ಕಂಕುಳಲ್ಲಿ ಮಗು ಹೊತ್ತು ಟ್ರಾಫಿಕ್ ನಿಯಂತ್ರಣ: ವಿಡಿಯೋ ವೈರಲ್!
ಮಹಿಳಾ ಪೊಲೀಸರೊಬ್ಬರು ಮಗುವನ್ನು ಕಂಕುಳಲ್ಲಿ ಹೊತ್ತು ಟ್ರಾಫಿಕ್ ನಿಯಂತ್ರಣ ಕೆಲಸ| ಮಹಿಳೆಯ ಕರ್ತವ್ಯ ಪ್ರಜ್ಞೆ ಮತ್ತು ಮಗುವಿನ ಬಗ್ಗೆ ಆ ತಾಯಿಗಿರುವ ಕಾಳಜಿಗೆ ಶ್ಲಾಘನೆ
ಚಂಡೀಗಢ(ಮಾ.08): ಮಹಿಳಾ ಪೊಲೀಸರೊಬ್ಬರು ಮಗುವನ್ನು ಕಂಕುಳಲ್ಲಿ ಹೊತ್ತು ಟ್ರಾಫಿಕ್ ನಿಯಂತ್ರಣ ಕೆಲಸ ಮಾಡಿದ ಘಟನೆ ಚಂಡೀಗಢದಲ್ಲಿ ನಡೆದಿದೆ.
ದಾರಿಹೋಕರು ಈ ಮಹಿಳಾ ಪೊಲೀಸ್ ಅಧಿಕಾರಿ ಕರ್ತವ್ಯ ಪ್ರಜ್ಞೆ ಕಂಡು ವಿಡಿಯೋ ಮಾಡಿ ಸಾಮಾಜಿಕ ಜಾಲತಾಣಗಳಲ್ಲಿ ಹಂಚಿಕೊಂಡಿದ್ದಾರೆ. ಅದೀಗ ವೈರಲ್ ಆಗಿದೆ. ಆದರೆ ಕೆಲ ನೆಟ್ಟಗರು ಮಹಿಳೆಯ ಕರ್ತವ್ಯ ಪ್ರಜ್ಞೆ ಮತ್ತು ಮಗುವಿನ ಬಗ್ಗೆ ಆ ತಾಯಿಗಿರುವ ಕಾಳಜಿಯನ್ನು ಶ್ಲಾಘಿಸಿದ್ದಾರೆ.
ಹೀಗಿದ್ದರೂ ಇನ್ನೂ ಕೆಲವರು ಸಾಂಕ್ರಾಮಿಕ ರೋಗದ ಸಂದರ್ಭದಲ್ಲಿ ಜನನಿಬಿಡವಾಗಿರುವ, ವಾಯುಮಾಲಿನ್ಯ ಹೆಚ್ಚಿರುವ ಪ್ರದೇಶಕ್ಕೆ ಮಗುವನ್ನು ಕರೆತಂದು ಕೆಲಸ ಮಾಡುವುದು ಸೂಕ್ತ ಅಲ್ಲ. ಇದಕ್ಕೆ ಪ್ರೋತ್ಸಾಹ ನೀಡುವುದು ಸರಿಯಲ್ಲ ಎಂದು ದೂರಿದ್ದಾರೆ.