ಐಪಿಎಲ್ ಕಾಮೆಂಟ್ರಿಗೆ ಇಲ್ಲ ಮಾಂಜ್ರೇಕರ್!
3ನೇ ಆವೃತ್ತಿಯ ಐಪಿಎಲ್‌ಗೆ ವೀಕ್ಷಕ ವಿವರಣೆಗಾರರ ಪಟ್ಟಿ| ವಿವಾದಾತ್ಮಕ ಕಾಮೆಂಟೇಟರ್‌ ಸಂಜಯ್‌ ಮಾಂಜ್ರೇಕರ್| ಐಪಿಎಲ್ ಕಾಮೆಂಟ್ರಿಗೆ ಇಲ್ಲ ಮಾಂಜ್ರೇಕರ್!|
 )
Followನವದೆಹಲಿ(ಸೆ.06): 13ನೇ ಆವೃತ್ತಿಯ ಐಪಿಎಲ್‌ಗೆ ವೀಕ್ಷಕ ವಿವರಣೆಗಾರರ ಪಟ್ಟಿಯನ್ನು ಬಿಸಿಸಿಐ ಸಿದ್ಧಪಡಿಸಿದ್ದು, ವಿವಾದಾತ್ಮಕ ಕಾಮೆಂಟೇಟರ್‌ ಸಂಜಯ್‌ ಮಾಂಜ್ರೇಕರ್‌ರನ್ನು ಕೈಬಿಡಲಾಗಿದೆ ಎಂದು ಮಾಧ್ಯಮಗಳು ವರದಿ ಮಾಡಿವೆ.
ಬಿಸಿಸಿಐನ ಪಟ್ಟಿಯನ್ನು ಸುನಿಲ್‌ ಗವಾಸ್ಕರ್‌, ಅಂಜುಮ್‌ ಚೋಪ್ರಾ, ಹರ್ಷಾ ಬೋಗ್ಲೆ, ದೀಪ್‌ದಾಸ್‌ ಗುಪ್ತಾ, ರೋಹನ್‌ ಗವಾಸ್ಕರ್‌, ಮುರಳಿ ಕಾರ್ತಿಕ್‌ ಹಾಗೂ ಲಕ್ಷ್ಮಣ್‌ ಶಿವರಾಮಕೃಷ್ಣನ್‌ ಹೆಸರಿದೆ ಎಂದು ವರದಿಯಲ್ಲಿ ತಿಳಿಸಲಾಗಿದೆ. 71 ವರ್ಷ ವಯಸ್ಸಿನ ಗವಾಸ್ಕರ್‌ ಸೇರಿ ಎಲ್ಲರೂ ಯುಎಇಗೆ ಪ್ರಯಾಣಿಸಲಿದ್ದಾರೆ.
ಇದೇ ವರ್ಷ ಮಾಚ್‌ರ್‍ನಲ್ಲಿ ದ.ಆಫ್ರಿಕಾ ಸರಣಿ ವೇಳೆ ಮಾಂಜ್ರೇಕರ್‌ರನ್ನು ಬಿಸಿಸಿಐ ತನ್ನ ವೀಕ್ಷಕ ವಿವರಣೆಗಾರರ ತಂಡದಿಂದ ಕೈಬಿಟ್ಟಿತ್ತು. ಮಾಂಜ್ರೇಕರ್ 2 ಬಾರಿ ಕ್ಷಮೆ ಕೋರಿ ಬಿಸಿಸಿಐಗೆ ಪತ್ರ ಬರೆದಿದ್ದರು. ಆದರೂ ಅವರನ್ನು ಐಪಿಎಲ್‌ಗೆ ಆಯ್ಕೆ ಮಾಡದಿರುವುದು ಅಚ್ಚರಿ ಮೂಡಿಸಿದೆ.
