ಕೊರಟಗೆರೆ : ಪರಮೇಶ್ವರ್ 9.88 ಕೋಟಿ ರು.ಒಡೆಯ
ಕ್ಷೇತ್ರದ ಕಾಂಗ್ರೆಸ್‌ ಅಭ್ಯರ್ಥಿ ಹಾಗೂ ಮಾಜಿ ಡಿಸಿಎಂ ಡಾ.ಜಿ.ಪರಮೇಶ್ವರ್‌ರವರು ತಮ್ಮ ಬಳಿ 4 ಕೋಟಿ 81 ಸಾವಿರ ಮೌಲ್ಯದ ಚರಾಸ್ತಿ ಹೊಂದಿದ್ದು ತಮ್ಮ ಪತ್ನಿ ಕನ್ನಿಕಾ ಪರಮೇಶ್ವರಿ ಹೆಸರಲ್ಲಿ 5.63 ಕೋಟಿ ಚರಾಸ್ತಿ ಇದೆ. ಸ್ಥಿರಾಸ್ತಿಗಳ ಪೈಕಿ 5.88 ಕೋಟಿ ಮೌಲ್ಯದ ಆಸ್ತಿಯನ್ನು ಹೊಂದಿದ್ದು, ಪತ್ನಿ ಕನ್ನಿಕಾ ಪರಮೇಶ್ವರಿ ಹೆಸರಲ್ಲಿ 5.73 ಕೋಟಿ ಸ್ತಿರಾಸ್ತಿ ಹೊಂದಿರುವುದಾಗಿ ಘೋಷಿಸಿದ್ದಾರೆ.
 )
Followಕೊರಟಗೆರೆ : ಕ್ಷೇತ್ರದ ಕಾಂಗ್ರೆಸ್‌ ಅಭ್ಯರ್ಥಿ ಹಾಗೂ ಮಾಜಿ ಡಿಸಿಎಂ ಡಾ.ಜಿ.ಪರಮೇಶ್ವರ್‌ರವರು ತಮ್ಮ ಬಳಿ 4 ಕೋಟಿ 81 ಸಾವಿರ ಮೌಲ್ಯದ ಚರಾಸ್ತಿ ಹೊಂದಿದ್ದು ತಮ್ಮ ಪತ್ನಿ ಕನ್ನಿಕಾ ಪರಮೇಶ್ವರಿ ಹೆಸರಲ್ಲಿ 5.63 ಕೋಟಿ ಚರಾಸ್ತಿ ಇದೆ. ಸ್ಥಿರಾಸ್ತಿಗಳ ಪೈಕಿ 5.88 ಕೋಟಿ ಮೌಲ್ಯದ ಆಸ್ತಿಯನ್ನು ಹೊಂದಿದ್ದು, ಪತ್ನಿ ಕನ್ನಿಕಾ ಪರಮೇಶ್ವರಿ ಹೆಸರಲ್ಲಿ 5.73 ಕೋಟಿ ಸ್ತಿರಾಸ್ತಿ ಹೊಂದಿರುವುದಾಗಿ ಘೋಷಿಸಿದ್ದಾರೆ.
ಹೊಣೆಗಾರಿಕೆಯ ಪೈಕಿ 4.88 ಕೋಟಿ ಸಾಲವನ್ನು ಹೊಂದಿದ್ದು ಪತ್ನಿ 4.34 ಕೋಟಿ ಸಾಲಕ್ಕೆ ಹೊಣೆಗಾರರಾಗಿದ್ದಾರೆ. ತಮ್ಮ ಮೂಲ ವೃತ್ತಿ ಎಲ್‌ಐಸಿ ಏಜೆಂಟ್‌ ಹಾಗೂ ಕೃಷಿ ಸಲಹೆಗಾರರಾಗಿ ಘೋಷಿಸಿಕೊಂಡಿದ್ದು, ಪತ್ನಿ ಕಲಾವಿದೆ ಎಂದು ನಮೂದಿಸಿದ್ದಾರೆ.
ಪರಮೇಶ್ವರ್ ಅವರ ಬಳಿ ಟಾಟಾ ಸಫಾರಿ, ಸ್ಕೋಡಾ ಆರ್‌ಎಸ್‌ 6, ಕಾರುಗಳಿದ್ದು ಇಪ್ಪತ್ತೈದು ಸಾವಿರದ ಬೆಳ್ಳಿ, 1.26 ಕೋಟಿ ಮೌಲ್ಯದ ಶೇ. 50% ಜಂಟಿಪಾಲುದಾರಿಕೆಯ ಕಟ್ಟಡ, ತಲಾ 58 ಲಕ್ಷ ಮೌಲ್ಯದ ನಿವೇಶನ, ಹೊಂದಿದ್ದು ಕೈಯಲ್ಲಿ 94 ಸಾವಿರದ 164 ರು. ನಗದು ಹೊಂದಿರುವುದಾಗಿ ಹೇಳಿದ್ದಾರೆ. ಚಿನ್ನಾಭರಣದ ಮೇಲೆ 1.57 ಕೋಟಿ ಹೂಡಿಕೆಮಾಡಿದ್ದು ಬೆಳ್ಳಿ ಮೇಲೆ 19 ಲಕ್ಷ ಹೂಡಿಕೆ ಮಾಡಿರುವುದಾಗಿ ಘೋಷಿಸಿದ್ದಾರೆ. ಒಟ್ಟಾರೆಯಾಗಿ ಪರಮೇಶ್ವರ್ ಅವರದ್ದು 9 ಕೋಟಿ 88 ಲಕ್ಷ 81 ಸಾವಿರ ರು.ಗಳಿದ್ದರೆ ಅವರ ಪತ್ನಿ ಕನ್ನಿಕಾಪರಮೇಶ್ವರಿ ಅವರದ್ದು 11 ಕೋಟಿ 36 ಲಕ್ಷ ರು. ಎಂದು ಘೋಷಿಸಿಕೊಂಡಿದ್ದಾರೆ.
ಪರಮೇಶ್ವರ್ ನಾಮಪತ್ರ
ತುಮಕೂರು : ಮಾಜಿ ಉಪಮುಖ್ಯಮಂತ್ರಿ ಹಾಗೂ ಕೊರಟಗೆರೆ ಕ್ಷೇತ್ರದ ಶಾಸಕ ಡಾ.ಜಿ.ಪರಮೇಶ್ವರ್ ಕೊರಟಗೆರೆ ವಿಧಾನಸಭಾ ಕ್ಷೇತ್ರದ ಕಾಂಗ್ರೆಸ್‌ ಪಕ್ಷದ ಅಭ್ಯರ್ಥಿಯಾಗಿ ಬುಧವಾರ ನಾಮಪತ್ರ ಸಲ್ಲಿಸಲಿದರು.
ತುಮಕೂರು ನಗರದ ಗೊಲ್ಲಹಳ್ಳಿಯ ಮನೆಯಿಂದ ಬೆಳಿಗ್ಗೆ ಸಿದ್ಧಗಂಗಾ ಮಠಕ್ಕೆ ಭೇಟಿ ನೀಡಿ ಶಿವಕುಮಾರ ಸ್ವಾಮೀಜಿಗಳ ಗದ್ದುಗೆ ವಿಶೇಷ ಪೂಜೆ ಸಲ್ಲಿಸಿ, ಸಿದ್ಧಲಿಂಗ ಸ್ವಾಮಿಜೀಗಳಿಂದ ಆರ್ಶೀವಾದ ಪಡೆದರು.
ಇದಕ್ಕೂ ಮುನ್ನ ಸುಕ್ಷೇತ್ರ ತಂಗನಹಳ್ಳಿ ಮಠಕ್ಕೆ ಭೇಟಿ ನೀಡಿ ಬಸವಲಿಂಗ ಸ್ವಾಮೀಗಳು, ಕಾರದ ಮಠ ಬೆಳ್ಳಾವಿ ಕಾರದ ವೀರಬಸವ ಸ್ವಾಮೀಜಿಗಳ ಸುಕ್ಷೇತ್ರ ಎಲೆರಾಂಪುರ ಮಠಕ್ಕೆ ಭೇಟಿ ನೀಡಿ ಹನುಮಂತನಾಥ ಸ್ವಾಮೀಜಿಗಳ ಆಶೀರ್ವಾದ ಪಡೆದುಕೊಂಡರು. ಬೆಳಿಗ್ಗೆ 10ಕ್ಕೆ ಕೊರಟಗೆರೆ ತಾಲೂಕಿನ ಕ್ಯಾಮೇನಹಳ್ಳಿ ಅಂಜನೇಯ ಮತ್ತು ಪಟ್ಟಣದ ಕಟ್ಟೆಗಣಪತಿ ದೇವಾಲಯದಲ್ಲಿ ಪೂಜೆ ಸಲ್ಲಿಸಿದರು. ನಂತರ ಕೊರಟಗೆರೆ ಕೆ.ಎಸ್‌.ಆರ್.ಟಿ.ಸಿ ಬಸ್‌ ನಿಲ್ದಾಣದಿಂದ ವಿವಿಧ ಕಲಾತಂಡಗಳು ಮತ್ತು ವಾದ್ಯತಂಡಗಳೊಂದಿಗೆ ಬೃಹತ್‌ ಜನಸ್ತೋಮ ಹಾಗೂ ಅಪಾರ ಜನಬೆಂಬಲದೊಂದಿಗೆ ತೆರದ ವಾಹನದಲ್ಲಿ ಮಿನಿ ವಿಧಾನಸೌಧದ ತನಕ ಮೆರವಣಿಗೆ ನಡೆಸಿ ನಾಮಪತ್ರ ಸಲ್ಲಿಸಿದರು. ಕ್ರೇನ್‌ ಗಳ ಮೂಲಕ ಪುಷ್ರ್ವಾಚನೆ ಮಾಡಿ ಅಭಿಮಾನಿಗಳು ಸಂಭ್ರಮಿಸಿದರು.
ನಂದಿನಿ ಪೇಡಾದ ಹಾರ:
ನಾಮಪತ್ರ ಸಲ್ಲಿಸಲು ಆಗಮಿಸಿದ ಡಾ. ಜಿ. ಪರಮೇಶ್ವರ್ ಅವರಿಗೆ ಕಾಂಗ್ರೆಸ್‌ ಕಾರ್ಯಕರ್ತರು ನಂದಿನಿ ಪೇಡಾದ ಪ್ಯಾಕೆಟ್‌ ಹಾರ ಹಾಕುವ ಮೂಲಕ ರಾಜ್ಯದಲ್ಲಿ ನಂದಿನಿ ಉಳಿಸಿ ಎಂಬ ಸಂದೇಶವನ್ನು ನೀಡಿದ್ದು ವಿಶೇಷವಾಗಿತ್ತು. ಡಾ.ಜಿ. ಪರಮೇಶ್ವರ್ ಅವರು ನಾಮಪತ್ರ ಸಲ್ಲಿಸುವ ಸಂದರ್ಭದಲ್ಲಿ ಬ್ಲಾಕ್‌ ಕಾಂಗ್ರೆಸ್‌ ಅಧ್ಯಕ್ಷ ಅಶ್ವತ್‌್ಥ ನಾರಾಯಣ, ಎ.ಡಿ. ಬಲರಾಮಯ್ಯ, ಕೆಪಿಸಿಸಿ ಸದಸ್ಯ ಪ್ರಸನ್ನಕುಮಾರ್‌, ತುಮಕೂರು ನಗರ ಅಭ್ಯರ್ಥಿ ಇಕ್ಬಾಲ್‌ ಅಹಮದ್‌, ರಾಯಸಂದ್ರ ರವಿಕುಮಾರ್‌ ಅರಕೆರೆ ಶಂಕರ್‌, ಗಂಗಾಧರಪ್ಪ ಕೊಂತಿಹಳ್ಳಿ, ಮತ್ತಿತರರು ಸಾಥ್‌ ನೀಡಿದರು.
ಬಳಿಕ ಮಾತನಾಡಿದ ಡಾ. ಜಿ. ಪರಮೇಶ್ವರ್ ರಾಜ್ಯದಲ್ಲಿ ಬಿಜೆಪಿ ಹಾಗೂ ಜೆಡಿಎಸ್‌ ಪಕ್ಷಗಳ ಉನ್ನತ ಮಟ್ಟದ ನಾಯಕರು ಕಾಂಗ್ರೆಸ್‌ ಪಕ್ಷ ಸೇರ್ಪಡೆಯಾಗುತ್ತಿರುವುದು ಗೆಲುವಿಗೆ ಶುಭ ಸೂಚನೆಯಾಗಿದೆ. ರಾಜ್ಯದಲ್ಲಿ ಈಗ ಕಾಂಗ್ರೆಸ್‌ ಪಕ್ಷಕ್ಕೆ ಮತ್ತಷ್ಟುಬಲ ಬಂದಿದೆ ಎಂದು ಅವರು ಹೇಳಿದರು.
