ಅಮೆಜಾನ್ ಕಾರ್ಯಕ್ರಮವೊಂದು ಸುಮಾರು ಒಂದೂವರೆ ಗಂಟೆ ವಿಳಂಬ| ಅಮೆಜಾನ್ ಮುಖ್ಯಸ್ಥ ಜೆಫ್ ಬೆಜೊಸ್ ಅವರ ಎದುರಲ್ಲೇ ಇಸ್ಫೋಸಿಸ್ ಸಂಸ್ಥಾಪಕ ನಾರಾಯಣ ಮೂರ್ತಿ ಅಸಮಾಧಾನ| ಎರಡು ದಿನಗಳ ಅಮೆಜಾನ್ ‘ಸಂಭವ್ ಶೃಂಗ’|
ನವದೆಹಲಿ(ಜ.16): ಇ- ವಾಣಿಜ್ಯ ಸಂಸ್ಥೆ ಅಮೆಜಾನ್ ಬುಧವಾರ ದೆಹಲಿಯಲ್ಲಿ ಆಯೋಜಿಸಿದ್ದ ಕಾರ್ಯಕ್ರಮವೊಂದು ಸುಮಾರು ಒಂದೂವರೆ ಗಂಟೆ ವಿಳಂಬ ಆಗಿದ್ದಕ್ಕೆ, ಇಸ್ಫೋಸಿಸ್ ಸಂಸ್ಥಾಪಕ ನಾರಾಯಣ ಮೂರ್ತಿ ಅಮೆಜಾನ್ ಮುಖ್ಯಸ್ಥ ಜೆಫ್ ಬೆಜೊಸ್ ಅವರ ಎದುರಲ್ಲೇ ಅಸಮಾಧಾನ ವ್ಯಕ್ತಪಡಿಸಿದ್ದಾರೆ.
Add Asianetnews Kannada as a Preferred Source
ಎರಡು ದಿನಗಳ ಅಮೆಜಾನ್ ‘ಸಂಭವ್ ಶೃಂಗ’ ನಿಗದಿಗಿಂತಲೂ ವಿಳಂಬವಾಗಿ ಆರಂಭವಾಗಿದ್ದರಿಂದ ಕಾರ್ಯಕ್ರಮದ ಮುಖ್ಯ ಅತಿಥಿ ಆಗಿದ್ದ ನಾರಾಯಣ ಮುರ್ತಿ 20 ನಿಮಿಷಗಳ ತಮ್ಮ ಭಾಷಣವನ್ನು 5 ನಿಮಿಷಕ್ಕೆ ಮುಕ್ತಾಯಗೊಳಿಸಿದ್ದಾರೆ.
ಹೆಚ್ಚಿನ ಜಿಲ್ಲಾ ಸುದ್ದಿಗಾಗಿ ಇಲ್ಲಿ ಕ್ಲಿಕ್ಕಿಸಿ
‘ನಮಗೆ ಈಗಾಗಲೇ ಒಂದೂವರೆ ಗಂಟೆ ವಿಳಂಬ ಆಗಿದೆ. ನಾನು ನನ್ನ ಭಾಷಣವನ್ನು 11.45ಕ್ಕೆ ಮುಕ್ತಾಯಗೊಳಿಸಬೇಕಿತ್ತು. ಆದರೆ, ಈಗ ಸಮಯ 11.53. ಹೀಗಾಗಿ ನನ್ನ ಭಾಷಣವನ್ನು 5 ನಿಮಿಷಕ್ಕೇ ಮುಕ್ತಾಯಗೊಳಿಸುತ್ತಿದ್ದೇನೆ. ನನ್ನಿಂದ ಇನ್ನಷ್ಟು ವಿಳಂಬ ಆಗಲು ಬಯಸುವುದಿಲ್ಲ’ ಎಂದು ಹೇಳಿದ್ದಾರೆ.
