಿದ್ದಾರೆ.

ನಗ​ರ​ಸಭೆ ಚುನಾ​ವಣೆ​ಯನ್ನು ಕಾಂಗ್ರೆಸ್‌ ಮತ್ತು ಬಿಜೆಪಿಗಿಂತ ಜೆಡಿ​ಎಸ್‌ ಪಕ್ಷವೇ ಹೆಚ್ಚು ಪ್ರತಿ​ಷ್ಠೆಯಾಗಿ ತೆಗೆ​ದು​ಕೊಂಡಿದೆ. ರಾಮ​ನ​ಗರ ಕ್ಷೇತ್ರ​ದಲ್ಲಿ ಜೆಡಿ​ಎಸ್‌ನ ಶಕ್ತಿ ದಿನೇ ದಿನೆ ಕುಂದು​ತ್ತಿರುವುದು ಇದಕ್ಕೆ ಪ್ರಮು​ಖ ಕಾರಣ. ಹೀಗಾ​ಗಿಯೇ ಮಾಜಿ ಸಿಎಂ ಕುಮಾ​ರ​ಸ್ವಾಮಿ ಚುನಾ​ವಣೆ ಜವಾ​ಬ್ದಾರಿ ವಹಿ​ಸಿ​ಕೊ​ಳ್ಳಲು ಮುಂದಾ​ಗಿ​ದ್ದಾ​ರೆ.

ರಾಮನಗರದಲ್ಲಿ ಜೆಡಿಎಸ್‌ ಸೋಲಿಸಲು ಪ್ಲಾನ್: ಆತಂಕ ವ್ಯಕ್ತಪಡಿಸಿದ ಎಚ್‌ಡಿಕೆ .

ಶಾಸ​ಕಿ ಅನಿ​ತಾ​ ದೌರ್ಬ​ಲ್ಯ:  ರಾಮ​ನ​ಗರ ಕ್ಷೇತ್ರ​ದಿಂದ ಅನಿತಾ ಕುಮಾ​ರ​ಸ್ವಾಮಿ ಶಾಸ​ಕ​ರಾಗಿ ಆಯ್ಕೆಯಾಗಿ ಎರ​ಡೂ​ವರೆ ವರ್ಷ​ಗಳು ಕಳೆ​ದಿವೆ. ಈ ಅವ​ಧಿ​ಯಲ್ಲಿ ನಡೆದ ಯಾವುದೇ ಚುನಾ​ವ​ಣೆ​ಗ​ಳಲ್ಲಿ ಜೆಡಿ​ಎಸ್‌ ಪಕ್ಷ ಶಾಸ​ಕರ ನೇತೃ​ತ್ವ​ದಲ್ಲಿ ಹೇಳಿ​ಕೊ​ಳ್ಳು​ವಂತಹ ಸಾಧನೆ ತೋರಿ​ಲ್ಲ.

ರಾಮ​ನ​ಗರ ತಾಲೂಕು ಪಂಚಾ​ಯಿತಿ ಅಧ್ಯಕ್ಷ-ಉಪಾ​ಧ್ಯ​ಕ್ಷರ ಸ್ಥಾನ, ರಾಮ​ನ​ಗರ ಕೃಷಿ ಉತ್ಪನ್ನ ಮಾರು​ಕಟ್ಟೆಸಮಿತಿ ಅಧ್ಯ​ಕ್ಷರ ಚುನಾ​ವ​ಣೆ​ಯಲ್ಲಿ ಅಧಿ​ಕಾರ ಹಿಡಿ​ಯಲು ಜೆಡಿ​ಎಸ್‌ ಸ್ಪಷ್ಟಬಹು​ಮತ ಹೊಂದಿತ್ತು. ಆದ​ರೂ ಕಾಂಗ್ರೆಸ್‌ ನಾಯ​ಕರ ತಂತ್ರ​ಗಾ​ರಿ​ಕೆ​ಯಿಂದಾಗಿ ಅಧಿ​ಕಾರ ಕೈ ಪಾಲಾ​ಯಿ​ತು.

ಅಲ್ಲದೆ, ಇತ್ತೀ​ಚೆಗೆ ನಡೆದ ಗ್ರಾಪಂ ಚುನಾ​ವ​ಣೆಯಲ್ಲಿಯೂ ಜೆಡಿ​ಎಸ್‌ ಕಳಪೆ ಸಾಧನೆ ಮಾಡಿದೆ. ರಾಮ​ನ​ಗರ ಕ್ಷೇತ್ರ ವ್ಯಾಪ್ತಿ​ಯಲ್ಲಿ ಬರುವ 16 ಗ್ರಾಪಂಗಳ ಪೈಕಿ ಕಾಂಗ್ರೆಸ್‌- 10, ಜೆಡಿ​ಎಸ್‌- 3, ಬಿಜೆಪಿ ಮತ್ತು ಜೆಡಿ​ಎಸ್‌- 1, ಬಿಜೆಪಿ ಮತ್ತು ಕಾಂಗ್ರೆಸ್‌- 1 ಗ್ರಾಪಂ ಅಧಿ​ಕಾರ ಹಿಡಿ​ದಿದೆ.

ಸಾಲು ಸಾಲು ಚುನಾ​ವ​ಣೆ​ಗ​ಳಲ್ಲಿ ಜೆಡಿ​ಎಸ್‌ ಸೋಲಿಗೆ ಕ್ಷೇತ್ರ​ದಲ್ಲಿ ಪಕ್ಷ ಸಂಘ​ಟ​ನೆಗೆ ಒತ್ತು ನೀಡದ ಶಾ​ಸಕಿ ಅನಿ​ತಾ​ ಅ​ವರ ದೌರ್ಬ​ಲ್ಯದ ಲಾಭ​ವನ್ನು ಕಾಂಗ್ರೆಸ್‌ ನಾಯ​ಕರು ಪಡೆ​ಯು​ತ್ತಿ​ದ್ದಾರೆ ಎಂದು ದಳ​ಪ​ತಿ​ಗಳೇ ಬಹಿ​ರಂಗ​ವಾ​ಗಿಯೇ ಅಸ​ಮಾ​ಧಾನ ವ್ಯಕ್ತ​ಪ​ಡಿ​ಸಿ​ದ್ದ​ರು.

ರಾಜ​ಕೀ​ಯ​ವಾಗಿ ಮೇಲ್ನೋ​ಟಕ್ಕೆ ರಾಮನ​ಗರ ಕ್ಷೇತ್ರ ಜೆಡಿ​ಎಸ್‌ನ ಭದ್ರ​ಕೋ​ಟೆ​ಯಂತೆ ಕಾಣು​ತ್ತಿದೆ. ಆದರೆ, ಸಾಂಪ್ರ​ದಾ​ಯಿಕ ಎದು​ರಾಳಿ ಪಕ್ಷ​ವಾದ ಕಾಂಗ್ರೆಸ್‌ ನಾಯ​ಕರು ಜೆಡಿ​ಎಸ್‌ನ ಭದ್ರ ಕೋಟೆ​ಯನ್ನೇ ಅಲು​ಗಾ​ಡಿ​ಸುವ ಕೆಲ​ಸಕ್ಕೆ ಕೈ ಹಾಕಿದ್ದಾರೆ.

ಕಮ​ಲಕ್ಕೆ ಖಾತೆ ತೆರೆಯುವ ಉತ್ಸಾ​ಹ:  ಇನ್ನು ಆಡ​ಳಿ​ತ​ರೂಢ ಬಿಜೆಪಿ ನಗ​ರ​ಸ​ಭೆ​ಯಲ್ಲಿ ಖಾತೆ ತೆರೆ​ಯುವ ಉತ್ಸಾ​ದ​ಲ್ಲಿದೆ. ಈಗಾ​ಗಲೇ ಪಕ್ಷದ ನಾಯ​ಕರು ಅಭ್ಯ​ರ್ಥಿ​ಗಳ ಆಯ್ಕೆ ಕುರಿ​ತಂತೆ ಸಭೆ ನಡೆ​ಸಿ ಅಭಿ​ಪ್ರಾಯ ಸಂಗ್ರ​ಹಿ​ಸಿ ತೆರ​ಳಿ​ದ್ದಾರೆ. ಕೇರಳ ರಾಜ್ಯ​ದ ವಿಧಾ​ನ​ಸಭಾ ಚುನಾ​ವ​ಣೆಯ ಪ್ರಚಾ​ರ​ದಲ್ಲಿ ತೊಡ​ಗಿ​ರುವ ಕಾರಣ ಜಿಲ್ಲಾ ಉಸ್ತು​ವಾ​ರಿ​ ಸಚಿವ ಅಶ್ವತ್ಥ ನಾರಾ​ಯಣ ರಾಮ​ನ​ಗ​ರಕ್ಕೆ ಭೇಟಿ ನೀಡಿಲ್ಲ. ಅಶ್ವತ್ಥ ನಾರಾ​ಯಣ ಅವ​ರೊಂದಿಗೆ ಪ್ರವಾ​ಸೋದ್ಯಮ ಸಚಿವ ಸಿ.ಪಿ.​ಯೋ​ಗೇ​ಶ್ವರ್‌, ಬಿಜೆಪಿ ರಾಜ್ಯ ಪ್ರಧಾನ ಕಾರ್ಯ​ದರ್ಶಿ ಅಶ್ವತ್ಥ ನಾರಾ​ಯ​ಣ​ಗೌ​ಡ, ಕೆಆರ್‌ಐಡಿ​ಎಲ್‌ ಅಧ್ಯಕ್ಷ ಎಂ.ರು​ದ್ರೇಶ್‌ ಅಭ್ಯ​ರ್ಥಿ​ಗಳ ಪಟ್ಟಿಅಂತಿ​ಮ​ಗೊ​ಳಿ​ಸುವ ಸಾಧ್ಯ​ತೆ​ಯಿ​ದೆ.

ಡಿಕೆ ಬ್ರದರ್ಸ್‌ ಬಂದರೆ ಹೆಚ್ಚ​ಲಿ​ದೆ ರಣೋ​ತ್ಸವ :  ಈಗ ನಗ​ರ​ಸಭೆ ಚುನಾ​ವ​ಣೆ​ ಮೂಲಕ ಪಕ್ಷ​ವನ್ನು ಮತ್ತಷ್ಟುಬಲಿ​ಷ್ಠ​ವಾಗಿ ಸಂಘ​ಟಿ​ಸಲು ಕಾಂಗ್ರೆಸ್‌ ನಾಯ​ಕರು ಮುಂದಾ​ಗಿ​ದ್ದಾರೆ. ಇದ​ಕ್ಕಾಗಿ ಗೆಲ್ಲುವ ಅಭ್ಯ​ರ್ಥಿ​ಗ​ಳನ್ನು ಅಳೆದು ತೂಗಿ ಚುನಾ​ವಣೆ ಕಣಕ್ಕಿಳಿಸಿ ಗೆಲ್ಲಿ​ಸಿ​ಕೊ​ಳ್ಳಲು ರಣ​ತಂತ್ರ ರೂಪಿ​ಸು​ತ್ತಿ​ದ್ದಾ​ರೆ. ಕ್ಷೇತ್ರ​ದಲ್ಲಿ ಜೆಡಿ​ಎಸ್‌ ಅಸ್ಥಿ​ರ​ಗೊ​ಳ್ಳು​ತ್ತಿ​ರು​ವು​ದನ್ನು ಗಂಭೀ​ರ​ವಾಗಿ ಪರಿ​ಗ​ಣಿ​ಸಿ​ರುವ ಮಾಜಿ ಸಿಎಂ ಕುಮಾ​ರ​ಸ್ವಾಮಿ ‘ಕ್ಷೇತ್ರದ ಮೇಲೆ ಕಾಂಗ್ರೆಸ್‌ ನಾಯ​ಕರ ವಕ್ರ ದೃಷ್ಟಿಬೀರಿದೆ‘ ಎಂದು ನೇರ​ವಾ​ಗಿಯೇ ವಾಗ್ದಾಳಿ ಮಾಡಲು ಆರಂಭಿ​ಸಿ​ದ್ದಾರೆ.

ಅಲ್ಲದೆ, ನಗ​ರ​ಸಭೆ ಚುನಾ​ವ​ಣೆ​ಯಲ್ಲಿ ಅಭ್ಯ​ರ್ಥಿ​ಗಳ ಆಯ್ಕೆ, ಚುನಾ​ವಣಾ ಪ್ರಚಾರ ಹಾಗೂ ಗೆಲು​ವಿ​ಗಾಗಿ ಬೇಕಾದ ತಂತ್ರ​ಗ​ಳನ್ನು ರೂಪಿ​ಸುವ ಪೂರ್ಣ ಜವಾ​ಬ್ದಾ​ರಿಯನ್ನು ತಾವೇ ವಹಿ​ಸಿ​ಕೊ​ಳ್ಳು​ವು​ದಾಗಿ ಕುಮಾ​ರ​ಸ್ವಾಮಿ ಘೋಷಿ​ಸಿ​ದ್ದಾರೆ. ಇದು ಜೆಡಿ​ಎಸ್‌ ಕಾರ್ಯ​ಕ​ರ್ತ​ರಲ್ಲಿನ ಹುಮ್ಮಸ್ಸು ಹೆಚ್ಚಾ​ಗು​ವಂತೆ ಮಾಡಿದೆ.

ಈಗ ಕಾಂಗ್ರೆಸ್‌ನಲ್ಲಿ ಜಿಲ್ಲಾ ನಾಯ​ಕರು ಗೆಲ್ಲುವ ಅಭ್ಯ​ರ್ಥಿ​ಗ​ಳನ್ನು ಗುರು​ತಿ​ಸುವ ಕೆಲ​ಸ​ದಲ್ಲಿ ತೊಡ​ಗಿ​ದ್ದು, ಡಿಕೆ ಸಹೋ​ದ​ರರು ಅಭ್ಯ​ರ್ಥಿ​ಗಳ ಪಟ್ಟಿಅಂತಿ​ಮ​ಗೊ​ಳಿ​ಸು​ತ್ತಾ​ರೆ. ಕೆಪಿ​ಸಿಸಿ ಅಧ್ಯಕ್ಷ ಡಿ.ಕೆ.​ಶಿ​ವ​ಕು​ಮಾರ್‌ ಹಾಗೂ ಸಂಸದ ಡಿ.ಕೆ.​ಸು​ರೇಶ್‌ ಚುನಾ​ವಣೆಯ ಅಖಾ​ಡ​ಕ್ಕಿ​ಳಿದ ಮೇಲೆ ಕಾರ್ಯ​ಕ​ರ್ತ​ರ​ಲ್ಲಿ ರಣೋ​ತ್ಸವ ಮತ್ತಷ್ಟುಹೆಚ್ಚಾ​ಗು​ವು​ದ​ರಲ್ಲಿ ಅನು​ಮಾ​ನ​ವಿ​ಲ್ಲ.

• Election
• Politics
• Ramanagara
• Town Muncipolity Election
• ಚುನಾವಣೆ
• ರಾಮನಗರ
• ರಾಜಕೀಯ