ಟ್ರಂಪ್ ಸೂಚನೆ ಧಿಕ್ಕರಿದ ಮೇಡ್‌ ಇನ್‌ ಇಂಡಿಯಾ ಐಫೋನ್‌ಗೆ ಶೇ.25ರಷ್ಟು ಸುಂಕ ಬೆದರಿಕೆ

ಟ್ರಂಪ್ ಮತ್ತೆ ತೆರಿಗೆ ಯುದ್ಧ ಆರಂಭಿಸಿದ್ದಾರೆ. ಡೋನಾಲ್ಡ್ ಟ್ರಂಪ್ ಮಾತು ಧಿಕ್ಕರಿಸಿ ಭಾರತದಲ್ಲಿ ಆ್ಯಪಲ್ ಐಫೋನ್ ಉತ್ಪಾದನೆ ಖಚಿತ ಎಂದು ಟಿಮ್ ಕುಕ್ ಸ್ಪಷ್ಟಪಡಿಸಿದ್ದರು. ಆದರೆ ಭಾರತದಲ್ಲಿ ತಯಾರಾಗುವ ಐಫೋನ್‌ಗಳ ಮೇಲೆ ಶೇಕಡಾ 25ರಷ್ಟು ತೆರಿಗೆ ವಿಧಿಸುವುದಾಗಿ ಟ್ರಂಪ್ ಎಚ್ಚರಿಸಿದ್ದಾರೆ.

Donald Trump

Image Credit: social media

ವಾಷಿಂಗ್ಟನ್‌(ಮೇ.24): ‘ಅಮೆರಿಕದಲ್ಲಿ ಮಾರಾಟವಾಗುವ ಐಫೋನ್‌ಗಳನ್ನು ಅಮೆರಿಕದಲ್ಲೇ ತಯಾರಿಸದಿದ್ದರೆ, ಅದರ ಉತ್ಪಾದನಾ ಕಂಪನಿಯಾದ ಆ್ಯಪಲ್‌ ಶೇ.25 ಸುಂಕ ಪಾವತಿಸಬೇಕಾಗುತ್ತದೆ’ ಎಂದು ಅಮೆರಿಕ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಶುಕ್ರವಾರ ಹೇಳಿದ್ದಾರೆ. ಇದಲ್ಲದೆ, ‘ಯುರೋಪ್‌ ಒಕ್ಕೂಟವು ವ್ಯಾಪಾರ ಒಪ್ಪಂದಕ್ಕೆ ಸಿದ್ಧವಾಗುತ್ತಿಲ್ಲ. ಹೀಗಾಗಿ ಜೂ.1ರಿಂದ ಇ.ಯು. ವಸ್ತುಗಳಿಗೂ ಅಮೆರಿಕದಲ್ಲಿ ಶೇ.50ರಷ್ಟು ತೆರಿಗೆ ಹಾಕಲಾಗುವುದು’ ಎಂದು ಎಚ್ಚರಿಸಿದ್ದಾರೆ.ಐಫೋನ್‌ಗಳು ಭಾರತ-ಚೀನಾದಲ್ಲಿ ಹೆಚ್ಚುಉತ್ಪಾದನೆ ಆಗುತ್ತವೆ. ಹೀಗಾಗಿ ಇತ್ತೀಚೆಗೆಟ್ರಂಪ್‌ ಅವರು ಭಾರತದ ಬದಲು ಅಮೆರಿಕದಲ್ಲೇಹೆಚ್ಚು ಐಫೋನ್‌ಉತ್ಪಾದಿಸಿ ಎಂದು ಆ್ಯಪಲ್‌ಗೆ ಕರೆ ನೀಡಿದ್ದರು. ಇದಕ್ಕೂ ಮುನ್ನ ಇ.ಯು. ವಿರುದ್ಧ ಸಾರಿದ್ದ ತೆರಿಗೆ ಕದನಕ್ಕೆ ವಿರಾಮ ಹಾಕಿ ಇತರ ದೇಶಗಳ ರೀತಿ 90 ದಿನಗಳ ತಡೆ ನೀಡಿದ್ದರು.

ಮತ್ತೆ ತೆರಿಗೆ ಕದನ:

ಈಗ ಮತ್ತೆ ತೆರಿಗೆ ಕದನ ಆರಂಭಿಸಿರುವ ಟ್ರಂಪ್‌ ಈ ಬಗ್ಗೆ ಟ್ರೂತ್ ಸೋಷಿಯಲ್‌ನಲ್ಲಿ ಪೋಸ್ಟ್ ಮಾಡಿ, ‘ನಾನು ಆ್ಯಪಲ್‌ನ ಟಿಮ್ ಕುಕ್ ಅವರಿಗೆ ಬಹಳ ಹಿಂದೆಯೇ ತಿಳಿಸಿದ್ದೇನೆ, ಅಮೆರಿಕದಲ್ಲಿ ಮಾರಾಟವಾಗುವ ಅವರ ಐಫೋನ್‌ಗಳನ್ನು ಭಾರತ ಅಥವಾ ಬೇರೆಲ್ಲಿಯೂ ಅಲ್ಲ, ಅಮೆರಿಕದಲ್ಲಿಯೇಉತ್ಪಾದಿಸಬೇಕು ಎಂದು ನಾನು ನಿರೀಕ್ಷಿಸುತ್ತೇನೆ. ಹಾಗಾಗದಿದ್ದರೆ,ಆ್ಯಪಲ್ ಅಮೆರಿಕಕ್ಕೆ ಕನಿಷ್ಠ ಶೇ.25 ಸುಂಕ ಪಾವತಿಸಬೇಕು. ಧನ್ಯವಾದ’ ಎಂದು ಹೇಳಿದ್ದಾರೆ.ಆದಾಗ್ಯೂ, ಟ್ರಂಪ್ ನಿಜವಾಗಿಯೂ ಒಂದು ನಿರ್ದಿಷ್ಟ ಕಂಪನಿಯ ಮೇಲೆ ಸುಂಕ ವಿಧಿಸುವ ಕಾನೂನುಬದ್ಧ ಅಧಿಕಾರವನ್ನು ಹೊಂದಿದ್ದಾರೆಯೇ ಎಂಬುದು ಇನ್ನೂ ಸ್ಪಷ್ಟವಾಗಿಲ್ಲ. ಟ್ರಂಪ್ ಅವರ ಈಗಿನ ಎಚ್ಚರಿಕೆ ಬಗ್ಗೆ ಆ್ಯಪಲ್ ಇದುವರೆಗೆ ಯಾವುದೇ ಪ್ರತಿಕ್ರಿಯೆ ನೀಡಿಲ್ಲ.

ಷೇರು ಕುಸಿತ:ಟ್ರಂಪ್‌ ಎಚ್ಚರಿಕೆ ಬೆನ್ನಲ್ಲೇ ಅಮೆರಿಕದ ಡೌ ಜೋನ್ಸ್‌ ಷೇರುಪೇಟೆ 1.5% ಹಾಗೂ ನಾಸ್ಡಾಕ್‌ 1.7% ಅಂಕಗಳಷ್ಟು ಕುಸಿದಿವೆ. ಕಚ್ಚಾತೈಲಬೆಲೆ ಕೂಡ ಏರಿದೆ. ಇನ್ನು ಆ್ಯಪಲ್ ಷೇರುಗಳು ಪ್ರಿಮಾರ್ಕೆಟ್ ವಹಿವಾಟಿನಲ್ಲಿ ಶೇ.2.5 ರಷ್ಟು ಕುಸಿದಿವೆ.

ಟ್ರಂಪ್ ಸೂಚನೆ ಧಿಕ್ಕರಿಸಿದ ಆ್ಯಪಲ್

ಇತ್ತೀಚೆಗೆ ದೋಹಾದಲ್ಲಿ ನಡೆದ ಉದ್ಯಮ ಶೃಂಗಸಭೆಯಲ್ಲಿ ಡೋನಾಲ್ಡ್ ಟ್ರಂಪ್ ನೇರವಾಗಿ ಆ್ಯಪಲ್ ಸಂಸ್ಥೆಗೆ ಎಚ್ಚರಿಕೆ ನೀಡಿದ್ದರು. ಆ್ಯಪಲ್ ಸಿಇಒ ಟಿಮ್ ಕುಕ್ ನನ್ನ ಆತ್ಮೀಯ ಸ್ನೇಹಿತ. ಆದರೆ ಟಿಮ್ ಕುಕ್, ಭಾರತದಲ್ಲಿ ಆ್ಯಪಲ್ ಉದ್ಯಮ ವಿಸ್ತರಿಸುತ್ತಿದ್ದಾರೆ. ಇದಕ್ಕೆ ಬಂಡವಾಳ ಹೂಡಿಕೆ ಮಾಡುತ್ತಿದ್ದಾರೆ. ಭಾರತ ಅತೀ ಹೆಚ್ಚು ತೆರಿಗೆ ವಿಧಿಸುವ ರಾಷ್ಟ್ರ.ಭಾರತದಲ್ಲಿ ಘಟಕ ವಿಸ್ತರಣೆ ಮಾಡಿ ಅವರ ಉದ್ಧಾರ ಮಾಡಬೇಕಿಲ್ಲ. ಭಾರತದ ವಿಚಾರ ಅವರು ನೋಡಿಕೊಳ್ಳುತ್ತಾರೆ. ಅಮೆರಿಕದಲ್ಲಿ ಆ್ಯಪಲ್ ಉತ್ಪಾದನೆ ಮಾಡಬೇಕು ಎಂದು ಸೂಚಿಸಿದ್ದರು.

ಟ್ರಂಪ್ ಸೂಚನೆ ಬೆನ್ನಲ್ಲೇ ಟಿಮ್ ಕುಕ್ ಭಾರತದಲ್ಲಿನ ಬಂಡವಾಳ ಹೂಡಿಕೆ ಹಾಗೂ ಉದ್ಯಮ ವಿಸ್ತರಣೆ ಕುರಿತು ಸ್ಪಷ್ಟನೆ ನೀಡಿದ್ದರು. ಭಾರತದಲ್ಲಿನ ಹೂಡಿಕೆ ಮುಂದುವರಿಯಲಿದೆ ಎಂದು ಸ್ಪಷ್ಟಪಡಿಸಿದ್ದರು. ಇದೀಗ ಟ್ರಂಪ್ ಮಾತು ಧಿಕ್ಕಿರಿಸಿದ ಆ್ಯಪಲ್‌ಗೆ ಸುಂಕ ಬರೆ ಹಾಕುವ ಎಚ್ಚರಿಕೆ ನೀಡಲಾಗಿದೆ.