Cauvery Calling Movement: ಸಸಿ ನೆಡುವ ಚಳವಳಿ ಇಡೀ ದೇಶ ವ್ಯಾಪಿಸಲಿ
* ಕಾವೇರಿ ಕರೆ ಆಂದೋಲನದ ಯಶಸ್ಸು ಭಾರತದಾದ್ಯಂತ ಹರಡಬೇಕು:
* ನಟಿ ಜೂಹಿ ಚಾವ್ಲಾ ಕರೆ
* ರೈತರೊಂದಿಗೆ ಕುಳಿತು ಊಟ ಮಾಡಿದ ನಟಿ
* ಸಸಿ ನೆಡುವ ಕೆಲಸವನ್ನು ಪ್ರೋತ್ಸಾಹಿಸಿ
ಚೆನ್ನೈ(ಫೆ. 02) ಕಾವೇರಿ ಕಾಲಿಂಗ್ (Cauvery Calling) ಆಂದೋಲನದ ಅಂಗವಾಗಿ ಬಾಲಿವುಡ್ ನಟಿ ಜೂಹಿ ಚಾವ್ಲಾ(Juhi Chawla) ರೈತರೊಂದಿಗೆ ಸಂವಾದ ನಡೆಸಿದ್ದಾರೆ. ಕಾವೇರಿ ಕರೆ ಆಂದೋಲನಕ್ಕೆ ಧನ್ಯವಾದಗಳು, 1,25,000 ರೈತರು ಮರ ಆಧಾರಿತ ಕೃಷಿಗೆ ಬದಲಾಗಿದ್ದಾರೆ. ಅವರ ಆದಾಯ (Income) ಮತ್ತು ಇಳುವರಿ ದ್ವಿಗುಣಗೊಂಡಿದೆ. ಈ ದೊಡ್ಡ ಯಶಸ್ಸು ಭಾರತದಾದ್ಯಂತ ಹರಡಬೇಕು ಎಂದು ಜೂಹಿ ತಿಳಿಸಿದ್ದಾರೆ.
ಕಾವೇರಿ ಕರೆ ಆಂದೋಲನ ತನ್ನ ಬದ್ಧತೆಯನ್ನು ಹೆಚ್ಚಿಸುತ್ತಾ ಹೋಗುತ್ತಿದೆ ತಮಿಳುನಾಡಿನ ಈರೋಡ್ ಜಿಲ್ಲೆಯಲ್ಲಿ ರೈತರೊಂದಿಗೆ ಜೂಹಿ ಸಂವಾದ ನಡೆಸಿದರು ಮರ ಆಧಾರಿತ (Tree based Farming) ಕೃಷಿಯ ತಿಳಿವಳಿಕೆ ಹೆಚ್ಚಿಸುವುದು ಇದರ ಉದ್ದೇಶವಾಗಿತ್ತು.
ಮಹತ್ವಾಕಾಂಕ್ಷೆಯ ಚಳವಳಿಯ ಲಾಭಗಳನ್ನು ನೇರವಾಗಿ ಅರ್ಥಮಾಡಿಕೊಳ್ಳಲು ರೈತರನ್ನು ಭೇಟಿಯಾದರು. ಚಾವ್ಲಾ ಈರೋಡ್‌ಗೆ ಆಗಮಿಸಿ ಗೋಬಿಚೆಟ್ಟಿಪಾಳ್ಯಂ ಮೇವಾನಿ ಗ್ರಾಮಕ್ಕೆ ಪ್ರಯಾಣ ಬೆಳೆಸಿದರು. ಅಲ್ಲಿ ಸೆಂಥಿಲ್ ಕುಮಾರ್ ಅವರ ಮರ ಆಧಾರಿತ ಕೃಷಿಯ ಬಗ್ಗೆ ತಿಳಿದುಕೊಂಡರು. ಕುಮಾರ್ ಈ ಕೃಷಿ ಅಳವಡಿಕೆ ಮಾಡಿಕೊಂಡ ಮೊದಲಿಗರು. ಮರ ಆಧಾರಿತ ಕೃಷಿಯಿಂದ ತಮ್ಮ ಜೀವನ ಮತ್ತು ಪರಿಸರದಲ್ಲಿ ಆಗಿರುವ ಬದಲಾವಣೆಗಳನ್ನು ಮನದಟ್ಟು ಮಾಡಿಕೊಂರು.
ಇಲ್ಲಿಗೆ ಬರುವ ಮುನ್ನ ಈ ಯೋಜನೆಯಿಂದ ನೆಟ್ಟ ಸಸಿಗಳ 'ಸಂಖ್ಯೆ' ಆಧಾರಿತ ಮಾಹಿತಿಯಷ್ಟೇ ನನಗೆ ತಿಳಿದಿತ್ತು.ಆದರೆ ರೈತರೊಂದಿಗೆ ಮಾತನಾಡಿದ ನಂತರವೇ ಅವರ ಬದುಕು ಮತ್ತು ಪರಿಸರದಲ್ಲಿ ಆಗಿರುವ ಹಲವಾರು ಬದಲಾವಣೆಗಳ ಬಗ್ಗೆ ತಿಳಿದುಕೊಂಡೆ. ಇವೆ ಬದಲಾವಂಣೆಯ ಸೂಚನೆ ಎಂದು ಹೇಳಿದರು.
Cauvery Calling ಮರ ಆಧಾರಿತ ಕೃಷಿ ಅಳವಡಿಸಿದ 1.25 ಲಕ್ಷ ರೈತರು, ನಳನಳಿಸುತ್ತಿದೆ 2.1 ಕೋಟಿ ಗಿಡ!
ಅಪಾಯದ ಅಂಚಿನಲ್ಲಿ ಇರುವ ನದಿಗಳನ್ನು ಕಾಪಾಡುವ ಇಂಥ ಯೋಜನೆಗೆ ಎಲ್ಲರೂ ಬೆಂಬಲ ನೀಡಬೇಕು. ನದಿಗಳನ್ನು ಪುನರುಜ್ಜೀವನಗೊಳಿಸುವ ಮತ್ತು ಕೃಷಿ ಸಮುದಾಯಕ್ಕೆ ಸಮೃದ್ಧಿ ಮತ್ತು ಯೋಗಕ್ಷೇಮವನ್ನು ತರಲು ಆಂದೋಲನ ನೆರವಾಗಿ ನಿಲ್ಲುತ್ತದೆ ಎಂದರು.
ಬರಗಾಲ ಮತ್ತು ಕೆಲ ಸಮಸ್ಯೆ ಮತ್ತು ಪರಿಸ್ಥಿತಿಗಳಿಂದಾಗಿ ಅನೇಕ ರೈತರು ತಮ್ಮ ಭೂಮಿಯನ್ನು ಮಾರಾಟ ಮಾಡಲು ನಿರ್ಧರಿಸಿದ್ದರು. ಆದರೆ ರೈತರು ಸಹ ಕಾವೇರಿ ಕರೆ ಆಂದೋಲನದ ಮೂಲಕ ಮರ ಆಧಾರಿತ ಕೃಷಿಗೆ ಬದಲಾಗಿದ್ದಾರೆ. ಅವರು ಹೊಸ ಭರವಸೆಯನ್ನು ಕಂಡುಕೊಂಡಿದ್ದಾರೆ. ಅನೇಕ ರೈತರ ಆದಾಯ ಮತ್ತು ಇಳುವರಿ ಹಲವು ಪಟ್ಟು ಹೆಚ್ಚಾಗಿದೆ ಎಂದು ತಿಳಿದು ನನಗೆ ಸಂತೋಷವಾಗಿದೆ. ಆರ್ಥಿಕತೆ ಮಾತ್ರವಲ್ಲದೆ ಭೂಮಿಯ ಮಣ್ಣಿನ ಫಲವತ್ತತೆಯೂ ಸುಧಾರಿಸಿದೆ ಎಂದು ಅವರು ಹೇಳಿದರು,
ಕಾವೇರಿ ಕಾಲಿಂಗ್ ಆಂದೋಲನದ ಹರಿಹಾರ ಸದ್ಗುರುಗಳಿಗೆ ಜೂಹಿ ಧನ್ಯವಾದ ಅರ್ಪಿಸಿದರು . ಆಂದೋಲನದ ಪ್ರಭಾವವನ್ನು ನೋಡಿದ ನಂತರ ಅವರ ಮೇಲಿನ ಗೌರವ ಮತ್ತುಷ್ಟು ಹೆಚ್ಚಾಗಿದೆ ಎಂದು ಹೇಳಿದರು. ಇಂತಹ ಅದ್ಭುತ ಬದಲಾವಣೆಗಳನ್ನು ಮಾಡಿದ ಸದ್ಗುರು ಮತ್ತು ಇಶಾ ಸ್ವಯಂಸೇವಕರಿಗೆ ನನ್ನ ಹೃತ್ಪೂರ್ವಕ ಧನ್ಯವಾದಗಳು ಎಂದು ತಿಳಿಸಿದರು.
ಸ್ವಾಮೀಜಿಯವರು 1 ಲಕ್ಷ ಮರಗಳಿಗೆ ನಿಧಿ ಸಂಗ್ರಹಿಸುವ ವಾಗ್ದಾನ ಮಾಡಿದ್ದಾರೆ. ವಿಶೇಷ ಸಂದರ್ಭಗಳಲ್ಲಿ ತನ್ನ ಕುಟುಂಬ, ಸ್ನೇಹಿತರು ಮತ್ತು ಸಹೋದ್ಯೋಗಿಗಳಿಗೆ ಸಸಿಗಳನ್ನು ಉಡುಗೊರೆಯಾಗಿ ನೀಡುತ್ತಿದ್ದಾರೆ. ಸದ್ಗುರುಗಳು ಕೈಗೊಂಡ ಈ ಮಹತ್ಕಾರ್ಯದಲ್ಲಿ ನಾನು ಮೊದಲಿನಿಂದಲೂ ನನ್ನ ಬೆಂಬಲವನ್ನು ನೀಡುತ್ತಾ ಬಂದಿದ್ದೇನೆ. ಚಿತ್ರರಂಗದ ನನ್ನ ಸ್ನೇಹಿತರ ಹುಟ್ಟುಹಬ್ಬದಂದು 500-1000 ಸಸಿಗಳನ್ನು ನೆಡಲು ಧನಸಹಾಯ ಮಾಡುತ್ತಿದ್ದೇನೆ. ನಟರಾದ ಶಾರುಖ್ ಖಾನ್, ರಿಷಿ ಕಪೂರ್, ಆಯುಷ್ಮಾನ್ ಖುರಾನಾ, ಹೃತಿಕ್ ರೋಷನ್, ರಾಕೇಶ್ ರೋಷನ್, ಗಾಯಕರಾದ ಆಶಾ ಭೋಂಸ್ಲೆ ಮತ್ತು ಲತಾ ಮಂಗೇಶ್ಕರ್ ಮತ್ತು ಚಲನಚಿತ್ರ ನಿರ್ಮಾಪಕರಾದ ಅನುಪಮ್ ಖೇರ್ ಮತ್ತು ಯಶ್ ಚೋಪ್ರಾ ಅವರ ಜನ್ಮದಿನದಂದು ಸಸಿ ನೆಡುವ ಕೆಲಸ ಮಾಡಿದ್ದಾರೆ ಎಂದು ನಟಿ ತಿಳಿಸಿದರು.
ನಾನು ಸಾಮಾಜಿಕ ಜಾಲತಾಣಗಳಾದ ಇನ್‌ಸ್ಟಾಗ್ರಾಮ್ ಮತ್ತು ಟ್ವಿಟರ್‌ನಲ್ಲಿ ಕಾವೇರಿ ಕರೆ ಚಳವಳಿಯ ಬಗ್ಗೆ ಪೋಸ್ಟ್ ಮಾಡುತ್ತಿದ್ದೇನೆ. ಇದು ಚಿತ್ರರಂಗದಲ್ಲಿ ಉತ್ತಮ ಜಾಗೃತಿ ಮೂಡಿಸಿದೆ'. ಕಾವೇರಿ ನದಿಯ ಜಲಾನಯನ ಪ್ರದೇಶದಲ್ಲಿ 80,000 ಮರಗಳನ್ನು ಬೆಳೆಸಲು ಸಹಾಯ ಮಾಡಿದ ಎಂಬುದನ್ನು ತಿಳಿಸಿದರು.
ಪ್ರತಿಯೊಬ್ಬರು ತಮ್ಮ ಜನ್ಮದಿನದಂದು ಸಸಿ ನೆಡುವ ಪ್ರತಿಜ್ಞೆ ಮಾಡಬೇಕು. ನನ್ನ ಹುಟ್ಟುಹಬ್ಬದಂದು, ನಾನು ಮನವಿ ಮಾಡಿದೆ: 'ನನಗೆ ಹುಟ್ಟುಹಬ್ಬದ ಉಡುಗೊರೆಯಾಗಿ ಮರಗಳನ್ನು ನೆಡಿ, ಮತ್ತು ನನಗೆ ಬೇರೆ ಯಾವುದೇ ಉಡುಗೊರೆಯನ್ನು ನೀಡಬೇಡಿ ಎಂದು ಕೇಳಿಕೊಂಡೆ. ಸುಮಾರು 30,000 ಸಸಿಗಳನ್ನು ನೆಡಲು ನನ್ನ ಸ್ನೇಹಿತರು ಮತ್ತು ಅಭಿಮಾನಿಗಳು ಪ್ರಾಯೋಜಕತ್ವ ವಹಿಸಿ ಖುಷಿ ಪಟ್ಟರು. ಇದರೊಂದಿಗೆ ಕಾವೇರಿ ಕರೆತರುವ ಆಂದೋಲನದ ಮೂಲಕ 1 ಲಕ್ಷ ಸಸಿಗಳನ್ನು ನಿಧಿ ಸಂಗ್ರಹಿಸುವ ಕೆಲಸ ಮುಂದುವರಿದಿದೆ ಎಂದರು.
ರೈತ ಸೆಂಥಿಲ್ ಕುಮಾರ್ ಅವರ ಕೃಷಿಭೂಮಿಯಲ್ಲಿ ನಡೆದ ಕಾರ್ಯಕ್ರಮದಲ್ಲಿ ಸುತ್ತಮುತ್ತಲಿನ ಗ್ರಾಮಗಳ ಅನೇಕ ರೈತರು ಕುಟುಂಬ ಸಮೇತ ಭಾಗವಹಿಸಿದ್ದರು. ರೈತರೊಂದಿಗೆ ಸಂವಾದದ ನಂತರ ಜೂಹಿ ಅವರೊಂದಿಗೆ ಊಟ ಮಾಡಿದರು. ತಮಿಳುನಾಡು ಮತ್ತು ಕರ್ನಾಟಕದ ರೈತರು ಕಳೆದ 2 ವರ್ಷಗಳಲ್ಲಿ ಕಾವೇರಿ ಕರೆ ಆಂದೋಲನದ ಮೂಲಕ ತಮ್ಮ ಜಮೀನುಗಳಲ್ಲಿ 2.1 ಕೋಟಿ ಸಸಿಗಳನ್ನು ನೆಟ್ಟಿದ್ದಾರೆ. 1,25,000 ರೈತರು ಮರ ಆಧಾರಿತ ಕೃಷಿಯನ್ನು ಅಗಾಧ ಆರ್ಥಿಕ ಮತ್ತು ಪರಿಸರ ಪ್ರಯೋಜನಗಳೊಂದಿಗೆ ಅಳವಡಿಸಿಕೊಂಡಿದ್ದಾರೆ.
