ರಾಹುಲ್ ಗಾಂಧಿಯನ್ನು ಸಂಸದ ಸ್ಥಾನದಿಂದ ಅನರ್ಹಗೊಳಿಸಿರುವುದಕ್ಕೆ ಭಾರತೀಯ ಮೂಲಕ ಅಮೆರಿಕ ಸಂಸದ ರೋ ಖನ್ನಾ ವಿರೋಧ ವ್ಯಕ್ತಪಡಿಸಿದ್ದಾರೆ. ಇದು ಗಾಂಧಿ ತತ್ವಗಳು ಮತ್ತು ಭಾರತದ ಉನ್ನತ ಮೌಲ್ಯಗಳಿಗೆ ವಿರುದ್ಧವಾಗಿದೆ. ಈ ಆದೇಶವನ್ನು ತಡೆಹಿಡಿಯುವ ಅಧಿಕಾರ ನಿಮಗಿದೆ ಮೋದಿ ಅವರೇ ಎಂದು ಅವರು ಹೇಳಿದ್ದಾರೆ.
ನವದೆಹಲಿ: ರಾಹುಲ್ ಗಾಂಧಿ ಪ್ರತಿನಿಧಿಸಿದ್ದ ವಯನಾಡ್ ಲೋಕಸಭಾ ಕ್ಷೇತ್ರ ತೆರವಾಗಿರುವುದನ್ನು ಲೋಕಸಭೆಯ ವೆಬ್ಸೈಟ್ನಲ್ಲಿ ನಮೂದು ಮಾಡಲಾಗಿದೆ. ಈ ಮೂಲಕ ಖಾಲಿಯಿದ್ದ 2 ಲೋಕಸಭಾ ಕ್ಷೇತ್ರಗಳ ಸಂಖ್ಯೆಯನ್ನು 3 ಎಂದು ತೋರಿಸಲಾಗುತ್ತಿದೆ. 2019 ಲೋಕಸಭಾ ಚುನಾವಣೆಯಲ್ಲಿ ಕೇರಳದ ವಯನಾಡ್ ಕ್ಷೇತ್ರದಿಂದ ಸ್ಪರ್ಧಿಸಿ ರಾಹುಲ್ ಲೋಕಸಭೆಗೆ ಆಯ್ಕೆಯಾಗಿದ್ದರು. ಜಲಂಧರ್ ಕ್ಷೇತ್ರದ ಸಂಸದ ಕಾಂಗ್ರೆಸ್ಸಿನ ಸಂತೋಖ್ ಸಿಂಗ್ ನಿಧನದಿಂದ ಹಾಗೂ ಪ್ರಕರಣವೊಂದರಲ್ಲಿ ಎನ್ಸಿಪಿಯ ಮೊಹಮ್ಮದ್ ಫೈಸಲ್ ಪಿ.ಪಿ ಜೈಲು ಸೇರಿರುವ ಕಾರಣ ಲಕ್ಷದ್ವೀಪ ಕ್ಷೇತ್ರಗಳು ತೆರವಾಗಿದ್ದವು. ಇದೀಗ ಮಾನನಷ್ಟಪ್ರಕರಣದಲ್ಲಿ ಅನರ್ಹಗೊಂಡಿರುವ ರಾಹುಲ್ ಕ್ಷೇತ್ರ ಕೂಡ ತೆರವಾಗಿದೆ.
ರಾಹುಲ್ ಅನರ್ಹತೆಗೆ ಅಮೆರಿಕ ಸಂಸದ ವಿರೋಧ
ವಾಷಿಂಗ್ಟನ್: ರಾಹುಲ್ ಗಾಂಧಿಯನ್ನು ಸಂಸದ ಸ್ಥಾನದಿಂದ ಅನರ್ಹಗೊಳಿಸಿರುವುದಕ್ಕೆ ಭಾರತೀಯ ಮೂಲಕ ಅಮೆರಿಕ ಸಂಸದ ರೋ ಖನ್ನಾ ವಿರೋಧ ವ್ಯಕ್ತಪಡಿಸಿದ್ದಾರೆ. ಇದು ಗಾಂಧಿ ತತ್ವಗಳು ಮತ್ತು ಭಾರತದ ಉನ್ನತ ಮೌಲ್ಯಗಳಿಗೆ ವಿರುದ್ಧವಾಗಿದೆ. ಈ ಆದೇಶವನ್ನು ತಡೆಹಿಡಿಯುವ ಅಧಿಕಾರ ನಿಮಗಿದೆ ಮೋದಿ ಅವರೇ ಎಂದು ಅವರು ಹೇಳಿದ್ದಾರೆ.
ಇದನ್ನು ಓದಿ: ರಾಹುಲ್ ಗಾಂಧಿ ವಿರುದ್ಧ ಯೋಜಿತ ವೈಯಕ್ತಿಕ ದಾಳಿ: ಗಾಂಧಿ ಕುಟುಂಬ ಆಪ್ತ ಸ್ಯಾಮ್ ಪಿತ್ರೋಡಾ ಆಕ್ರೋಶ
ರಾಹುಲ್ ಮುಂದಿನ ಕಾನೂನು ಹಾದಿಗಳೇನು?
- ಮಾನಹಾನಿ ಕೇಸಲ್ಲಿ ಸೂರತ್ ಕೋರ್ಟ್ ತೀರ್ಪಿಗೆ ತಡೆ ಕೋರಿ ಸೆಶೆನ್ಸ್ ಕೋರ್ಚ್ಗೆ ಮೊರೆ
- ಸೆಶೆನ್ಸ್ ಕೋರ್ಟ್ನಲ್ಲಿ ನೆರವು ಸಿಗದೇ ಹೋದಲ್ಲಿ ಉನ್ನತ ಕೋರ್ಚ್ ಮೆಟ್ಟಿಲೇರಬಹುದು
- ಪ್ರಕರಣ ವಿಚಾರಣೆ ಹಂತದಲ್ಲಿದಾಗ, ಮಧ್ಯಂತರ ತಡೆ ಕೋರಿ ಮೇಲಿನ ಕೋರ್ಟ್ ಮೊರೆ
- ಸಂವಿಧಾನದ 136ನೇ ವಿಧಿ ಅನ್ವಯ ಸುಪ್ರೀಂಕೋರ್ಟ್ಗೂಗೂ ಮೇಲ್ಮನವಿ ಸಲ್ಲಿಸಬಹುದು
- ಅನರ್ಹತೆ ಪ್ರಶ್ನಿಸಿ ನೇರವಾಗಿ ರಾಷ್ಟ್ರಪತಿಗಳ ಬಳಿಗೂ ರಾಹುಲ್ ದೂರು ಸಲ್ಲಿಸಬಹುದು
ರಾಹುಲ್ ಏನೇನು ಕಳೆದುಕೊಳ್ಳುತ್ತಾರೆ?
- ತಕ್ಷಣದಿಂದ ವಯನಾಡು ಲೋಕಸಭಾ ಕ್ಷೇತ್ರದ ಸದಸ್ಯತ್ವ
- ಲೋಕಸಭಾ ಸದಸ್ಯರಿಗೆ ನೀಡಿದ್ದ ದೆಹಲಿ ಸರ್ಕಾರಿ ಬಂಗಲೆ
- ಸದಸ್ಯರಿಗೆ ನೀಡುವ ವೇತನ, ಭತ್ಯೆ, ಇತರೆ ಸೌಲಭ್ಯಗಳು
- ಕ್ಷೇತ್ರ ಭತ್ಯೆ, ಫೋನ್ ಬಿಲ್, ಪ್ರಯಾಣ ಸವಲತ್ತುಗಳು
- 8 ವರ್ಷಗಳ ಕಾಲ ಚುನಾವಣೆಯಲ್ಲಿ ಸ್ಪರ್ಧಿಸುವ ಅವಕಾಶ
- ಶಿಕ್ಷೆ ಪ್ರಶ್ನಿಸಿ ಮೇಲ್ಮನವಿ ಸಲ್ಲಿಸದಿದ್ದರೆ 30 ದಿನದ ಬಳಿಕ ಜೈಲಿಗೆ
ಇದನ್ನೂ ಓದಿ: Sorry Politics: ರಾಹುಲ್ - ಮೋದಿ ಕ್ಷಮೆ ಗಲಾಟೆಗೆ ಬಲಿಯಾಯ್ತು 2ನೇ ದಿನದ ಕಲಾಪ..!
