.
ಹೈದರಾಬಾದ್ (ಜ.26): ತೆಲಂಗಾಣ ಡಿಜಿಟಲ್ ಮೀಡಿಯಾ ವಿಭಾಗವು ತನ್ನ ಗಣರಾಜ್ಯೋತ್ಸವದ ಪೋಸ್ಟ್ ಅನ್ನು ಎಕ್ಸ್ನಲ್ಲಿ ಪೋಸ್ಟ್ ಮಾಡಿದ್ದು, ಭಾರತದ ತ್ರಿವರ್ಣ ಧ್ವಜವನ್ನು ತಲೆಕೆಳಗಾಗಿ ಹಾರಿಸಿರುವುದು ವಿವಾದಕ್ಕೆ ಕಾರಣವಾಗಿದೆ.
ರಾಷ್ಟ್ರಧ್ವಜದ ಮೇಲ್ಭಾಗದಲ್ಲಿ ಕೇಸರಿ ಬಣ್ಣದ ಬದಲು ಹಸಿರು ಬಣ್ಣವನ್ನು ಹೊಂದಿರುವ ಚಿತ್ರವು ಭಾರತದ ಧ್ವಜ ಸಂಹಿತೆ 2002 ರ ಸ್ಪಷ್ಟ ಉಲ್ಲಂಘನೆಯಾಗಿದೆ.
ಹೈದರಾಬಾದ್: ಸಿಎಂ ರೇವಂತ್ ರೆಡ್ಡಿ ನೇತೃತ್ವದ ಕಾಂಗ್ರೆಸ್ ಸರ್ಕಾರ ಸಂವಿಧಾನ ಶಿಲ್ಪಿ ಅಂಬೇಡ್ಕರ್ ಹಾಗೂ ರಾಷ್ಟ್ರಧ್ವಜಕ್ಕೆ ಅವಮಾನ ಮಾಡಿದೆ. ಗಣರಾಜ್ಯೋತ್ಸವದಂದು ಸೆಕ್ರೆಟರಿಯೇಟ್ನಲ್ಲಿರುವ ಬಾಬಾಸಾಹೇಬರ ಪ್ರತಿಮೆಗೆ ಮಾಲಾರ್ಪಣೆ ಮಾಡದ ಕಾಂಗ್ರೆಸ್ ಸರ್ಕಾರ, ಅಲ್ಲದೆ ಗಣರಾಜ್ಯೋತ್ಸವದ ಶುಭಾಶಯ ಕೋರಿ ಮಾಡಿದ ಜಾಹೀರಾತುಗಳಲ್ಲಿ ತ್ರಿವರ್ಣ ಧ್ವಜವನ್ನು ತಲೆಕೆಳಗಾಗಿ ಪೋಸ್ಟ್ ಮಾಡಲಾಗಿದೆ. ಇದು ಉದ್ದೇಶಪೂರ್ವಕವೋ, ಅಚಾನಕ್ಕಾಗಿ ಆಗಿರುವುದೋ ತಿಳಿದಿಲ್ಲ.
ಇದನ್ನೂ ಓದಿ: ಈ ಬಾರಿಯ ಗಣರಾಜ್ಯೋತ್ಸವದ ವಿಶೇಷತೆಯೇನು ಗೊತ್ತಾ? | Republic Day 2025 | Kannada News | Suvarna News
ಆದರೆ ಪೋಸ್ಟ್ ಮಾಡಲಾಗಿರುವ ಚಿತ್ರದಲ್ಲಿ ರಾಷ್ಟ್ರಧ್ವಜವು ಮೇಲೆ ಕೇಸರಿ ಬದಲಾಗಿ ಹಸಿರು ಮತ್ತು ಮಧ್ಯದಲ್ಲಿ ಬಿಳಿ ಕೆಳಗಡೆ ಕೇಸರಿ ಬಣ್ಣವನ್ನು ಹೊಂದಿರುವ ಧ್ವಜವನ್ನು ಪ್ರಕಟಿಸಿರುವುದು ತೀವ್ರ ಆಕ್ರೋಶಕ್ಕೆ ಕಾರಣವಾಗಿದೆ. ಪ್ರಕಟಿಸಲಾದ ಚಿತ್ರದಲ್ಲಿ ಐಟಿ ಕೈಗಾರಿಕೆ ಸಚಿವ ಶ್ರೀಧರ್ ಬಾಬು, ರೇವಂತ್ ರೆಡ್ಡಿ ಮತ್ತು ಅಂಬೇಡ್ಕರ್ ಅವರ ಚಿತ್ರಗಳಿವೆ. ಐಟಿ ಇಲಾಖೆಯ ಅಧೀನದಲ್ಲಿರುವ ತೆಲಂಗಾಣ ಡಿಜಿಟಲ್ ಮೀಡಿಯಾ ವಿಂಗ್ ತನ್ನ ಎಕ್ಸ್ ಖಾತೆಯಲ್ಲಿ ತಪ್ಪಾದ ಫೋಟೊದ ಜೊತೆಗೆ "ತೆಲಂಗಾಣದ ಸಮಸ್ತ ಜನತೆಗೆ ಗಣರಾಜ್ಯೋತ್ಸವದ ಶುಭಾಶಯಗಳು' ಎಂದು ಪೋಸ್ಟ್ ಮಾಡಿದೆ. ವ್ಯಾಪಕ ಟೀಕೆ, ಆಕ್ರೋಶ ವ್ಯಕ್ತವಾದ ಬಳಿಕ ಪೋಸ್ಟ್ ಅನ್ನು ಅಳಿಸಲಾಗಿದೆ.
ನೆಟಿಜೆನ್ಸ್ ಕಿಡಿ:
ರಾಷ್ಟ್ರಧ್ವಜ ತೆಲಕೆಳಗಾಗಿ ಪ್ರದರ್ಶಿಸಿರುವ ಚಿತ್ರವನ್ನು ಪೋಸ್ಟ್ ಮಾಡಿರುವ ತೆಲಂಗಾಣ ಡಿಜಿಟಲ್ ಮೀಡಿಯಾ ವಿರುದ್ಧ ನೆಟಿಜೆನ್ಸ್ ಆಕ್ರೋಶ ವ್ಯಕ್ತಪಡಿಸಿದ್ದಾರೆ. ಇದು ಕ್ಷಮಿಸಲಾಗದ್ದು. ತೆಲಂಗಾಣ ಸರ್ಕಾರದ ಅಧಿಕೃತ ಖಾತೆಯಲ್ಲೇ ನಮ್ಮ ರಾಷ್ಟ್ರಧ್ವಜಕ್ಕೆ ಅವಮಾನವಾಗಿದೆ. ಇದನ್ನ ಪ್ರಕಟಿಸುವ ಮುಂಚೆ ಗಮನಿಸಲಿಲ್ಲವೇ? ರಾಷ್ಟ್ರಧ್ವಜವನ್ನು ಈ ರೀತಿ ಕ್ರಿಯೆಟ್ ಮಾಡಿದವರು ಯಾರು? ಅವನು ಭಾರತೀಯನೋ ವಿದೇಶಿಯನೋ? ಕೇಸರಿ ಮೇಲ್ಭಾದಲ್ಲಿರುತ್ತದೆ ಎಂದು ತಿಳಿಯಲಿಲ್ಲವೇ? ಸರ್ಕಾರದ ಅಧಿಕೃತ ಡಿಜಿಟಲ್ ಮೀಡಿಯಾ ಎಕ್ಸ್ ಹ್ಯಾಂಡಲ್ ಮಾಡುವವರು ಗಮನಿಸಲಿಲ್ಲವೆ? ಇದೊಂದು ಉದ್ದೇಶಪೂರ್ವಕ ಪ್ರಮಾದ ಕ್ಷಮಿಸಲಾಗದು ತಪ್ಪಿತಸ್ಥರ ಮೇಲೆ ಕ್ರಮಕ್ಕೆ ಆಗ್ರಹಿಸಿದ್ದಾರೆ.
ಧ್ವಜ ಸಂಹಿತೆ:
ಭಾರತದ ರಾಷ್ಟ್ರಧ್ವಜ ದೇಶಕ್ಕೆ ಹೆಮ್ಮೆಯ ವಿಚಾರ. ಎಲ್ಲಾ ಭಾರತೀಯರು ರಾಷ್ಟ್ರಧ್ವಜವನ್ನು ಗೌರವಿಸುವುದು, ಕಾಪಾಡಿಕೊಳ್ಳುವುದು ವಿಶೇಷ ಜವಾಬ್ದಾರಿಯಾಗಿದೆ. ರಾಷ್ಟ್ರೀಯ ದಿನಗಳು ಮತ್ತು ಸರ್ಕಾರಿ ಆಚರಣೆಗಳಲ್ಲಿ ರಾಷ್ಟ್ರಧ್ವಜವನ್ನು ಹಾರಿಸಲಾಗುತ್ತದೆ. ಆದಾಗ್ಯೂ, ರಾಷ್ಟ್ರಧ್ವಜವನ್ನು ಬಳಸುವಾಗ ಅನುಸರಿಸುವ ಕಾರ್ಯವಿಧಾನಗಳಲ್ಲಿ ತಪ್ಪುಗಳು, ದೋಷಗಳು ಮತ್ತು ಉಲ್ಲಂಘನೆಗಳಾಗದಂತೆ ಎಚ್ಚರವಹಿಸಬೇಕು. ಕಾನೂನು ಉಲ್ಲಂಟಿಸಿದರೆ ಶಿಕ್ಷೆಯೂ ಬಗ್ಗೆಯೂ ತಿಳಿಸಿದೆ. ಧ್ವಜ ವಂದನೆಯ ಸಂದರ್ಭದಲ್ಲಿ ಮಾಡಬೇಕಾದ ಮತ್ತು ಮಾಡಬಾರದ ವಿಷಯಗಳನ್ನು ಸದಾ ನೆನಪಿನಲ್ಲಿಟ್ಟುಕೊಳ್ಳಬೇಕು. ಅದಕ್ಕಾಗಿಯೇ 2002ರಲ್ಲಿ ಕೇಂದ್ರ ಸರ್ಕಾರ ರಾಷ್ಟ್ರ ಧ್ವಜಾರೋಹಣವನ್ನು ಗೆಜೆಟ್ ಮಾಡಿದೆ.
ತ್ರಿವರ್ಣ ಧ್ವಜವು ಮೇಲಿನಿಂದ ಕೆಳಕ್ಕೆ ಸಮಾನ ಪ್ರಮಾಣದಲ್ಲಿ ಕೇಸರಿ, ಬಿಳಿ ಮತ್ತು ಹಸಿರು ಬಣ್ಣಗಳನ್ನು ಹೊಂದಿರಬೇಕು. ಧ್ವಜದ ಬಿಳಿ ಬಣ್ಣದ ಮಧ್ಯದಲ್ಲಿ ಅಶೋಕ ಧರ್ಮಚಕ್ರ (24 ಗೆರೆ) ನೀಲಿಯಾಗಿರಬೇಕು. ಧ್ವಜದ ಮೇಲೆ ಯಾವುದೇ ಬರಹಗಳು, ಸಹಿಗಳು ಅಥವಾ ಮುದ್ರಣಗಳು ಇರಬಾರದು.
