ಇದು ಮೈಸೂರಿನ ‘ರೆಡ್ ರೋಸ್’ ಮಸಾಜ್ ಪಾರ್ಲರ್ ರಹಸ್ಯ

ಹೆಸರಿಗೆ ‘ರೆಡ್ ರೋಸ್’ ಮಸಾಜ್ ಪಾರ್ಲರ್. ಆದ್ರೆ ಒಳಗಡೆ ನಡೆಯೋ ರಹಸ್ಯವೇ ಬೇರೆ. ಅದನ್ನು ಇದೀಗ ಮೈಸೂರು ಸಿಸಿಬಿ ಬಟಾಬಯಲು ಮಾಡಿದೆ.

Prostitution

ಮೈಸೂರು, [ಫೆ.06]: ಮೈಸೂರು ಅಪರಾಧ ದಳ (ಸಿಸಿಬಿ) ಪೊಲೀಸರು ನಗರದ ‘ರೆಡ್ ರೋಸ್ ಮಸಾಜ್ ಪಾರ್ಲರ್’ ಮೇಲೆ ದಾಳಿ ಮಾಡಿದ್ದಾರೆ.

ಮಸಾಜ್ ಪಾರ್ಲರ್ ಹೆಸರಿನಲ್ಲಿ ವೇಶ್ಯಾವಾಟಿಕೆ ದಂಧೆ ನಡೆಸುತ್ತಿದ್ದ ಆರೋಪದ ಮೇಲೆ ಇಬ್ಬರನ್ನು ಬಂಧಿಸಿದ್ದು, ನೇಪಾಳ ಮಹಿಳೆ ಸೇರಿದಂತೆ ಇಬ್ಬರು ಮಹಿಳೆಯರನ್ನು ರಕ್ಷಿಸಿದ್ದಾರೆ.

ಬಂಧಿತರನ್ನು ಶಿವರಾಜ್ (28) ಹಾಗೂ ಮಹದೇವ್(32) ಎಂದು ಗುರುತಿಸಲಾಗಿದೆ. ದಾಳಿ ವೇಳೆ 12,570 ರು. ನಗದು ಹಾಗೂ 5 ಮೊಬೈಲ್ ಪೋನ್ ಗಳನ್ನು ಪೊಲೀಸರು ವಶಪಡಿಸಿಕೊಂಡಿದ್ದಾರೆ.

ಸಿಸಿಬಿ ಎಸಿಪಿ ಬಿ.ಆರ್.ಲಿಂಗಪ್ಪ ಅವರ ನೇತೃತ್ವದಲ್ಲಿ ಕಾರ್ಯಾಚರಣೆ ನಡೆದಿದ್ದು, ಈ ಬಗ್ಗೆ ಮಂಡಿ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.