ರಕ್ಷಾ ಬಂಧನ, ಸಹೋದರಿಯರಿಗೆ ಉತ್ತರ ಪ್ರದೇಶ ಸಿಎಂ ಅಚ್ಚರಿಯ ಗಿಫ್ಟ್!
* ಆಗಸ್ಟ್ 22ರಂದು ರಕ್ಷಾ ಬಂಧನ
* ರಕ್ಷಾ ಬಂಧನದಂದು ಉತ್ತರ ಪ್ರದೇಶ ಹೆಣ್ಮಕ್ಕಳಿಗೆ ವಿಶೇಷ ಗಿಫ್ಟ್
* ರಾಜ್ಯ ರಸ್ತೆ ಸಾರಿಗೆಯಲ್ಲಿ ಉಚಿತ ಪ್ರಯಾಣ
Followನವದೆಹಲಿ(ಆ.08): ರಕ್ಷಾಬಂಧನ ಆಗಸ್ಟ್ 22 ರಂದು ಆಚರಿಸಲಾಗುತ್ತದೆ, ಅಲ್ಲಿ ದೇಶಾದ್ಯಂತ ಕೋಟ್ಯಂತರ ಸಹೋದರಿಯರು ತಮ್ಮ ಸಹೋದರರ ಮಣಿಕಟ್ಟಿಗೆ ಕಟ್ಟಿ ಸಂಭ್ರಮಿಸುತ್ತಾರೆ. ಏತನ್ಮಧ್ಯೆ, ಯುಪಿ ಸಿಎಂ ಯೋಗಿ ಆದಿತ್ಯನಾಥ್ ಈ ಸಹೋದರಿಯರಿಗೆ ದೊಡ್ಡ ಉಡುಗೊರೆಯನ್ನು ನೀಡಿದ್ದಾರೆ. ಹೌದು ರಾಜ್ಯ ರಸ್ತೆ ಸಾರಿಗೆ ಸಂಸ್ಥೆಯ ಬಸ್‌ಗಳಲ್ಲಿ ಉಚಿತ ಪ್ರಯಾಣದ ಜೊತೆಗೆ ರಾಜ್ಯದ ತಾಯಂದಿರು ಮತ್ತು ಸಹೋದರಿಯರಿಗೆ ರಾಖಿ ಮತ್ತು ಮಾಸ್ಕ್ ನೀಡುವುದಾಗಿ ಘೋಷಿಸಿದ್ದಾರೆ.
ಈ ಉಡುಗೊರೆ ಯಾವಾಗ ಸಿಗುತ್ತೆ
ಸಿಎಂ ಯೋಗಿ ಭಾನುವಾರ ಇಂತಹುದ್ದೊಂದು ನಿರ್ಧಾರ ತೆಗೆದುಕೊಂಡಿದ್ದಾರೆ. ಅಧಿಕಾರಿಗಳಿಗೆ ಸೂಚನೆ ನೀಡುವಾಗ, ಅವರು ಅಣ್ಣ-ತಂಗಿಯರ ಪರಸ್ಪರ ಪ್ರೀತಿಯ ಪವಿತ್ರ ಹಬ್ಬವಾದ ರಕ್ಷಾಬಂಧನದ ಸಂದರ್ಭದಲ್ಲಿ, ರಾಜ್ಯ ರಸ್ತೆ ಸಾರಿಗೆ ಸಂಸ್ಥೆಯ ಬಸ್ಸುಗಳಲ್ಲಿ ಪ್ರಯಾಣಿಸುವ ರಾಜ್ಯದ ತಾಯಂದಿರು ಮತ್ತು ಸಹೋದರಿಯರಿಂದ ಯಾವುದೇ ಶುಲ್ಕ ತೆಗೆದುಕೊಳ್ಳುವುದಿಲ್ಲ ಎಂದು ಹೇಳಿದ್ದಾರೆ.
ಮಹಿಳಾ ಪೊಲೀಸರಿಗೆ ಈ ಉಡುಗೊರೆ
ಈ ಉಡುಗೊರೆ ಆಗಸ್ಟ್ 21 ರಂದು ರಕ್ಷಾ ಬಂಧನಕ್ಕೆ ಒಂದು ದಿನ ಮೊದಲು ಇರುತ್ತದೆ. ಮಿಷನ್ ಶಕ್ತಿ 3.0 ಅನ್ನು ಪ್ರಾರಂಭಿಸುವುದರೊಂದಿಗೆ, ಯೋಗಿ ಸರ್ಕಾರವು ಮಹಿಳೆಯರು ಮತ್ತು ಹೆಣ್ಣು ಮಕ್ಕಳಿಗೆ ಅನೇಕ ದೊಡ್ಡ ಉಡುಗೊರೆಗಳನ್ನು ನೀಡಲು ಸಿದ್ಧತೆ ನಡೆಸುತ್ತಿದೆ ಎಂದು ಹೇಳಲಾಗುತ್ತಿದೆ. ರಕ್ಷಾಬಂಧನದ ಮುನ್ನಾದಿನದಂದು ಮುಖ್ಯಮಂತ್ರಿ ಯೋಗಿ ಆದಿತ್ಯನಾಥ್ ಅವರು ಮಹಿಳಾ ಸಹೋದ್ಯೋಗಿಗಳಂತೆಯೇ ಮಹಿಳಾ ಪೊಲೀಸರಿಗೂ ಬೀಟ್ ಪೊಲೀಸ್ ಅಧಿಕಾರಿಯಾಗಿ ಪೋಸ್ಟ್ ಮಾಡುವ ಉಡುಗೊರೆಯನ್ನು ನೀಡಲಿದ್ದಾರೆ.
