ಹೊಸ ಸೋಂಕಿತರಿಗಿಂತ ಡಬ್ಬಲ್‌ ಜನರು ಗುಣಮುಖ!
* 2.6 ಲಕ್ಷ ಹೊಸ ಕೇಸ್‌, 28 ದಿನಗಳ ಕನಿಷ್ಠ
* ದಾಖಲೆಯ 4.2 ಲಕ್ಷ ಜನ ಗುಣಮುಖ
* ಕೋವಿಡ್‌ಗೆ ದಾಖಲೆಯ 4329 ಬಲಿ
* ಸಕ್ರಿಯ ಕೇಸು ಸಂಖ್ಯೆ 33 ಲಕ್ಷಕ್ಕೆ ಇಳಿಕೆ
ನವದೆಹಲಿ(ಮೇ.19): ಕೊರೋನಾ ಸೋಂಕಿನ 2ನೇ ಅಲೆ ಇಳಿಕೆಯಾಗುತ್ತಿರಬಹುದು ಎಂಬ ಸುಳಿವಿನ ನಡುವೆಯೇ, ಮಂಗಳವಾರ ಹೊಸ ಸೋಂಕಿತರಿಗಿಂತ ಡಬಲ್‌ ಪ್ರಮಾಣದ ಜನರು ಗುಣಮುಖರಾಗಿ ಮನೆಗೆ ತೆರಳುವ ಮೂಲಕ ಶುಭ ಸುದ್ದಿ ನೀಡಿದ್ದಾರೆ.
ಮಂಗಳವಾರ ಬೆಳಗ್ಗೆ 8 ಗಂಟೆಗೆ ಮುಕ್ತಾಯವಾದ 24 ಗಂಟೆಗಳ ಅವಧಿಯಲ್ಲಿ ದೇಶದಲ್ಲಿ 2,63,533 ಜನರಲ್ಲಿ ಹೊಸದಾಗಿ ಸೋಂಕು ದೃಢಪಟ್ಟಿದ್ದರೆ, 422436 ಜನರು ಸೋಂಕಿನಿಂದ ಗುಣಮುಖರಾಗಿದ್ದಾರೆ. ಈ ಸೋಂಕಿತರ ಪ್ರಮಾಣ ಕಳೆದ 28 ದಿನಗಳಲ್ಲೇ ಕನಿಷ್ಠವಾಗಿದೆ. ಜೊತೆಗೆ ಒಂದೇ ದಿನದಲ್ಲಿ ಗುಣಮುಖರಾದವರ ಪ್ರಮಾಣ 4 ಲಕ್ಷ ದಾಟಿದ್ದು ಇದೇ ಮೊದಲು. ಇದರೊಂದಿಗೆ ದೇಶದಲ್ಲಿ ಒಟ್ಟು ಸೋಂಕಿತರ ಸಂಖ್ಯೆ 252,28,996ಕ್ಕೆ ತಲುಪಿದ್ದರೆ, ಗುಣಮುಖರಾದವರ ಪ್ರಮಾಣ 2,15,96,512ಕ್ಕೆ ಏರಿದೆ. ಸಕ್ರಿಯ ಸೋಂಕಿತರ ಪ್ರಮಾಣವು 33 ಲಕ್ಷಕ್ಕೆ ಇಳಿಕೆಯಾಗಿದೆ.
ದಾಖಲೆ ಸಾವು: ಈ ನಡುವೆ ಕಳೆದ 24 ಗಂಟೆಯಲ್ಲಿ ದಾಖಲೆಯ 4,329 ಜನರನ್ನು ಬಲಿಪಡೆದಿದೆ. ಇದರೊಂದಿಗೆ ಒಟ್ಟು ಸಾವಿನ ಸಂಖ್ಯೆ 2,78,719ಕ್ಕೆ ತಲುಪಿದೆ.
ಸೂಚನೆ: ಕೊರೋನಾ ಮಹಾಮಾರಿ ಎಲ್ಲೆಡೆ ಹರಡುತ್ತಿದೆ. ಹೀಗಿರುವಾಗ ಎಲ್ಲರೂ ತಪ್ಪದೇ ಮಾಸ್ಕ್ ಧರಿಸಿ, ಸಾಮಾಜಿಕ ಅಂತರ ಕಾಪಾಡಿ ಹಾಗೂ ಲಸಿಕೆ ಪಡೆಯಿರಿ ಎಂಬುವುದು ಏಷ್ಯಾನೆಟ್‌ ನ್ಯೂಸ್‌ ಕಳಕಳಿಯ ವಿನಂತಿ. ಒಗ್ಗಟ್ಟಿನಿಂದ ನಾವು ಈ ಕೊರೋನಾ ಸರಪಳಿ ಮುರಿಯೋಣ #ANCares #IndiaFightsCorona
