ಸುಲ್ತಾನ್ಪುರದ ಲಂಬುವಾ ಕ್ಷೇತ್ರದ ಬಿಜೆಪಿ ಶಾಸಕರ ಪತ್ನಿ ಪುಷ್ಪಾ ವರ್ಮಾ (65) ಮಂಗಳವಾರ ಮುಂಜಾನೆ ಘಾಜಿಪುರ ಸೆಕ್ಟರ್ 8 ನಲ್ಲಿರುವ ತಮ್ಮ ಮನೆಯಿಂದ ನಾಪತ್ತೆಯಾಗಿದ್ದಾರೆ ಎಂದು ಉತ್ತರ ವಲಯದ ಪೊಲೀಸ್ ಉಪ ಆಯುಕ್ತ (ಡಿಸಿಪಿ) ಖಾಸಿಮ್ ಅಬಿದಿ ತಿಳಿಸಿದ್ದಾರೆ.
ನವದೆಹಲಿ (ನ.1): ಉತ್ತರ ಪ್ರದೇಶದ ಸುಲ್ತಾನ್ಪುರ ಭಾರತೀಯ ಜನತಾ ಪಕ್ಷದ (ಬಿಜೆಪಿ) ಶಾಸಕ ಸೀತಾರಾಮ್ ವರ್ಮಾ ಅವರ ಪತ್ನಿ ಮಂಗಳವಾರ ಬೆಳಿಗ್ಗೆ ತಮ್ಮ ಮನೆಯಿಂದ ನಾಪತ್ತೆಯಾಗಿದ್ದಾರೆ. ಈ ಕುರಿತಂತೆ ಉತ್ತರ ಪ್ರದೇಶದ ಗಾಜಿಪುರ ಪೊಲೀಸ್ ಠಾಣೆಯಲ್ಲಿ ನಾಪತ್ತೆ ದೂರು ದಾಖಲಿಸಲಾಗಿದೆ ಎಂದು ಪೊಲೀಸರು ತಿಳಿಸಿದ್ದಾರೆ. ಸುಲ್ತಾನ್ಪುರದ ಲಂಬುವಾ ಕ್ಷೇತ್ರದ ಬಿಜೆಪಿ ಶಾಸಕರ ಪತ್ನಿ ಪುಷ್ಪಾ ವರ್ಮಾ (65) ಮಂಗಳವಾರ ಮುಂಜಾನೆ ಘಾಜಿಪುರ ಸೆಕ್ಟರ್ 8 ರ ತಮ್ಮ ಮನೆಯಿಂದ ನಾಪತ್ತೆಯಾಗಿದ್ದಾರೆ ಎಂದು ಉತ್ತರ ವಲಯದ ಪೊಲೀಸ್ ಉಪ ಆಯುಕ್ತ (ಡಿಸಿಪಿ) ಖಾಸಿಮ್ ಅಬಿದಿ ತಿಳಿಸಿದ್ದಾರೆ. ಪುಷ್ಪಾ ವರ್ಮಾ ತನ್ನ ಕುಟುಂಬದೊಂದಿಗೆ ಅಲ್ಲಿ ವಾಸಿಸುತ್ತಿದ್ದರು ಎಂದು ಅವರು ಮಾಹಿತಿ ನೀಡಿದ್ದಾರೆ.
ಮಂಗಳವಾರ ಬೆಳಗ್ಗೆ 6 ಗಂಟೆ ಸುಮಾರಿಗೆ ಯಾರಿಗೂ ಏನನ್ನೂ ಹೇಳದೆ ಪುಷ್ಪಾ ಮನೆಯಿಂದ ಹೊರಟಿದ್ದರು. ವ್ಯಾಪಕ ಹುಡುಕಾಟದ ನಂತರವೂ ಅವರು ಪತ್ತೆಯಾಗದಿದ್ದಾಗ, ಪಂಕಜ್ ಕುಮಾರ್ ತನ್ನ ತಂದೆ ಸೀತಾರಾಮ್ ವರ್ಮಾಗೆ ಮಾಹಿತಿ ನೀಡಿದರು, ಅವರು ನಂತರ ಸುಲ್ತಾನ್ಪುರದಿಂದ ಲಕ್ನೋಗೆ ತಲುಪಿಸಿದ್ದರು. ಆ ಬಳಿಕ ಗಾಜಿಪುರ ಪೊಲೀಸ್ ಠಾಣೆಯಲ್ಲಿ ನಾಪತ್ತೆಯಾಗಿರುವ ಕುರಿತು ದೂರು ದಾಖಲಿಸಲಾಯಿತು, ”ಅಬಿದಿ ತಿಳಿಸಿದ್ದಾರೆ.
ಆಕೆಯ ಕೊನೆಯ ಬಾರಿಗೆ ಕಂಡಿರುವ ಸ್ಥಳವನ್ನು ಪತ್ತೆಹಚ್ಚಲು ಎಲ್ಲಾ ಸಿಸಿಟಿವಿಗಳನ್ನು ಸ್ಕ್ಯಾನ್ ಮಾಡಲಾಗುತ್ತಿದೆ ಎಂದು ಡಿಸಿಪಿ ಹೇಳಿದರು, ಆಕೆಯ ಫೋಟೋವನ್ನು ಹತ್ತಿರದ ಎಲ್ಲಾ ಪ್ರದೇಶಗಳಲ್ಲಿ ವಿತರಿಸಲಾಗಿದೆ, ಅವರನ್ನು ಹುಡುಕಲು ಆರು ಪೊಲೀಸ್ ತಂಡಗಳನ್ನು ರಚಿಸಲಾಗಿದೆ ಎಂದು ಹೇಳಿದರು.
ಬ್ಯೂಟಿ ಪಾರ್ಲರ್ನಲ್ಲಿ ಐಬ್ರೋ ಮಾಡಿಸಿಕೊಂಡಿದ್ದಕ್ಕೆ ತ್ರಿವಳಿ ತಲಾಕ್ ನೀಡಿದ ಪತಿ!
ಇದೇ ವೇಳೆ ನಿನ್ನೆ ಶಾಸಕ ಸೀತಾರಾಮ್ ಅವರು ಡಿಎಸ್ಪಿ ಅವರನ್ನು ಭೇಟಿಯಾಗಿ ತಮ್ಮ ಪತ್ನಿಯನ್ನು ಶೀಘ್ರ ಪತ್ತೆ ಮಾಡುವಂತೆ ಕೋರಿದ್ದಾರೆ. ಡಿಸಿಪಿ ಗಾಜಿಪುರ ಮತ್ತು ಇಂದಿರಾನಗರ ಪೊಲೀಸ್ ಠಾಣೆಗಳಿಂದ ತಂಡಗಳನ್ನು ಶೋಧಕ್ಕಾಗಿ ನಿಯೋಜಿಸಲಾಗಿದೆ. ಮಾಹಿತಿ ನೀಡಿದ ಡಿಸಿಪಿ, ಶಾಸಕರ ಪತ್ನಿ ಅಮ್ನೇಸಿಯಾದಿಂದ ಬಳಲುತ್ತಿದ್ದು, ವೈದ್ಯರು ಚಿಕಿತ್ಸೆ ನೀಡುತ್ತಿದ್ದಾರೆ. ಇಂದಿರಾನಗರದ ಅರಬಿಂದೋ ಪಾರ್ಕ್ ಚೌಕಿ ಬಳಿ ಬೆಳಗ್ಗೆ 9 ಗಂಟೆ ಸುಮಾರಿಗೆ ಕಾಣಿಸಿಕೊಂಡಿದ್ದಾರೆ. ಪೊಲೀಸರು ಸಿಸಿಟಿವಿ ಕ್ಯಾಮೆರಾಗಳ ಸಹಾಯದಿಂದ ಶೋಧ ಕಾರ್ಯದಲ್ಲಿ ನಿರತರಾಗಿದ್ದಾರೆ.
32 ಲಕ್ಷದ ಜಾಬ್ ಆಫರ್ ತಿರಸ್ಕರಿಸಿದ ಉತ್ತರ ಪ್ರದೇಶ ಯವತಿಗೆ ಸಿಕ್ತು ಗೂಗಲ್ನಿಂದ ಬಂಪರ್ ಆಫರ್!
