ತುಮ​ಕೂರು [ಸೆ.12 ]:  ಒಕ್ಕ​ಲಿ​ಗ​ರನ್ನು 100 ಪರ್ಸೆಂಟ್‌ ಟಾರ್ಗೆಟ್‌ ಮಾಡ​ಲಾ​ಗಿದೆ ಎಂದು ಮಾಜಿ ಸಚಿವ ಎಸ್‌.​ಆರ್‌. ಶ್ರೀನಿ​ವಾಸ್‌ ಗುಡು​ಗಿ​ದ್ದಾರೆ.

ಅವರು ತುಮ​ಕೂ​ರಿ​ನಲ್ಲಿ ಸುದ್ದಿ​ಗಾ​ರ​ರೊಂದಿಗೆ ಮಾತ​ನಾಡಿ, ಬಿಜೆ​ಪಿ​ಯ​ವರು ದ್ವೇಷದ ರಾಜ​ಕಾ​ರಣ ಮಾಡು​ತ್ತಿ​ದ್ದಾ​ರೆ. ಇದು ಎಲ್ಲ​ರಿಗೂ ತಿಳಿ​ದಿ​ರುವ ವಿಚಾರ. ಅಮಿತ್‌ ಶಾ ಅವರನ್ನು ಅಹ್ಮದ್‌ ಪಟೇಲ್ ಜೈಲಿಗೆ ಹಾಕಿಸಿದ್ದರು. ಅಹ್ಮದ್‌ ಪಟೇಲ್ ರಾಜ್ಯಸಭೆ ಸದಸ್ಯರಾ​ಗುವ ಕಾಲದಲ್ಲಿ ಅವರನ್ನು ತಪ್ಪಿಸೋಕೆ ಯತ್ನಿಸಿದ್ದರು. ಆ ಸಂದರ್ಭದಲ್ಲಿ ಡಿಕೆಶಿ ಅಲ್ಲಿನ ಗುಜರಾತ್‌ ಶಾಸಕರನ್ನು ರೆಸಾರ್ಟ್‌ಗೆ ಕರೆತಂದು ಅಹ್ಮದ್‌ ಪಟೇಲ್‌ ಅವರ ಗೆಲುವಿಗೆ ಅನುಕೂಲ ಮಾಡಿಕೊಟ್ಟಿದ್ದರು. ಈ ಹಿನ್ನೆಲೆಯಲ್ಲಿ ಡಿಕೆಶಿ ಮೇಲೆ ಐಟಿ ರೇಡ್‌ ಆಗಿದೆ ಎಂದು ದೂರಿದರು.

ಹೆಚ್ಚಿನ ಜಿಲ್ಲಾ ಸುದ್ದಿಗಾಗಿ ಇಲ್ಲಿ ಕ್ಲಿಕ್ಕಿಸಿ

ಇಡಿಗೂ ಇದಕ್ಕೂ ಸಂಬಂಧವೇ ಇಲ್ಲ. ತೆರಿಗೆ ಕಟ್ಟಲಿಲ್ಲ ಅಂದರೆ ಐಟಿ ನೋಡಿಕೊ​ಳ್ಳು​ತ್ತದೆ. ಇಡಿಯನ್ನು ಕೇಂದ್ರ ದುರುಪಯೋಗ ಮಾಡಿಕೊಂಡು ಪ್ರಬಲರನ್ನು ಧಮನ ಮಾಡುತ್ತಿದೆ ಎಂದರು.

 ಬಾಲ ಮುದು​ರಿ​ಕೊಂಡು ಕೂತಿ​ದ್ದಾರೆ ಯಡಿ​ಯೂ​ರ​ಪ್ಪ:

ಅಮಿತ್‌ ಶಾ ಜೊತೆ ಮಾತನಾಡುವ ಶಕ್ತಿ ಸಿ.ಟಿ.ರವಿಗೆ ಇಲ್ಲ. ಸಿಎಂ ಯಡಿಯೂರಪ್ಪಗೂ ಇಲ್ಲ. ಯಡಿಯೂರಪ್ಪನವ​ರೇ ಬಾಲ ಮುದುರಿಕೊಂಡು ಕೂತಿದ್ದಾರೆ, ಅವರದೇ ಏನು ನಡೀತಾ ಇಲ್ಲ. ಅಂಥ​ದ​ರಲ್ಲಿ ಸಿಟಿ ರವಿ ಏನು ಮಾಡು​ವು​ದಕ್ಕೆ ಆಗು​ವು​ದಿಲ್ಲ ಎಂದು ಟೀಕಿಸಿದ ಅವರು, ಕೆಲ​ಸದ ಮೇಲೆ ದೆಹ​ಲಿಗೆ ಹೋಗು​ತ್ತಿ​ದ್ದೇನೆ. ಅಲ್ಲಿಂದ ಬಂದನಂತರ ಕೋರ್ಟ್‌ ತೀರ್ಮಾನ ನೋಡಿ ಪ್ರತಿಭಟನೆ ಮಾಡುತ್ತೇವೆ ಎಂದ​ರು.