ಕಾಂಗ್ರೆಸ್‌ - ಬಿಜೆ​ಪಿಯಿಂದ ಜೆಡಿ​ಎಸ್‌ ಮನೆಗೆ ಕನ್ನ ! ಪಕ್ಷ ಬಿಟ್ಟು ತೆರಳಿದ ಮುಖಂಡರು

ರಾಮ​ನ​ಗರ (ಡಿ.07):   ಗ್ರಾಮ ಪಂಚಾ​ಯಿತಿ ಚುನಾ​ವ​ಣೆಯ ಮೂಲಕ ಜಿಲ್ಲೆ​ಯಲ್ಲಿ ಪಕ್ಷ ಸಂಘ​ಟ​ನೆಗೆ ಮುಂದಾ​ಗಿ​ರುವ ಕಾಂಗ್ರೆಸ್‌ ಹಾಗೂ ಬಿಜೆಪಿ ನಾಯ​ಕರು ಜೆಡಿ​ಎಸ್‌ ಮನೆಗೆ ಕನ್ನ ಹಾಕು​ತ್ತಿ​ದ್ದಾರೆ.

ಹಳ್ಳಿ ಫೈಟ್‌ ಎಂದೇ ಬಿಂಬಿ​ತ​ವಾ​ಗಿ​ರುವ ಗ್ರಾಮ ಪಂಚಾ​ಯಿತಿ ಚುನಾ​ವಣೆ ಕಾರ್ಯ​ಚ​ಟು​ವ​ಟಿಕೆ ಜಿಲ್ಲೆ​ಯಲ್ಲಿ ಚಳಿ​ಗಾ​ಲ​ದ​ಲ್ಲಿಯೂ ರಾಜ​ಕೀಯ ನಾಯ​ಕ​ರಿಗೆ ಬೆವರುವಂತೆ ಮಾಡು​ತ್ತಿದೆ. ಇನ್ನೇನು ಚುನಾ​ವ​ಣೆಗೆ ಕೆಲವೇ ದಿನ​ಗಳು ಮಾತ್ರ ಬಾಕಿ ಇರುವ ಹಿನ್ನೆ​ಲೆ​ಯಲ್ಲಿ ಜಿಲ್ಲೆ​ಯಲ್ಲಿ ಪಕ್ಷಾಂತರ ಪರ್ವ ಜೋರಾಗಿ ನಡೆ​ಯು​ತ್ತಿದೆ.

ಕಾಂಗ್ರೆಸ್‌, ಬಿಜೆಪಿ ಹಾಗೂ ಜೆಡಿ​ಎಸ್‌ ಪಕ್ಷ​ಗ​ಳಲ್ಲಿ ಕೆಲವು ಮುಖಂಡರು, ಕಾರ್ಯ​ಕ​ರ್ತರು ಅತ್ತಿಂದ ಇತ್ತ, ಇತ್ತಿಂದ ಅತ್ತ ಹಾರು​ತ್ತಿ​ದ್ದಾರೆ. ಕಾಂಗ್ರೆಸ್‌ ಹಾಗೂ ಬಿಜೆಪಿಯ ನಾಯ​ಕರು ಪೈಪೋ​ಟಿಗೆ ಬಿದ್ದ​ವ​ರಂತೆ ಜೆಡಿ​ಎಸ್‌ನ ಮುಖಂಡರು - ಕಾರ್ಯ​ಕ​ರ್ತ​ರನ್ನು ಹೆಚ್ಚಾಗಿ ಸೆಳೆ​ಯು​ತ್ತಿ​ದ್ದಾರೆ.

ಮಾಜಿ ಪ್ರಧಾನಿ ಇಂದಿರಾ ಗಾಂಧಿ ಯಾರನ್ನು ಮದುವೆ ಆಗಿದ್ರು..?

ಜಿಲ್ಲೆ​ಯಲ್ಲಿ ನೆಲೆ ಕಂಡು​ಕೊ​ಳ್ಳಲು ಶ್ರಮಿ​ಸು​ತ್ತಿ​ರುವ ಬಿಜೆಪಿಯವರು ಕಾಂಗ್ರೆಸ್‌ - ಜೆಡಿ​ಎಸ್‌ ಪಕ್ಷ​ಗಳ ಮುಖಂಡರು , ಕಾರ್ಯ​ಕ​ರ್ತ​ರನ್ನು ಕರೆ​ದು​ಕೊಂಡು ಪಕ್ಷಕ್ಕೆ ಶಕ್ತಿ ತುಂಬುವ ಕೆಲಸ ಮಾಡು​ತ್ತಿ​ದ್ದಾರೆ. ಕೆಲ​ವು ಗ್ರಾಮ ಪಂಚಾ​ಯಿ​ತಿ​ಗ​ಳಲ್ಲಿ ಪಕ್ಷಾಂತರ ಮಾಡಿ​ದ​ವ​ರನ್ನೇ ಅಭ್ಯ​ರ್ಥಿ​ಗ​ಳ​ನ್ನಾಗಿಯೂ ಮಾಡು​ತ್ತಿ​ದ್ದಾರೆ.

ಕೈ- ಕಮ​ಲ​ದ ಎದುರು ಮಂಕಾದ ದಳ:  ಒಂದು ಹೋಬಳಿ ಅಥವಾ ಗ್ರಾಮ​ದಲ್ಲಿ ಬಿಜೆಪಿಯವರು ಕಾಂಗ್ರೆಸ್‌ನವರನ್ನು ಪಕ್ಷಕ್ಕೆ ಸೆಳೆ​ದು​ಕೊಂಡರೆ, ಇದಕ್ಕೆ ಪ್ರತಿ​ಯಾಗಿ ಕಾಂಗ್ರೆಸ್‌ನವರು ಬಿಜೆ​ಪಿ ಹಾಗೂ ಜೆಡಿ​ಎಸ್‌ ಮುಖಂಡ​ರನ್ನು ಪಕ್ಷಕ್ಕೆ ಆಹ್ವಾ​ನಿ​ಸಿ​ಕೊ​ಳ್ಳು​ತ್ತಿ​ದ್ದಾರೆ. ಕಾಂಗ್ರೆಸ್‌-ಬಿಜೆ​ಪಿಯ ಸೆಳೆ​ದಾ​ಟ​ದ ಎದುರು ಜೆಡಿ​ಎಸ್‌ ಮಂಕಾ​ಗಿದೆ.

ಸಂಸದ ಡಿ.ಕೆ.​ಸು​ರೇಶ್‌ ನೇತೃ​ತ್ವ​ದಲ್ಲಿ ಕಾಂಗ್ರೆಸ್‌ ನಾಯ​ಕರು ಜಿಲ್ಲೆ​ಯಾದ್ಯಂತ ಗ್ರಾಮ ಪಂಚಾ​ಯಿತಿ ಚುನಾ​ವ​ಣೆಯ ಪೂರ್ವ ಸಿದ್ಧತಾ ಸಭೆ​ಗ​ಳನ್ನು ನಡೆ​ಸು​ತ್ತಿ​ದ್ದಾರೆ. ಪ್ರತಿ​ಯೊಂದು ಸಭೆ​ಯಲ್ಲಿ 15ರಿಂದ 20 ಮಂದಿ ಜೆಡಿ​ಎಸ್‌ ಮುಖಂಡರು - ಕಾರ್ಯ​ಕ​ರ್ತರು ಪಕ್ಷ ತೊರೆದು ಕಾಂಗ್ರೆಸ್‌ ಸೇರ್ಪ​ಡೆ​ಯಾ​ಗು​ತ್ತಿ​ದ್ದಾರೆ.

ಗ್ರಾಮ​ ಸ್ವ​ರಾಜ್ಯ ಸಮಾ​ವೇಶ ನಡೆ​ಸಿದ ಬಿಜೆಪಿ ನಾಯ​ಕರು ಕೂಡ ಕಾಂಗ್ರೆಸ್‌- ಜೆಡಿ​ಎಸ್‌ನವ​ರನ್ನು ಪಕ್ಷಕ್ಕೆ ಸೇರಿ​ಸಿ​ಕೊಂಡಿ​ದ್ದರು. ಅಲ್ಲದೆ, ಜಿಲ್ಲಾ​ಧ್ಯಕ್ಷ ಹುಲು​ವಾಡಿ ದೇವ​ರಾಜು, ಮುಖಂಡ​ರಾ​ದ ಡಿ.ನ​ರೇಂದ್ರ ಸೇರಿದ ಯುವ ಪಡೆಯ ಗುಂಪೊಂದು ವಿಪ​ಕ್ಷ​ಗಳ ಕೋಟೆಗೆ ಲಗ್ಗೆ​ಯಿಟ್ಟು ಆ ಪಕ್ಷದ ಮುಖಂಡ​ರ ಕೈಗೆ ಕಮಲ ಹಿಡಿ​ಯು​ವಂತೆ ಮಾಡು​ತ್ತಿ​ದ್ದಾರೆ.

ಇನ್ನು ಮಾಜಿ ಸಿಎಂ ಕುಮಾ​ರ​ಸ್ವಾಮಿ ಚನ್ನ​ಪ​ಟ್ಟಣ, ಶಾಸಕಿ ಅನಿತಾ ಕುಮಾ​ರ​ಸ್ವಾಮಿ ರಾಮ​ನ​ಗರ ಹಾಗೂ ಶಾಸಕ ಎ.ಮಂಜು​ನಾಥ್‌ ಮಾಗಡಿ ಕ್ಷೇತ್ರ​ದಲ್ಲಿ ಅನ್ಯ ಪಕ್ಷದ ಕಾರ್ಯ​ಕ​ರ್ತ​ರನ್ನು ಸೆಳೆ​ಯುವ ಪ್ರಯತ್ನ ಮಾಡು​ತ್ತಿಲ್ಲ. ಬದ​ಲಿಗೆ ಗ್ರಾಮ ಪಂಚಾ​ಯಿತಿ ಚುನಾ​ವ​ಣೆಯಲ್ಲಿ ಬೆಂಬ​ಲಿತ ಅಭ್ಯ​ರ್ಥಿ​ಗಳ ಗೆಲು​ವಿಗೆ ಬಿರು​ಸಿನ ಪ್ರಚಾರ ನಡೆ​ಸು​ತ್ತಿ​ದ್ದಾರೆ.