ಕೊಟ್ಟೂರು(ಜೂ.07):  ಪಟ್ಟ​ಣ​ದ​ಲ್ಲಿ ಶನಿ​ವಾರ ಇಡೀ ದಿನ ಇಂಟರ್‌ನೆಟ್‌ ಸೇವೆಯಲ್ಲಿ ವ್ಯತ್ಯಯ ಉಂಟಾದ ಕಾರಣ ಅಧಿ​ಕಾ​ರಿ​ಗಳು ದಿನ​ವಿಡೀ ಕೆಲಸವಿಲ್ಲದೆ ಪರ​ದಾ​ಡಿ​ದ​ರು. 

ಕೊಟ್ಟೂರು ತಾಲೂಕಿನಲ್ಲಿ ಶುಕ್ರವಾರದಿಂದಲೇ ಇಂಟರ್‌ನೆಟ್‌ ಸೇವೆ ಸ್ಥಗಿತಗೊಂಡಿದ್ದರೂ ಈ ಬಗ್ಗೆ ಕಿಂಚಿತ್ತೂ ಕಾಳಜಿ ವಹಿಸದ ಬಿಎಸ್‌ಎನ್‌ಎಲ್‌ ಅಧಿಕಾರಿಗಳು ಮತ್ತು ಸಿಬ್ಬಂದಿ ಸೋಮವಾರದ ವರೆಗೆ ಇಂತಹ ತೊಂದರೆ ಅನುಭವಿಸಬೇಕು ಎಂದು ಪುಕ್ಕಟೆ ಸೂಚನೆ ನೀಡಿ ಗ್ರಾಹ​ಕ​ರನ್ನು ಸಾಗ ಹಾಕಿದರು. 

ಬಳ್ಳಾರಿ: ಜಿಂದಾಲ್‌ನ ಮೂವರು ಸೇರಿ ಆರು ಜನರಿಗೆ ಕೊರೋನಾ ಪಾಸಿಟಿವ್‌

ಬಿಎಸ್‌ಎನ್‌ಎಲ್‌ ಇಂಟರನೆಟ್‌ ಸೇವೆ ಕೊಟ್ಟೂರು ಭಾಗದಲ್ಲಿ ಪದೇ ಪದೇ ಸ್ಥಗಿ​ತ​ವಾ​ಗು​ತ್ತಿ​ದ್ದರೂ ಅಧಿಕಾರಿಗಳು ಇದನ್ನು ಸರಿ​ಪ​ಡಿ​ಸುವ ಗೋಜಿಗೆ ಹೋಗ​ದೆ ತಮ್ಮ ಮೊಬೈಲ್‌ಗಳನ್ನು ಸ್ವಿಚ್‌ ಆಪ್‌ ಮಾಡಿಕೊಂಡು ಗ್ರಾಹಕರಿಗೆ ಉತ್ತರ ನೀಡದೆ ವಂಚಿಸುತ್ತಿದ್ದಾರೆ. ತಾಲೂ​ಕಿ​ನಾ​ದ್ಯಂತ ಶನಿ​ವಾರ ನೆಟ್‌ ಇಲ್ಲ​ದೆ ಎಲ್ಲ ಕಚೇ​ರಿ​ಗಳ ಸಿಬ್ಬಂದಿ ಕೆಲ​ಸ​ವಿ​ಲ್ಲದೆ ಕಾಲ​ಹ​ರಣ ಮಾಡಿ​ದ​ರು.