ಆಕ್ಸಿಜನ್ ಅಳವಡಿಸಿದ ಮಗುವನ್ನು ತಂದೆ ಹೊತ್ತುಕೊಂಡು ಹೋಗುತ್ತಿರುವುದನ್ನು ವಿಡಿಯೋ ಮಾಡಿ ಸಾಮಾಜಿಕ ಜಾಲತಾಣಕ್ಕೆ ಹರಿಬಿಟ್ಟ ಸಾರ್ವಜನಿಕರು| ಕಿಮ್ಸ್ ಆಸ್ಪತ್ರೆಗೆ ಸಾರ್ವಜನಿಕರಿಂದ ತೀವ್ರ ಅಸಮಾಧಾನ| ಆಕ್ಸಿಜನ್ ಅಳವಡಿಸಿದ ಮಗುವನ್ನು ಸ್ಟ್ರೆಚರ್ ಸೌಲಭ್ಯ ಇಲ್ಲದ ಕಾರಣ ತಂದೆಯೇ ಹೊತ್ತುಕೊಂಡು ಮಕ್ಕಳ ವಾರ್ಡ್ಗೆ ಕರೆದುಕೊಂಡು ಹೋದ ತಂದೆ|
ಹುಬ್ಬಳ್ಳಿ(ಮೇ.30): ಇಲ್ಲಿನ ಕಿಮ್ಸ್ ವೈದ್ಯರು, ಸಿಬ್ಬಂದಿ ನಿರ್ಲಕ್ಷ್ಯಕ್ಕೆ ನಿದರ್ಶನ ಎಂಬಂತೆ ಇನ್ನೊಂದು ಚಿತ್ರಣ ಹೊರಬಂದಿದೆ. ಆಕ್ಸಿಜನ್ ಅಳವಡಿಸಿದ ಮಗುವನ್ನು ಸ್ಟ್ರೆಚರ್ ಸೌಲಭ್ಯ ಇಲ್ಲದ ಕಾರಣ ತಂದೆಯೇ ಹೊತ್ತುಕೊಂಡು ಮಕ್ಕಳ ವಾರ್ಡ್ಗೆ ಕರೆದುಕೊಂಡು ಹೋಗುತ್ತಿರುವ ವಿಡಿಯೋ ವೈರಲ್ ಆಗಿದ್ದು, ಜನತೆ ಆಕ್ರೋಶ ವ್ಯಕ್ತಪಡಿಸಿದ್ದಾರೆ.
ಈ ಮಗು, ತಂದೆ ಯಾರು ಎಂಬುದು ತಿಳಿದುಬಂದಿಲ್ಲ. ಆಕ್ಸಿಜನ್ ಅಳವಡಿಸಿದ ಮಗುವನ್ನು ತಂದೆ ಹೊತ್ತುಕೊಂಡು ಹೋಗುತ್ತಿರುವುದನ್ನು ಸಾರ್ವಜನಿಕರು ವಿಡಿಯೋ ಮಾಡಿ ಸಾಮಾಜಿಕ ಜಾಲತಾಣಕ್ಕೆ ಹರಿಬಿಟ್ಟಿದ್ದಾರೆ.
ಹುಬ್ಬಳ್ಳಿ: ನರ್ಸ್ಗಳ ಮೇಲೆ ದರ್ಪ, KIMS ಸಿಇಒ ವಿರುದ್ಧ ದೂರು
ಕಿಮ್ಸ್ ಸಿಬ್ಬಂದಿ ಆಕ್ಸಿಜನ್ ಟ್ಯಾಂಕ್ನ್ನು ದೂಡಿಕೊಂಡು ಬರುತ್ತಿದ್ದರೆ, ಮಗುವನ್ನು ಕೈಯಲ್ಲಿ ಎತ್ತಿಕೊಂಡು ತಂದೆ ಮಕ್ಕಳ ವಾರ್ಡ್ನತ್ತ ಹೆಜ್ಜೆ ಹಾಕುತ್ತಿರುವ ಮನಕಲಕುವ ದೃಶ್ಯ ವೈರಲ್ ಆಗಿದೆ. ಈ ಕುರಿಂತೆ ಸಾರ್ವಜನಿಕರಿಂದ ತೀವ್ರ ಅಸಮಾಧಾನ ವ್ಯಕ್ತವಾಗಿದ್ದು, ಕಿಮ್ಸ್ ಸುಧಾರಣೆ ಆಗುವುದು ಯಾವಾಗ ಎಂದು ಪ್ರಶ್ನಿಸುತ್ತಿದ್ದಾರೆ.
