ಸಾಮಾನ್ಯ ರೈಲು ಕಿ.ಮೀ.ಗೆ 1 ಪೈಸೆ, ಎಕ್ಸ್ಪ್ರೆಸ್ಗೆ 2 ಪೈಸೆ, ಎ.ಸಿ. ದರ್ಜೆ 4 ಪೈಸೆ ಹೆಚ್ಚಳ| ಹೊಸ ವರ್ಷಕ್ಕೆ ರೈಲು ದುಬಾರಿ: ಗ್ರಾಹಕರಿಗೆ ಶಾಕ್!
ನವದೆಹಲಿ[ಜ.01]: ಹೊಸ ವರ್ಷದ ಆರಂಭದಲ್ಲೇ ರೈಲ್ವೆ ಇಲಾಖೆ ಗ್ರಾಹಕರಿಗೆ ಶಾಕ್ ನೀಡಿದೆ. ಜ.1ರಿಂದಲೇ ಅನ್ವಯವಾಗುವಂತೆ ಎಲ್ಲಾ ಮಾದರಿ ರೈಲು ಪ್ರಯಾಣ ದರ ಏರಿಸಿ
ಸಮಗ್ರ ಸುದ್ದಿ ಮೂಲವನ್ನಾಗಿ asianet suvarna news ಅನ್ನು ಆಯ್ಕೆ ಮಾಡಿಕೊಳ್ಳಿ
ಹವಾ ನಿಯಂತ್ರಿತವಲ್ಲದ ಸಾಮಾನ್ಯ ರೈಲುಗಳು ಮತ್ತು ಸಬ್ ಅರ್ಬನ್ ಅಲ್ಲದ ರೈಲುಗಳ ಪ್ರಯಾಣ ದರವನ್ನು ಪ್ರತಿ ಕಿ.ಮೀ.ಗೆ 1 ಪೈಸೆ ಹೆಚ್ಚಳ ಮಾಡಲಾಗಿದೆ. ಹವಾ ನಿಯಂತ್ರಿತವಲ್ಲದ ಎಕ್ಸ್ಪ್ರೆಸ್ ರೈಲುಗಳ ಪ್ರಯಾಣ ದರ ಪ್ರತಿ ಕಿ.ಮೀ.ಗೆ 2 ಪೈಸೆ ಹಾಗೂ ಹವಾನಿಯಂತ್ರಿತ ದರ್ಜೆ (ಎ.ಸಿ.) ಪ್ರಯಾಣ ದರವನ್ನು ಪ್ರತಿ ಕಿ.ಮೀ.ಗೆ 4 ಪೈಸೆ ಹೆಚ್ಚಳ ಮಾಡಲಾಗಿದೆ.
ಶತಾಬ್ದಿ, ರಾಜಧಾನಿ ಮತ್ತು ದುರಂತೊ ರೈಲುಗಳೂ ದರ ಏರಿಕೆಗೆ ಒಳಪಟ್ಟಿವೆ. ಉದಾಹರಣೆಗೆ 1,447 ಕಿ.ಮೀ. ದೂರ ಕ್ರಮಿಸುವ ದೆಹಲಿ- ಕೋಲ್ಕತಾ ರಾಜಧಾನಿ ಎಕ್ಸ್ಪ್ರೆಸ್ ರೈಲಿನ ದರ ಪ್ರತಿ ಕಿ.ಮೀಗೆ 4 ಪೈಸೆಯಂತೆ 58 ರು. ಹೆಚ್ಚಳವಾಗಿದೆ. ಇದೇ ವೇಳೆ ಟಿಕೆಟ್ ಕಾಯ್ದಿರಿಸುವ ಶುಲ್ಕ ಮತ್ತು ಸೂಪರ್ಫಾಸ್ಟ್ ಶುಲ್ಕದಲ್ಲಿ ಯಾವುದೇ ವ್ಯತ್ಯಾಸ ಮಾಡಿಲ್ಲ.
