ಐಎಸ್ಎಲ್ 7: ಒಡಿಶಾ ಎದುರು ಬೆಂಗಾಲ್‌ಗೆ ಮೊದಲ ಗೆಲುವು
7ನೇ ಆವೃತ್ತಿಯ ಇಂಡಿಯನ್ ಸೂಪರ್‌ ಲೀಗ್‌ನಲ್ಲಿ ಈಸ್ಟ್ ಬೆಂಗಾಲ್ ತಂಡ ಮೊದಲ ಗೆಲುವು ದಾಖಲಿಸಿದೆ. ಈ ಕುರಿತಾದ ಒಂದು ರಿಪೋರ್ಟ್ ಇಲ್ಲಿದೆ ನೋಡಿ.
ವಾಸ್ಕೋ(ಜ.04): ಇಂಡಿಯನ್ ಸೂಪರ್‌ ಲೀಗ್‌ 7ನೇ ಆವೃತ್ತಿಯಲ್ಲಿ ಎಸ್‌ಸಿ ಈಸ್ಟ್ ಬೆಂಗಲ್‌ ಮೊದಲ ಗೆಲುವು ದಾಖಲಿಸಿದೆ. ಭಾನುವಾರ ಇಲ್ಲಿ ನಡೆದ ಒಡಿಶಾ ಎಫ್‌ಸಿ ವಿರುದ್ಧದ ಪಂದ್ಯದಲ್ಲಿ ಬೆಂಗಾಲ್ 3-1 ಗೋಲುಗಳಿಂದ ಭರ್ಜರಿ ಗೆಲುವು ಸಾಧಿಸಿತು.
ಬೆಂಗಾಲ್ ಪರ ಆ್ಯಂಥೋನಿ (13ನೇ ನಿಮಿಷ), ಜಾಕಸ್‌ (39ನೇ ನಿಮಿಷ), ಬ್ರೈಟ್‌ (88ನೇ ನಿಮಿಷ) ಹಾಗೂ ಒಡಿಶಾ ಪರ ಡೇನಿಯಲ್‌ (90ನೇ ನಿಮಿಷ) ಗೋಲುಗಳಿಸಿದರು.
ಐಎಸ್ಎಲ್: ಬೆಂಗಾಲ್‌ಗೆ ಚೆನ್ನೈ ಎಫ್‌ಸಿ ಸವಾಲು
ಎಟಿಕೆಗೆ ಅಗ್ರಸ್ಥಾನ: ಫತ್ರೋಡಾ ಸ್ಟೇಡಿಯಂನಲ್ಲಿ ನಡೆದ ಪಂದ್ಯದಲ್ಲಿ ಎಟಿಕೆ ಮೋಹನ್‌ ಬಗಾನ್‌, ನಾರ್ತ್ ಈಸ್ಟ್ ಎಫ್‌ಸಿ ವಿರುದ್ಧದ ಪಂದ್ಯದಲ್ಲಿ 2-0 ಗೋಲುಗಳಿಂದ ಜಯ ಪಡೆದಿದೆ. ಈ ಗೆಲುವಿನ ಮೂಲಕ ಎಟಿಕೆ 20 ಅಂಕಗಳಿಸಿ ಪಟ್ಟಿಯಲ್ಲಿ ಅಗ್ರಸ್ಥಾನಕ್ಕೇರಿದೆ. ರಾಯ್‌ ಕೃಷ್ಣ (51ನೇ ನಿ.), ಬೆಂಜಮಿನ್‌ (58ನೇ ನಿಮಿಷ) ಸ್ವಂತ ಗೋಲು ಬಾರಿಸಿದರು.
