ದಾವಣಗೆರೆ (ಆ.16): ಕೊರೋನಾ ಸೋಂಕಿನಿಂದ ದಾವಣಗೆರೆ ದಕ್ಷಿಣ ಶಾಸಕ, 90 ವರ್ಷದ ಡಾ.ಶಾಮನೂರು ಶಿವಶಂಕರಪ್ಪ ಮತ್ತು ಅವರ ಪುತ್ರ ಎಸ್‌.ಎಸ್‌.ಮಲ್ಲಿಕಾರ್ಜುನ ಸಂಪೂರ್ಣ ಗುಣಮುಖರಾಗಿದ್ದಾರೆ.

ಕಾಂಗ್ರೆಸ್‌ ಹಿರಿಯ ನಾಯಕ ಡಾ.ಶಾಮನೂರು ಶಿವಶಂಕರಪ್ಪ, ಮಾಜಿ ಸಚಿವ ಎಸ್‌.ಎಸ್‌.ಮಲ್ಲಿಕಾರ್ಜುನ್‌ಗೆ ಸೋಂಕು ಇರುವುದು ಕಳೆದ ವಾರವಷ್ಟೇ ದೃಢಪಟ್ಟಿತ್ತು. ಆದರೆ, 90ರ ವಯಸ್ಸಿನ ಶಾಮನೂರು ಸೋಂಕಿನ ಯಾವುದೇ ಲಕ್ಷಣ ಇಲ್ಲದೇ, ಲವಲವಿಕೆಯಿಂದ ಇರುವುದಾಗಿ ಹೇಳಿದ್ದರು.

ಭಯಬೇಡ, ಕೊರೋನಾ ಗಾಳಿಯಲ್ಲಿ ಹರಡೋದು ಅಷ್ಟು ಸುಲಭವಲ್ಲ..! .

ಅತ್ತ ಬೆಂಗಳೂರಿನ ಸ್ಪರ್ಶ ಆಸ್ಪತ್ರೆಯಲ್ಲಿ ವಾರದ ಕಾಲ ವಿಶ್ರಾಂತಿ ಪಡೆದ ಡಾ.ಶಾಮನೂರು ಶಿವಶಂಕರಪ್ಪ, ದಾವಣಗೆರೆಯಲ್ಲೇ ಹೋಂ ಕ್ವಾರಂಟೈನ್‌ನಲ್ಲಿದ್ದ ಮಲ್ಲಿಕಾರ್ಜುನ ಸೋಂಕಿನಿಂದ ಸಂಪೂರ್ಣ ಗುಣಮುಖರಾಗಿದ್ದಾರೆ. ಶುಕ್ರವಾರ ಇಬ್ಬರ ವರದಿಯೂ ನೆಗೆಟಿವ್‌ ಬಂದಿದೆ.