ಕೊರೋನಾ ಗೆದ್ದ ಚಿತ್ರದುರ್ಗದ 105ರ ಅಜ್ಜಿ!
ಕೊರೋನಾದಿಂದ ಆಸ್ಪತ್ರೆಗೆ ದಾಖಲಾಗಿದ್ದ ರಾಜ್ಯದ ಮತ್ತೊಬ್ಬ 105 ವರ್ಷದ ಮಹಿಳೆಯೊಬ್ಬರು ಗುಣಮುಖರಾಗಿ ಆಸ್ಪತ್ರೆಯಿಂದ ಬಿಡುಗಡೆಯಾಗಿದ್ದಾರೆ. ಈ ಮೂಲಕ ಕೊರೋನಾದಿಂದ ಗುಣಮುಖರಾದ ರಾಜ್ಯದ ಅತಿ ಹಿರಿಯ ವ್ಯಕ್ತಿ ಎಂಬ ಹೆಗ್ಗಳಿಕೆಗೆ ಈಕೆ ಪಾತ್ರವಾಗಿದ್ದಾರೆ.
ಚಿತ್ರದುರ್ಗ(ಜು.02): ಕೊರೋನಾದಿಂದ ಆಸ್ಪತ್ರೆಗೆ ದಾಖಲಾಗಿದ್ದ ರಾಜ್ಯದ ಮತ್ತೊಬ್ಬ 105 ವರ್ಷದ ಮಹಿಳೆಯೊಬ್ಬರು ಗುಣಮುಖರಾಗಿ ಆಸ್ಪತ್ರೆಯಿಂದ ಬಿಡುಗಡೆಯಾಗಿದ್ದಾರೆ. ಈ ಮೂಲಕ ಕೊರೋನಾದಿಂದ ಗುಣಮುಖರಾದ ರಾಜ್ಯದ ಅತಿ ಹಿರಿಯ ವ್ಯಕ್ತಿ ಎಂಬ ಹೆಗ್ಗಳಿಕೆಗೆ ಈಕೆ ಪಾತ್ರವಾಗಿದ್ದಾರೆ.
ಈಚಲಾಗೇನಹಳ್ಳಿಯ ಸಿದ್ದಮ್ಮ(105) ಕೊರೋನಾದಿಂದ ಗುಣಮುಖರಾದ ಶತಾಯುಷಿ. ಡಿಎಆರ್‌ ಪೊಲೀಸ್‌ ಪೇದೆ ಆಗಿರುವ ತಮ್ಮ ಮೊಮ್ಮಗನ ಜತೆ ಚಿತ್ರದುರ್ಗದ ಪೊಲೀಸ್‌ ವಸತಿ ಗೃಹದಲ್ಲಿದ್ದರು.
ದೇಶದಲ್ಲಿ 10 ಲಕ್ಷ ಸೋಂಕಿತರು ಗುಣಮುಖ..! ಇನ್ನೂ ಹೆಚ್ಚಾಗಲಿದೆ ಸೋಂಕಿತರ ಸಂಖ್ಯೆ
ಮೊಮ್ಮಗನಿಗೆ ಕೊರೋನಾ ತಗುಲಿದ್ದು, ಅದರೊಂದಿಗೆ ಸಿದ್ದಮ್ಮ ಅವರಿಗೂ ಜು.27ರಂದು ಕೋವಿಡ್ ದೃಢಪಟ್ಟಿತ್ತು. ತಕ್ಷಣ ಸಿದ್ದ ಮ್ಮ ಅವರನ್ನು ಕೋವಿಡ್ ಜಿಲ್ಲಾಸ್ಪತ್ರೆಗೆ ದಾಖಲು ಮಾಡಲಾಗಿತ್ತು.
ಶನಿವಾರ ಮತ್ತೆ ತಪಾಸಣೆಗೊಳಪಡಿಸಿದಾಗ ನೆಗೆಟಿವ್‌ ಬಂದ ಹಿನ್ನೆಲೆಯಲ್ಲಿ ಬಿಡುಗಡೆ ಮಾಡಲಾಗಿದೆ. ವಿಶೇಷವೆಂದರೆ 105 ವರ್ಷದ ಈ ಮಹಿಳೆಗೆ ಸಾಮಾನ್ಯವಾಗಿ ವಯೋಸಹಜವಾಗಿ ಕಾಡುವ ಮಧುಮೇಹವಾಗಲಿ, ಹೃದಯ ಸಂಬಂಧಿಸಿದ ಯಾವುದೇ ಕಾಯಿಲೆಗಳಿಲ್ಲ.
